लूका 1:13 - Sunuwar Bible

¹³ मिनु परमप्रभु यावे आ स्‍वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्‍ना वोतो।

लूका 1:13 ပူးပေါင်းရင်းမြစ်များ

उत्पत्ती 17:10

गे नु इ नोले ङा तौ चच युइ आन पचा माल्‍शो कबल मार बाक्‍त देंशा हना, इ चारतीक ङा कुशुल कुल पा ख्रोइक्‍चा माल्‍नेवे। गे नु इ चच युइ, वोंइश मुर नेल्‍ल कली कुशुल ख्रोइक्‍तीक चिनु ख्रोइक्‍चा माल्‍नीम। लेवी १२:३; यूहन्‍ना ७:२२

उत्पत्ती 17:19

मिनु परमप्रभुमी “ममाइ, इ मीश सारामी थमा पा तौ का थीब। मेको आ नें इसहाक वोइक्‍चा माल्‍नेवे। मेको नु आं कबल पतीक गेना हना यो दुम्‍ब। मेको आ नोले ङा आ तौ चच युइ नु यो लीब।

उत्पत्ती 18:14

गो परमप्रभु यावे नङ। गो नेल्‍ल पने चाप्‍नुङ। गो माइक्‍थ लेश्‍शा जाक्‍ङानु, सारामी तौ थिशो बाक्‍ब” देंमाक्‍त। मत्ती १९:२६; लूका १:३७

उत्पत्ती 25:21

मिनु इसहाकमी परमप्रभु यावे कली आ मीश आ पर्बम पुना बाक्‍त। मारदे हना आल मथीब बाक्‍माक्‍त। परमप्रभु यावेमी आ पुंइशो गेवा बाक्‍त। मिनु रेबेकामी कोव़ज कुरा बाक्‍त।

भजन संग्रह 113:9

मिनु मेकोम आल मथीब मीश मुर आन कली ग्‍येरसीशो ममा सेल्‍ब। परमप्रभु यावे कली ठेयब सेलीन। उत्‍पत्ती २१:२ १सामुएल १:२०; लूका १:५७-५८

भजन संग्रह 118:21

गे आं पुंइशो नेंशा, लोव़ लेत्‍ताक्‍यीनी। मोपतीके गो इन कली “गे रिम्‍शो पाइब बाक्‍नीनी” देंनुङ। गे आं कली श्‍येत रे प्रोंइब दुम्‍तीनी।

यसैया 8:3

मिनु गो आं मीश नु बाक्‍ती। मिनु मेकोमी कोव़ज कुरशा तौ का थिप्‍तु। मिनु परमप्रभु यावेमी आं कली “मेको आ नें माहेर-शालाल-हाश-बाज वोतो।

दानीएल 10:12

मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।

होसे 1:4

मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

मत्ती 1:21

नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्‍पदा बाक्‍त। लूका २:२१; प्रेरित ४:१२; भजन संग्रह १३०:८

मत्ती 14:27

येसुमी “थुं बारपतीने। गो नङ, महिनीन” देंत। लूका २४:३७

मत्ती 28:5

मिनु परमप्रभु यावे आ स्‍वर्ग ङा गेय पाइबमी मीश मुर आस कली “महिनीसे। गे शीमी क्‍याइश्‍शा साइश्‍शो येसु कली माल्‍थ पिसी ममाइ?

मर्कूस 16:6

मिनु मेको ठिटामी “मार छक लाक्‍नी? शीमी क्‍येप्‍शा कांटी थोक्‍शा क्‍याइश्‍शो नासरथ ङा येसु कली माल्‍थ जाक्‍नी ममाइ? आ बेक्‍शो रां वोइक्‍तीके कोव़ङीन, मबाक्‍ब। बेक्‍शो रे सेंसाक्‍व।

लूका 1:14

मेको आल थिशो तशा, गे ग्‍येरसीनेवे। शुश मुर मेको आल आ पर्बम ग्‍येरसीनीम।

लूका 1:30

मिनु गाब्रीएलमी “ए मरीयम, महिनो। परमप्रभु यावेमी इ कली दाक्‍शा योव़ते।

लूका 2:21

मिनु आल जरमेसे आ ८ नाक्‍ती ख्रोइक्‍तीक चिनु ख्रोदमे बाक्‍त। मिनु आ नें येसु वोदमे बाक्‍त। मारदे हना परमप्रभु यावे आ स्‍वर्ग ङा गेय पाइबमी “मेको आ नें येसु वोइक्‍चा” दे आ कोव़ज कुरचा क्‍येङा ङोंइती मरीयम कली देंशो बाक्‍माक्‍त। लूका १:५९; उत्‍पत्ती १७:१२; लूका १:३१

प्रेरित 10:31

मेकोमी आं नें थिशा ‘ए कोरनेलीयस, परमप्रभुमी इ प्रार्थना पशो नेंशो बाक्‍ब। इ शिशी पा मथीब आन कली मार मार गेशो तशो बाक्‍ब।

न्‍यायाधीस 6:23

मिनु परमप्रभु यावेमी “इ थुं नाइक्‍तो। महिनो। मारदे हना मबेक्‍नेवे” देंमाक्‍त।

१ सामुएल 2:21

मिनु परमप्रभु यावेमी हान्‍नाह कली आसीक गेवानु, मेको आल थीब दुम्‍शा, तौ सां नु तमी निक्‍शी थिमाक्‍त। मिनु सामुएल चहिं परमप्रभु यावे आ ङोंइती कोल्‍ना कोल्‍न ल‍माक्‍त। लूका १:८०