लेवी 9:6 - Sunuwar Bible

⁶ मिनु मोसामी “गेपुकीमी परमप्रभु यावेमी अरेशो पचा माल्‍शो गेय एकोन बाक्‍ब। मिनु परमप्रभु यावे आ छेङछेङम इन कली तपांइसीब” देंत।

लेवी 9:6 ပူးပေါင်းရင်းမြစ်များ

प्रस्‍थान 16:10

मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९

प्रस्‍थान 24:16

मिनु परमप्रभु यावे आ छेङछेङ सीनै डांडाम बाक्‍शो बाक्‍त। मेको गोस्‍सुम डांडा कली ६ नाक्‍त सम्‍म सुम्‍तु। मिनु नाक्‍त का नोले गोस्‍स आ दाते रे परमप्रभु यावेमी मोसा कली ब्रेत्‍ताक्‍व। प्रस्‍थान १६:१०

प्रस्‍थान 29:43

मिनु गो इस्राएली आन कली मेकेर ग्रुम्‍नुङ। मिनु मेको ताम्‍बु आं छेङछेङम ब्रीशा आं के दुम्‍ब। प्रस्‍थान ३३:१०; प्रस्‍थान ४०:३४

इजीकीएल 43:2

मिनु इस्राएली आन परमप्रभु आ छेङछेङ पूर्ब रे जाक्‍त। मेको आ रेयके ठेयब समुन्‍द्र आ रेयके खोदेंशो नेंसाक्‍व। मिनु रागी नेल्‍ल मेको आ छेङछेङम हाम्‍सो दुम्‍त। इजीकीएल १:२८

लेवी 9:23

मिनु मोसा नु हारून ग्रुम्‍तीक ताम्‍बु आगा ओव़ताक्‍स। मिनु ग्रूशा मुर आन कली आसीक गेम्‍ताक्‍स। मिनु परमप्रभु यावे आ छेङछेङ मुर नेल्‍लेमी ताम्‍तेक्‍म। प्रस्‍थान १६:१०; प्रस्‍थान ४०:३४

लेवी 9:5

मिनु मोसामी अरेशो खोदेंशो पा मेकोपुकीमी मारेइ मारेइ ग्रुम्‍तीक ताम्‍बु आ ङोंइती चाक्‍तेक्‍म। मिनु मुर नेल्‍ले परमप्रभु यावे आ ङोंइती जाक्‍शा राप्‍तेक्‍म।