33 मिनु नोले गे ७ नाक्त सम्म, इन कली गेय गोचा कली चढ़ेशो ७ नाक्त मगाम सम्म ग्रुम्तीक ताम्बु आ ओव़तीक रे लाङगा मलने। मारदे हना ७ नाक्त मजाक्दीम सम्म इन गेय गोचा कली चढ़ेतीक गेय ला थुम्सीब।
हारून आ पा ङा चढ़ेब दुम्ब आ तौ ग्रुम्तीक ताम्बु आगा परमप्रभु यावे आ बाक्तीकेम गेय पथ ओव़मेनु, ७ नाक्त सम्म मेको वा फेक्चा माल्ब।
गोम इ कली अरेशो खोदेंशो पा हारून नु आ तौ आन कली पाइक्मी। मेको आन कली ७ नाक्त सम्म मोदेंशो चढ़ेब सेल्तीक गेय पचा माल्नेवे।
मिनु मेको चोव़खो सेल्चा पुंइसीशो मुरुम आ वा मुरचा माल्ब। आ चां नेल्ल प्रेक्शा, चिक्चा माल्ब। मिनु मेको ग्रांग्रा मदिशो चोव़खो दुम्ब। मिनु नोले मुर आन बाक्तीके लचा दुम्ब। तन्न ७ नाक्त सम्म आ ताम्बु आ लाङगाम बाक्चा माल्ब। गन्ती ८:७
मेको मुरुमी आ ग्रांग्रा दिशो देक्म नोले, चोव़खो दुम्चा कली ७ नाक्त रिम्चा माल्ब। मिनु आ वा मुरशा, आ रां नेल्ल ब्वाक्कुम चिक्सीचा माल्ब। मिनु मेको चोव़खो दुम्ब।
मुलाक्त मार पङा, मेको परमप्रभु यावेमी अरेशो इन कली पाप क्याम्तीक गेय बाक्त।
मिनु मेकोम मेको सां नाक्तीम ब्वाक्कु चोव़खेसीचा माल्ब। मिनु ७ नाक्तीम लेंशा चोव़खेसीचा माल्ब। मिनु मेको ग्रांग्रा मदिशो दुम्ब। तन्न मेकोमी सां नाक्त नु ७ नाक्त मचोव़खेसाक्व हना, मेको ग्रांग्रा दिशा बाक्ब।