लेवी 8:13 - Sunuwar Bible

¹³ मिनु मोसामी हारून आ तौ आन कली चाक्‍पाइश्‍शा, आगा वा फेक्‍ताक्‍मी। मिनु किप्‍शुर किप्‍शा पियाम गुप्‍तीके गुप्‍ताक्‍मी। परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।

लेवी 8:13 ပူးပေါင်းရင်းမြစ်များ

भजन संग्रह 132:9

इन कली चढ़ेबपुकीमी ठीक पतीके वा फेक्‍शो खोदेंशो पा फेक्‍समल। मिनु इन मुरपुकी ठेयब सेंदा पा ग्‍येरसमल।

प्रस्‍थान 40:13

आं कली चढ़ेब दुम्‍पाइक्‍चा कली हारून कली चढ़ेतीक वा फेक्‍पा, तेल लुक्‍शा आं कली जिम्‍मा गेयी।

प्रस्‍थान 40:16

मिनु परमप्रभु यावेमी मोसा कली दोपा अरेवा, मोपा पाप्‍तु।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

यसैया 61:6

तन्‍न इन कली ‘परमप्रभु यावे कली चढ़ेब नम’ देंनीम। मिनु ‘आंइ परमप्रभु आ गेय पाइब नम’ दे यो देंनीम। गेपुकीमी रागी रागी ङा मुर आन शोंप ताइनीनी। मिनु मेको आन शोंपोम ग्‍येरनीनी। प्रस्‍थान १९:६; १पत्रुस २:५,९

इजीकीएल 42:14

मिनु चढ़ेबपुकी चोव़खो बाक्‍तीकेम ओव़मानु, आन फेक्‍शो गेय पतीक वा मप्रुइक्‍थु, लाङगा ग्रूचा मदुम्‍नीम। मारदे हना मेको चोव़खो वा बाक्‍नीम। मेकोपुकी मुर आन दातेम लचा क्‍येङा ङोंइती अर्को वा फेक्‍चा माल्‍नीम” देंत। इजीकीएल ४४:१९

लेवी 10:5

मिनु मेको निक्‍शी जाक्‍शा, आस फेक्‍शो वा रे क्‍युक्‍शा मोसा आ देंशो खोदेंशो पा कुरशा ग्रुंइताक्‍स।

लेवी 8:21

मेकोमी गा क्‍यी नु फिला मुरतु। मोपा मोसामी मेको सांड नेल्‍ल चढ़ेतीकेमी चोप्‍तु। मेको परमप्रभु यावे कली ब्रोव़शो रिना पाइश्‍शो मीम चोशा चढ़ेशो बाक्‍त। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

प्रकाश 1:6

इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। प्रकाश ५:१०; प्रस्‍थान १९:६; १पत्रुस २:५,९

प्रकाश 5:10

मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। प्रकाश १:६; प्रस्‍थान १९:६