लेवी 8:8 - Sunuwar Bible

⁸ मिनु नोले मेकोमी हारून कली कुचुम रेल्‍तीक झोला रेल्‍ताक्‍व, मिनु मेको आगा “ऊरीम नु थुम्‍मीम” कुर पाप्‍तु। ऊरीम नु थुम्‍मीम कली छेङछेङ नु निसाफ पतीके देंसीब। परमप्रभु यावे आ देंशो कोंइब बाक्‍ब। प्रस्‍थान २८:३०

लेवी 8:8 ပူးပေါင်းရင်းမြစ်များ

एज्रा 2:63

मिनु ऊरीम नु थुम्‍मीममी गेय पने चाप्‍ब चढ़ेब का मग्रूम सम्‍म मेकोपुकीमी नेल्‍ल क्‍येङा चोव़खो चढ़ेतीक थोव़क रे जचा मताम।

नेहेम्‍याह 7:65

हुकुम पाइबमी ऊरीम नु थुम्‍मीम रे गेय पाइब चढ़ेब मग्रूम सम्‍म मेको आन कली चढ़ेशो थोव़की जचा मगेमे बाक्‍त। प्रस्‍थान २८:३०; गन्‍ती १८:९; १सामुएल १४:४१

प्रस्‍थान 29:1

गे हारून नु आ तौपुकी आं कली चढ़ेब सेल्‍‍चा कली मार पचा माल्‍नेवे देंशा हना, बोहोर का, मारेइ मदुम्‍शो थम रिम्‍शो सांड निक्‍शी चाक्‍को।

ठेयब कुम्सो 8:6

आं कली इन थुंमी छाप थोक्‍शो खोदेंशो पा वोतीन। इन गुइमी यो छाप थोक्‍शो खोदेंशो पा वोतीन। मारदे हना दाक्‍तीके, बेक्‍पाइक्‍ब खोदेंशो पा सक्ति पाइश्‍शो बाक्‍ब। मेको आ दाक्‍शो तुरस खोदेंशो मटीब नु शुश ब्रशो मी क्‍येङा यो शुश ब्राइब बाक्‍ब। मत्ती २२:३०; रोमी ७:२; उत्‍पत्ती २:२४; मत्ती १९:५-६; एफिसी ५:२८-३३

यसैया 59:17

मेकोमी ठीक पतीके कांसा के फेक्‍तीके खोदेंशो पा फेक्‍शा, पाप रे प्रोंइतीक ताकी खोदेंशो पा गुक्‍साक्‍व। क्‍येक्‍क लेत्‍तीक वा खोदेंशो पा फेक्‍साक्‍व। आ थुंमी थमा पा पाइनुङ, दे वा खोदेंशो पा रुक्‍साक्‍व।

गन्‍ती 27:21

मिनु यहोसु चढ़ेब एलाजर आ ङोंइती राप्‍चा माल्‍ब। मिनु एलाजरमी ऊरीम यहोसु आ पर्बम मार देंबा, दे परमप्रभु यावे आ ङोंइती हिल्‍लो पचा माल्‍ब। यहोसु आ देंशोमी इस्राएली नेल्‍ले मेको नु लडाइ पथ लचा नु लेत्‍चा माल्‍नीम” देंत। प्रस्‍थान २८:३०; ब्‍यवस्‍था ३३:८

एफिसी 6:14

गेपुकी थमा शेंतीकेमी किप्‍शुर किप्‍शो खोदेंशो पा राप्‍शा बाक्‍कीन। मिनु ठीक दुम्‍तीकेमी पीतल के भोटो फेक्‍शो खोदेंशो पा बाक्‍कीन। लूका १२:३५; १पत्रुस १:१३; १थिस्‍सलोनिकी ५:८

ब्‍यवस्‍था 33:8

मिनु लेवी आ पर्बम मार देंशो बाक्‍त, देंशा हना “गे लेवी कली इन थुम्‍मीम गेने। इन ऊरीम इन थमा सुइक्‍चा ङा गेय पाइब कली गेने। गे मेको कली मास्‍साहम नाक्‍ताक्‍नी। गे मेरीबा ङा ब्‍वाक्‍कुम मेको नु जीतीनी” देंत। प्रस्‍थान २८:३०; १सामुएल १४:४१; प्रस्‍थान १७:२,७; भजन संग्रह ९५:८

१ थिस्‍सलोनिकी 5:8

तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७

१ सामुएल 2:28

गो इस्राएल ङा थर नेल्‍ल रे मेको कली आं कली चढ़ेब दुम्‍पाइक्‍चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्‍मीम बाक्‍शो झोला फेक्‍चा कली योव़ता। इस्राएल ङा मीम चढ़ेशो नेल्‍ल इ आफ आ खिं ङा मुर आन कली गेता। ब्‍यवस्‍था १८:१; गन्‍ती १८:८-२०

१ सामुएल 28:6

मिनु सावलम परमप्रभु यावे कली हिल्‍लो पवा बाक्‍त। तन्‍न परमप्रभु यावेम ङोमुम, ऊरीम नु परमप्रभु यावे आ लोव़ पाइब आन रे लोव़ मलेत्‍ता बाक्‍त। १सामुएल १४:४१; प्रस्‍थान २८:३०