लेवी 8:11 - Sunuwar Bible

¹¹ मिनु मेकोमी तेल इच्‍का चढ़ेतीकेम ७ खेयप ब्रुइक्‍ताक्‍व। मोपा चढ़ेतीके, मेकेर बाक्‍शो चढ़ेचा कली माल्‍तीक नेल्‍ले नु चिक्‍तीक ठेयब ग्‍योंब नु आ नाइक्‍तीके, नेल्‍ल आन कली परमप्रभु यावे के सेल्‍चा कली तेल ब्रुइक्‍ताक्‍मी।

लेवी 8:11 ပူးပေါင်းရင်းမြစ်များ

प्रस्‍थान 16:14

मिनु सुनी कना सीत मजाम्‍म सम्‍म गोरशो रागी ङा खपीम फुरश खोदेंशो पा आइक्‍च गेडा बाक्‍त।

प्रस्‍थान 16:19

मिनु मोसामी मेको आन कली “दीसा सुनी सम्‍म सुइमी मारेइ हेंचा मदुम्‍ब” दे माइक्‍तीमी। प्रस्‍थान १६:४; मत्ती ६:३४; लूका ११:३

प्रस्‍थान 29:36

मिनु गे नाक्‍त किंत किंत बोहोर का पाप पशो आ पर्बम चढ़ेचा माल्‍नेवे। मेको पाप क्‍याम्‍तीक गेय पचा कली चढ़ेशो बाक्‍ब। मिनु चढ़ेतीक परमप्रभु के दुम्‍त, दे हुश ब्रुइश्‍शा, तेल लुक्‍चा माल्‍नेवे।

प्रस्‍थान 29:37

गे ७ नाक्‍त सम्‍म चढ़ेतीकेमी मो पशा पाप क्‍याम्‍तीक गेय पचा माल्‍नेवे। मिनु मेको चढ़ेतीके परमप्रभु कली ला दुम्‍ब। मेको चढ़ेतीक कली मार मारम थीनीमी, मेको यो परमप्रभु केन दुम्‍नीम। प्रस्‍थान ३०:२९

प्रस्‍थान 30:29

मोपा मेको मारेइ मारेइ नेल्‍ल ख्रेक्‍तीनु, मेको ताम्‍बु ङा गेय कली ला दुम्‍नीम। मेको कली मार मारम थीनीमी, मेको यो परमप्रभु कली दुम्‍नीम।

प्रस्‍थान 4:17

मेको कोक्‍के लाइश्‍शा, आं देंशो चिन्‍ड कोंइदो” दे परमप्रभु यावेमी मोसा कली माइक्‍तु।

प्रस्‍थान 4:6

मिनु परमप्रभु यावेमी लेंशा “इ गुइ इ फेक्‍शो वा आगाम वोतो” देंत। मिनु मोसामी मो पाप्‍तु। मिनु नोले आ गुइ ग्रुंइशा कोव़ङानु, कोव़र मुशा बुश दुम्‍‍‍शो ताप्‍तु।

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

लेवी 14:16

मिनु चढ़ेबमी आ ग्‍युरा गुइ ङा ब्रेप्‍चोम आ पेरा गुइम बाक्‍शो तेलम ख्रुम्‍शा, परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ४:६,१७

लेवी 4:17

मिनु चढ़ेबमी मेको आ ब्रेप्‍चो हुशेमी ख्रुम्‍शा, परमप्रभु यावे आ ङोंइती बारेशो वा आ पुंमी ७ खेयप ब्रुइक्‍चा माल्‍ब।

लेवी 4:6

मिनु चढ़ेबमी आ ब्रेप्‍चो हुशेम ख्रुम्‍शा, मेको हुश परमप्रभु यावे आ ताम्‍बु आ आगा ङा चोव़खो कोठा आ बारेशो वाम आ नेक्‍था परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ९:९

तीतस 3:6

मिनु परमप्रभु यावेमी आ सोक्‍त इं तारी मोइक्‍तु। दोपा मोइक्‍तु देंशा हना, इं पाप रे प्रोंइब येसु ख्रीस्‍त आ पतीकेमी मोइक्‍तु।