लेवी 9:4 - Sunuwar Bible

⁴ मिनु परमप्रभु यावे आ ङोंइती दुशा बाक्‍चा आ पर्बम चढ़ेचा कली ब्‍यफ का, सांड का नु तेलम निशो अन्‍न चढ़ेतीक यो चाक्‍कीन। मारदे हना मुलाक्‍ती परमप्रभु यावेमी इन कली तपांइसीब’ माइक्‍मी” देंत।

लेवी 9:4 ပူးပေါင်းရင်းမြစ်များ

प्रस्‍थान 16:10

मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९

प्रस्‍थान 19:11

नित्‍थ नाक्‍त आं कली ग्रुम्‍चा कली ठीक दुम्‍चा माल्‍नीमी। मारदे हना नित्‍थ नाक्‍ती गो सीनै डांडाम मुर नेल्‍ल आन ङोंइती जाक्‍नुङ।

प्रस्‍थान 24:16

मिनु परमप्रभु यावे आ छेङछेङ सीनै डांडाम बाक्‍शो बाक्‍त। मेको गोस्‍सुम डांडा कली ६ नाक्‍त सम्‍म सुम्‍तु। मिनु नाक्‍त का नोले गोस्‍स आ दाते रे परमप्रभु यावेमी मोसा कली ब्रेत्‍ताक्‍व। प्रस्‍थान १६:१०

प्रस्‍थान 29:43

मिनु गो इस्राएली आन कली मेकेर ग्रुम्‍नुङ। मिनु मेको ताम्‍बु आं छेङछेङम ब्रीशा आं के दुम्‍ब। प्रस्‍थान ३३:१०; प्रस्‍थान ४०:३४

इजीकीएल 43:2

मिनु इस्राएली आन परमप्रभु आ छेङछेङ पूर्ब रे जाक्‍त। मेको आ रेयके ठेयब समुन्‍द्र आ रेयके खोदेंशो नेंसाक्‍व। मिनु रागी नेल्‍ल मेको आ छेङछेङम हाम्‍सो दुम्‍त। इजीकीएल १:२८

इजीकीएल 43:27

मिनु मेको नाक्‍त नुम्‍मेनु, ८ नाक्‍त रे चढ़ेबपुकीम इन चोशा चढ़ेतीक नु दुशा बाक्‍चा आ पर्बम चढ़ेतीक चढ़ेचा माल्‍नीम। मिनु गो इन कली ब्राइनुङ” दे परमप्रभु, परमप्रभु यावेमी देंत।

लेवी 2:1

मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४

लेवी 3:1

सुइ आन चढ़ेतीके दुशा बाक्‍चा आ पर्बम बाक्‍त हना, मेकोमी बी ब्‍यफ रे का चढ़ेब हना, परमप्रभु यावे आ ङोंइती मारेइ मदुम्‍शो थम रिम्‍शो बी कि ब्‍यफ चढ़ेचा माल्‍ब।

लेवी 9:23

मिनु मोसा नु हारून ग्रुम्‍तीक ताम्‍बु आगा ओव़ताक्‍स। मिनु ग्रूशा मुर आन कली आसीक गेम्‍ताक्‍स। मिनु परमप्रभु यावे आ छेङछेङ मुर नेल्‍लेमी ताम्‍तेक्‍म। प्रस्‍थान १६:१०; प्रस्‍थान ४०:३४

लेवी 9:3

मिनु इस्राएली आन कली ‘गेपुकीमी पाप आ पर्बम चढ़ेचा कली बोका का नु चोशा चढ़ेचा कली बर्स का दुम्‍शा, मारेइ मदुम्‍शो थम रिम्‍शो बाछा का नु मारेइ मदुम्‍शो थम रिम्‍शो पाठा का चाक्‍कीन।

लेवी 9:5

मिनु मोसामी अरेशो खोदेंशो पा मेकोपुकीमी मारेइ मारेइ ग्रुम्‍तीक ताम्‍बु आ ङोंइती चाक्‍तेक्‍म। मिनु मुर नेल्‍ले परमप्रभु यावे आ ङोंइती जाक्‍शा राप्‍तेक्‍म।

लेवी 9:6

मिनु मोसामी “गेपुकीमी परमप्रभु यावेमी अरेशो पचा माल्‍शो गेय एकोन बाक्‍ब। मिनु परमप्रभु यावे आ छेङछेङम इन कली तपांइसीब” देंत।

गन्‍ती 14:10

तन्‍न मुर नेल्‍लेमी मेको आस कली “फुल्‍लु आप्‍नीकी” दे हिंच कोंइताक्‍म। मेना परमप्रभु यावे आ छेङछेङ इस्राएली नेल्‍ल आन कली ग्रुम्‍तीक ताम्‍बुम तपांइसाक्‍व। प्रस्‍थान १७:४; प्रस्‍थान १६:१०

गन्‍ती 16:19

मिनु कोराहमी ग्रुम्‍तीक ङा मुर नेल्‍ल आन कली मोसा नु हारून आस पर्बम गन गन पचा, दे ग्रुम्‍तीक ताम्‍बु आ ओव़तीकेमी पुक्‍तीमी। मेना परमप्रभु यावे आ छेङछेङ मेको नेल्‍ल आन ङोंइती ग्रूत। गन्‍ती १६:१०