लेवी 9:18 - Sunuwar Bible

¹⁸ मिनु हारूनमी मुर आन कली दुशा बाक्‍चा आ पर्बम चढ़ेतीके ब्‍यफ नु सांड क्‍योरतु। मिनु हारून आ तौपुकीम हुश चाक्‍शा, मेको कली गेम्‍तेक्‍म। मिनु मेकोमी चढ़ेतीक आ एर ओंथ ब्रुइक्‍ताक्‍व।

लेवी 9:18 ပူးပေါင်းရင်းမြစ်များ

लेवी 9:9

मिनु हारून आ तौपुकीमी मेको आ हुश चाक्‍तेक्‍म। मिनु मेकोमी आ ब्रेप्‍चो हुशेम ख्रुम्‍शा चढ़ेतीक आ ग्रोव़पुकीम ख्रेक्‍ताक्‍व। मिनु लीशो हुश कली चढ़ेतीक आ पुंम मोइक्‍तु।

रोमी 5:1

मिनु गो थमा सुइश्‍शोमीन ठीक दुम्‍पाइक्‍चा पुंइसीशा, इं प्रभु येसु ख्रीस्‍त रे पा परमप्रभु यावे नु दुशा बाक्‍तीक दुम्‍शो बाक्‍त। रोमी ३:२४,२८; यसैया ५३:५

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

कलस्‍सी 1:20

परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२