लेवी 7:2 - Sunuwar Bible

² चोशा चढ़ेतीक तेकेर साइक्‍नीमी, मेकेरेन गारचा आ पर्बम चढ़ेतीक साइक्‍चा माल्‍ब। मेको आ हुश, चढ़ेतीक आ एर ओंथ ब्रुइक्‍चा माल्‍ब।

लेवी 7:2 ပူးပေါင်းရင်းမြစ်များ

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

इजीकीएल 40:39

आगा ओव़तीक लाप्‍चो आ पिंडीम का पटटी गे टेबल निक्‍शी बाक्‍ताक्‍स। अर्को पटटी गे यो टेबल निक्‍शी बाक्‍ताक्‍स। मेकेर चोशा चढ़ेतीके, पाप आ पर्बम चढ़ेतीके नु दोस आ पर्बम चढ़ेतीके क्‍योर‍चा माल्‍‍बाक्‍तेक्‍म।

लेवी 1:11

मेकोमी परमप्रभु यावे आ ङोंइती चढ़ेतीक आ उत्तर गे मेको क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश चढ़ेतीक आ एर ओंथ ब्रुइक्‍चा माल्‍नीम।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 1:5

मेकोमी मेको बाछा कली परमप्रभु यावे आ ङोंइती क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको हुश चढ़ेतीक आ एर ओंथ ब्रुइक्‍चा माल्‍नीम। मेको चढ़ेतीक ग्रुम्‍तीक ताम्‍बु आ ओव़तीकेम बाक्‍ब।

लेवी 14:13

मिनु मेकोमी पाप आ पर्बम चढ़ेतीक नु चोशा चढ़ेतीक साइक्‍तीके मेको चोव़खो बाक्‍तीकेम साइक्‍चा माल्‍ब। मारदे हना गारचा आ पर्बम चढ़ेशो नु पाप आ पर्बम चढ़ेशो चढ़ेब के दुम्‍ब। मेको थम चोव़खो बाक्‍ब। लेवी ७:७

लेवी 3:2

मेकोमी आ गुइ आ चढ़ेतीक बस्‍तु आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।

लेवी 3:8

मेकोमी आ गुइ आ चढ़ेतीक भेडा आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।

लेवी 4:24

मिनु मेकोमी आ गुइ मेको बोका आ पिया तार वोइक्‍चा माल्‍ब। मिनु तेकेर परमप्रभु यावे आ ङोंइती चोशा चढ़ेतीक साइक्‍नीमी, मेकेर रेन मेको साइक्‍चा माल्‍ब। मेको पाप आ पर्बम चढ़ेतीके बाक्‍ब।

लेवी 4:29

मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु मेको पाप आ पर्बम चढ़ेतीके कली मेको चोशा चढ़ेतीक आ नेक्‍था साइक्‍चा माल्‍ब।

लेवी 4:33

मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु तेकेर चोशा चढ़ेतीक साइक्‍नीमी, मेकेर मेको पाप आ पर्बम चढ़ेतीके साइक्‍चा माल्‍ब।

लेवी 5:16

मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;

लेवी 5:7

तन्‍न मेकोमी भेडा चाक्‍ने मचाप्‍तु हना, मेको आ पशो पाप क्‍याम्‍तीक गेय पचा कली ढुकुर निक्‍शी कि परवा निक्‍शी परमप्रभु यावे आ ङोंइती चाक्‍चा माल्‍ब। मेको का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब।

लेवी 5:9

मिनु मेको चढ़ेबमी चढ़ेशो परवा आ हुश चढ़ेतीक आ एर ओंथ ब्रुइक्‍चा माल्‍ब। मिनु लीशो हुश चढ़ेतीक आ पुंम चिरचा माल्‍ब।

लेवी 6:25

“गे हारून नु आ तौ आन कली मार देंचा माल्‍नेवे देंशा हना ‘पाप क्‍याम्‍चा कली चढ़ेतीक आ पर्बम अरेशो बाक्‍ब। पाप क्‍याम्‍चा कली चढ़ेतीक परमप्रभु यावे आ ङोंइती चोशा चढ़ेतीक कली साइक्‍तीकेमी साइक्‍चा माल्‍ब। मेको थम चोव़खो बाक्‍ब। लेवी ४:-

लेवी 6:7

मिनु मेको चढ़ेबमी मेको आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु मेकोमी मार आ पर्बम दोस तशो बाक्‍मे, मेकोम माफ ताइब” देंत।

गन्‍ती 6:12

मिनु मेको मुरुमी आ नाजिरी बाक्‍तीक नाक्‍ती नक गोशा परमप्रभु यावे कली दिल्‍चा माल्‍ब। मिनु मेकोमी गारचा आ पर्बम चढ़ेचा कली बर्स का गाप्‍शो सांड का चाक्‍चा माल्‍ब। मेको मुर दिल्‍शा बाक्‍मेनु, ग्रांग्रा दिशो दुम्‍तीके आ ङोंइती ङा नाक्‍त महिक्‍सीब।

हिब्रू 11:28

इजीप्‍त रे ग्रुंइचा ङोंइती पास्‍सा चाड ङा भोज जपाइक्‍मी बाक्‍त। मारदे हना “तेको खिं ङा लाप्‍चो आ पियामी हुश ब्रुइश्‍शो बाक्‍मे, मेकेर परमप्रभु यावे आ स्‍वर्ग ङा गेय पाइबमी जेठा तौ कली मसाइक्‍ब” दे परमप्रभु यावे आ लोव़ थमा सुइश्‍शा, हुश ब्रुइक्‍पाइक्‍मी बाक्‍त।

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९