लेवी 7:24 - Sunuwar Bible

²⁴ आंमा बेक्‍शो, मारेइमी साइश्‍शो बस्‍तु भाव आन बोंसो अर्को मारेइ गेयम चलेने चाप्‍नीनी। तन्‍न गेपुकीमी मेको ब्‍वचा मदुम्‍ब। प्रस्‍थान २२:३०

लेवी 7:24 ပူးပေါင်းရင်းမြစ်များ

प्रस्‍थान 22:30

इन बी ब्‍यफ नु इन भेडा रे यो मोदेंशो पचा माल्‍नीनी। ७ नाक्‍त आन ममा नु बाक्‍चा माल्‍नीमी। मेको नोले ङा नाक्‍ती आं कली गेचा माल्‍नीनी।

प्रस्‍थान 22:31

गेपुकी आं मुर ला दुम्‍चा माल्‍नीनी। गे ब्‍वाकी ङा जन्‍तुपुकीम साइश्‍शो मब्‍वने। मेको कुचुम कली ब्‍वचा गेन” देनो। लेवी १९:२; १पत्रुस १:१५; लेवी ७:२४; ब्‍यवस्‍था १४:२१; इजीकीएल ४:१४; इजीकीएल ४४:३१

इजीकीएल 4:14

मिनु गो “परमप्रभु, परमप्रभु यावे, गो आल रेन मोदेंशो ग्रांग्रा दिशो मदुम्‍शो नङ। गो गेनायो आंमा बेक्‍शो नु ब्‍वाकी ङा जन्‍तुम साइश्‍शो श्‍ये मब्‍वङ। ग्रांग्रा दिशो गेनायो मजङ” देंती। प्रस्‍थान २२:३०; प्रेरित १०:१४

इजीकीएल 44:31

चढ़ेबपुकीम आंमा बेक्‍शो चिक्‍ब नु बी ब्‍यफ, क्‍यारश भेडा कि जन्‍तुपुकीम साइश्‍शो, मारेइ ब्‍वचा मदुम्‍नीम” दे परमप्रभु यावेमी देंत। लेवी २२:८

लेवी 17:15

मिनु इस्राएली नु अर्को रागी ङा मुर नेल्‍लेमी, सुम आंमा बेक्‍शो मारेइ मारेइ नु ब्‍वाकी ङा जन्‍तुम साइश्‍शो मार मार ब्‍वाम्‍तेक्‍म हना, मेको आन वा मुरशा, चिक्‍सीचा माल्‍नीम। मिनु नां मरिक्‍म सम्‍म ग्रांग्रा बाक्‍चा माल्‍नीम। मिनु नोले मेको ग्रांग्रा मदिशो दुम्‍नीम। लेवी ११:४०; लेवी २२:८; प्रस्‍थान २१:३३-३६; प्रस्‍थान २२:३०; प्रेरित १५:२०

लेवी 22:8

मिनु बेक्‍शो, ब्‍वाकी ङा जन्‍तुपुकीम क्राइश्‍शा साइश्‍शो जन्‍तु, बस्‍तु भाव कली ब्‍वचा मदुम्‍ब। मोदेंशो पाप्‍तु हना, मेको मुर ग्रांग्रा दिशो सेल्‍सीब। गो परमप्रभु यावे नङ। लेवी ७:२४

लेवी 7:25

मिनु इन दातेमी सुमी परमप्रभु यावे कली मीम चोशा चढ़ेतीके आ बोंसो ब्‍वाइबा, मेको आ खिं ङा मुर रे तिल्‍चा पुंइसीब।

ब्‍यवस्‍था 14:21

गेपुकीमी परमप्रभु यावे, इन परमप्रभुम आ कली योव़शो मुर बाक्‍नीनी। मोपतीके आंमा बेक्‍शो जन्‍तुपुकी ब्‍वचा मदुम्‍‍नीनी। गे नु बाक्‍शो अर्को रागी ङा मुर आन कली मेको गेने चाप्‍नीनी। मेकोपुकीमी मेको ब्‍वाम्‍तेक्‍म हना यो, लेयतेक्‍म हना यो, ठीक दुम्‍ब। क्‍यारश आ पाठा आ ममा आ दूधम मक्‍येने। प्रस्‍थान २२:३०; प्रस्‍थान २३:१९