लेवी 8:35 - Sunuwar Bible

³⁵ गेपुकी ७ नाक्‍त सम्‍म नाक्‍दो नाक्‍ती ग्रुम्‍तीक ताम्‍बु आ ओव़तीकेमी बाक्‍चा माल्‍नीनी। गे परमप्रभु यावेमी अरेशो पने। मो मपाइतीनी हना, गे बेक्‍नीनी। मारदे हना आं कली मोदें अरेशो बाक्‍ब” दे माइक्‍तीमी।

लेवी 8:35 ပူးပေါင်းရင်းမြစ်များ

१ राजा 2:3

मिनु गे परमप्रभु यावे, इ परमप्रभु आ देंशो टिवो। मेको आ लांम गाक्‍को। मिनु मोसा आ अरेशो लोव़म गेशो खोदेंशो पा परमप्रभु यावे आ फुल्‍लुम मुशा ब्रेक्‍शो लोव़, आ शेंशो, आ देंशो पतीक लोव़ नु आ गेशो अर्ती नेल्‍ल पावो। मिनु गे मार मार पाइनेवे, ते ते लाइनेवे, मेको नेल्‍ल रिम्‍शो दुम्‍ल। ब्‍यवस्‍था १७:१४-२०; यहोसु १:७

प्रस्‍थान 29:35

गोम इ कली अरेशो खोदेंशो पा हारून नु आ तौ आन कली पाइक्‍मी। मेको आन कली ७ नाक्‍त सम्‍म मोदेंशो चढ़ेब सेल्‍तीक गेय पचा माल्‍नेवे।

इजीकीएल 43:25

गेपुकीम पाप आ पर्बम चढ़ेचा कली ७ नाक्‍त सम्‍म नाक्‍त किंत किंत क्‍यारश का, बोहोर का नु बगाल रे मारेइ मदुम्‍शो सांड का चाक्‍चा माल्‍नीनी।

इजीकीएल 48:11

मिनु मेको परमप्रभु यावे कली चढ़ेब आन भाग दुम्‍चा माल्‍ब। आं गेय पाइब सादोक आ चच युइ आन के दुम्‍ब। मेकोपुकी इस्राएली नु लेवीपुकी हेंथे गाक्‍तेक्‍म हना यो, मेकोपुकी हेंथे मगाक्‍थु, आं गेय पाम्‍तेक्‍म। इजीकीएल ४०:४६

लेवी 10:1

मिनु हारून आ तौ नादाब नु अबीहुम आस थनौरो लाइश्‍शा, मी कुर पाम्‍ताक्‍स। मिनु मी आ तारी धूप वोइक्‍ताक्‍स। मोपा मेको निक्‍शी परमप्रभु यावेमी “अरु मी मलाइक्‍चा” दे अरेशो लोव़ मटिम्‍स, मेको परमप्रभु यावे आ ङोंइती चढ़ेम्‍ताक्‍स। प्रस्‍थान ६:२३; प्रस्‍थान २८:१; प्रस्‍थान ३०:९

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

लेवी 8:30

मिनु मोसामी लुक्‍तीक तेल नु चढ़ेतीकेम वोइश्‍शो हुश लाइश्‍शा, हारून नु आ तौ आन फेक्‍शो वाम ब्रुइक्‍ताक्‍व। मोपा मोसामी हारून नु मेको आ फेक्‍शो वा, आ तौपुकी नु मेको आन फेक्‍शो वा नेल्‍ल परमप्रभु यावे कली ला गेय पाइब, दे चोव़खो सेल्‍तु।

लेवी 8:34

मुलाक्‍त मार पङा, मेको परमप्रभु यावेमी अरेशो इन कली पाप क्‍याम्‍तीक गेय बाक्‍त।

लेवी 8:36

मिनु परमप्रभु यावेमी मोसा रे पा अरेशो नेल्‍ल हारून नु आ तौपुकीम पाम्‍तेक्‍म।

गन्‍ती 19:12

मिनु मेकोम मेको सां नाक्‍तीम ब्‍वाक्‍कु चोव़खेसीचा माल्‍ब। मिनु ७ नाक्‍तीम लेंशा चोव़खेसीचा माल्‍ब। मिनु मेको ग्रांग्रा मदिशो दुम्‍ब। तन्‍न मेकोमी सां नाक्‍त नु ७ नाक्‍त मचोव़खेसाक्‍व हना, मेको ग्रांग्रा दिशा बाक्‍ब।

गन्‍ती 3:7

मिनु मेकोपुकीमी हारून कली वारच पा इस्राएली नेल्‍ल आन पर्बम ग्रुम्‍तीक ताम्‍बु आ ङोंइती गेय पचा माल्‍नीम। गन्‍ती १८:३; गन्‍ती १६:९

गन्‍ती 9:19

मेको गोस्‍स शुश नाक्‍त सम्‍म ग्रुम्‍तीक ताम्‍बु तार बाक्‍त हना यो, इस्राएलीपुकी परमप्रभु यावे आ देंशो टिशा मगाक्‍बाक्‍तेक्‍म।

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

ब्‍यवस्‍था 11:1

मिनु मोसामी “गे परमप्रभु यावे, इन परमप्रभु कली दाक्‍चा माल्‍नीनी। गे नाक्‍त किंत किंत मेको आ ब्रेक्‍शा अरेशो लोव़, आ फुल्‍लुम मुशा ब्रेक्‍शो लोव़, आ निसाफ पतीक लोव़ नु आ शेंशो नेल्‍ल टिने।

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

२ तिमोथी 4:1

गो इ कली ख्रीस्‍त येसु नु परमप्रभु यावे आस ङोंइती मार देंनुङ देंशा हना, येसु ख्रीस्‍त आ राज्‍य जाची ना बेक्‍शो नु ब्रोंइशो मुर आन कली निसाफ पाइब बाक्‍ब। मेको आ जाक्‍चा नु राज्‍य पचा मिम्‍शा १पत्रुस ४:५

हिब्रू 7:28

परमप्रभु यावे आ अरेशो लोव़मी पाको मदुम्‍‍शो मुर आन कली योव़शा चढ़ेब सेल्‍बाक्‍त। परमप्रभु यावे आ अरेशो लोव़ तुइश्‍शो शुश बर्स नोले कसम जशो लोव़मी गेना हना यो पाको बाक्‍शो आ तौ कली ठेयब चढ़ेब सेल्‍शा वोइश्‍शो बाक्‍त।