लूका 1:15 - Sunuwar Bible

¹⁵ मारदे हना मेको परमप्रभु आ ङोंइती ठेयब दुम्‍ब। मेकोमी शांबु राकसी मतूब। मेको कोव़जम बाक्‍मेनुन, परमप्रभु यावे आ सोक्‍तीम ब्रीशो बाक्‍ब। न्‍यायाधीस १३:४-५

लूका 1:15 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 48:19

तन्‍न आ आफ मबित्‍थु “गो तुइक्‍नुङ, आं तौ, गो तुइक्‍नुङ। एको यो थर का दुम्‍ब, एको यो ठेयब दुम्‍ब। तन्‍न एको क्‍येङा आ लोक्‍ब एफ्राइम ठेयब दुम्‍ब। मिनु आ चच युइ शुश ठेयब जात दुम्‍नीम” दे आसीक गेम्‍सी बाक्‍त। गन्‍ती १:३३,३५; ब्‍यवस्‍था ३३:१७

१ इतिहास 17:8

गे ते ते लवे, गो यो मेक मेक बाक्‍शो बाक्‍ती। मिनु इ लांम बाक्‍शो इ जोरी सत्रु आन कली खतम पोक्‍तामी। मुल गो इ कली रागी ङा थम ठेयब मुर खोदेंशो पा ठेयब सेल्‍नन।

१ इतिहास 29:12

गे शोंप नु मान ततीक गेब बाक्‍नीनी। गे नेल्‍ल आन कली सासन पाइनीनी। बोल नु सक्ति इन गुइमी बाक्‍ब। गे इन गुइमी ठेयब सेल्‍शा, सक्ति गेनीनी। २इतिहास २०:६

भजन संग्रह 22:9

गो मोदेंब दुम्‍ती हना यो, गे आं कली जरमेपपाइक्‍तीनी। गो आं ममा आ दूध तूङु रे आं कली कोव़तीनी।

येरमीया 1:5

“गो इ कली कोव़जीम जोल्‍चा क्‍येङा ङोंइती तुइक्‍ताक्‍ङ। गो इ कली जरमेचा क्‍येङा ङोंइती योव़शा तिल्‍तन। मिनु इ कली रागी रागी ङा मुर आन कली आं लोव़ पाइब सेल्‍तन” देंत। यसैया ४९:१; गलाती १:१५

येरमीया 35:6

तन्‍न मेकोपुकीमी “गो अङगुर शांबु मतूनीकी। मारदे हना रेकाब आ तौ आंइ किकी योनादाबम आंइ कली ‘गेपुकी नु इन आलपुकीम गेनायो अङगुर शांबु मतूङीन। २राजा १०:१५

लेवी 10:9

“गे नु इ तौपुकी ग्रुम्‍तीक ताम्‍बुम ओव़नीनु, अङगुर शांबु नु अरु दुक्‍तीक थोव़क मतूङीन। तूतीनी हना, गेपुकी बेक्‍नीनी। मेको गेना हना यो इन पतीक दुम्‍ब। इजीकीएल ४४:२१; होसे ४:११; आमोस २:८

जकरिया 9:15

मुर नेल्‍ल आन परमप्रभु यावेमी मेको आन कली राइश्‍शा प्रोंइब। मेकोमी आन जोरी सत्रु आन कली खतम पोक्‍ब। मेकोपुकीमी आन हुश अङगुर शांबु खोदेंशो पा तूनी‍म। मेकोपुकी चढ़ेतीक ङा हुश कुर पतीक बोस खोदेंशो पा ब्रीशो बाक्‍नीम। चढ़ेतीक आ एर ओंथ कुना कुना मेर फ्रशो हुश खोदेंशो बाक्‍नीम।

लूका 1:14

मेको आल थिशो तशा, गे ग्‍येरसीनेवे। शुश मुर मेको आल आ पर्बम ग्‍येरसीनीम।

लूका 7:28

रागी नेल्‍लेम यूहन्‍ना खोदेंशो ठेयब सुइ मबाक्‍ब। परमप्रभु यावे आ राज्‍यमी नेल्‍ल क्‍येङा आइक्‍च चहिं यूहन्‍ना क्‍येङा ठेयब बाक्‍ब” दे शेंदीमी बाक्‍त। लूका १:१५

लूका 7:33

यूहन्‍नामी माइजा बाक्‍शा, शांबु राकसी मतूङानु ‘वोलम सुम्‍शो बाक्‍माक्‍त’ दे मरिम्‍शो सुइक्‍तीनी। मत्ती ३:४

यूहन्‍ना 5:35

यूहन्‍ना छेङछेङ पा ब्रशो बत्ती खोदेंशो बाक्‍त। गे मेको आ हाम्‍सोमी ग्‍येरशा बाक्‍चा दाक्‍ताक्‍नी।

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

गलाती 1:15

परमप्रभु यावेमी चहिं काबु आं मोदेंशो पचा तेक्‍ती। मारदे हना आ दाक्‍शो पा आं जरमेचा ङोंइती रे योव़शा, आ लोव़ शेंब सेल्‍ने थुम्‍शो बाक्‍माक्‍त। येरमीया १:५; रोमी १:१

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

यहोसु 3:7

मिनु परमप्रभु यावेमी यहोसु कली “मुलाक्‍त रे गो इ कली इस्राएली नेल्‍ल आन ङोंइती ठेयब सेल्‍नन। दोपा गो मोसा नु बाक्‍ङा, मोपा गे नु यो बाक्‍नुङ, दे नेल्‍ल आन कली तुइक्‍पाइक्‍नुङ। यहोसु ४:१४; यहोसु १:५,१७

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७