लेवी 7:19 - Sunuwar Bible

¹⁹ मारेइ ग्रांग्रा दिशो थोव़कम थिशो श्‍ये ब्‍वचा मदुम्‍ब। मेको चोचा माल्‍ब। तन्‍न सुइ चोव़खो दुम्‍शो बाक्‍तेक्‍म हना, अरु श्‍ये ब्‍वने चाप्‍नीम।

लेवी 7:19 ပူးပေါင်းရင်းမြစ်များ

लेवी 6:27

मेको श्‍ये मारम थीबा, मेको यो चोव़खो दुम्‍ब। मेको आ हुश वाम प्रेक्‍ताक्‍व हना, गेपुकीम मेको वा चोव़खो बाक्‍तीकेमी मुरचा माल्‍नीनी।

लेवी 7:18

मेको दुशा बाक्‍तीक आ पर्बम चढ़ेशो आ श्‍ये आ नित्‍थ नाक्‍त सम्‍म सुइम ब्‍वाप्‍तु हना, मेको काइ मदुम्‍ब। मेको मुरुमी यो मचढ़ेशो खोदेंशो दुम्‍ब। मेको श्‍ये ब्‍वचा ग्रांग्रा दित्‍चा ङा बाक्‍ब। मेको ब्‍वाइब मुर दोस ताइब।

लेवी 7:20

तन्‍न सुइ ग्रांग्रा दिशो दुम्‍शा, परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब।

लूका 11:41

गे आगा ङा थोव़क मथीब आन कली गेने। मिनु इन कली नेल्‍ल रिम्‍शो दुम्‍ब।

प्रेरित 10:28

मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।

रोमी 14:14

गो प्रभु येसु आ मुर दुम्‍शा, मारेइ मारेइ जचा थोव़क रिम्‍शो बाक्‍ब, दे शेंसाक्‍ङ। तन्‍न सुमी ग्रांग्रा दिशो मिम्‍बा, मेको कली ग्रांग्रा दिशोन दुम्‍ब। मत्ती १५:११; प्रेरित १०:१५; तीतस १:१५

रोमी 14:20

गे जचा थोव़क आ पर्बम परमप्रभु यावे आ गेय मक्‍याम्‍दीने। मारेइ मारेइ जचा ठीक बाक्‍‍ब। तन्‍न होस पने। मारदे हना इन जचा ब्‍वचामी इन लोक्‍ब आन थुं खाइक्‍पाइक्‍तीनी हना, मरिम्‍शो दुम्‍ब।

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

तीतस 1:15

रिम्‍शो मुर आन कली मारेइ मारेइ रिम्‍शो बाक्‍ब। ग्रांग्रा दिचा ङा मुर नु थमा मसुइक्‍ब आन कली चहिं मारेइ मारेइ रिम्‍शो मबाक्‍ब। मेको आन थुं नु मिम्‍तीके मरिम्‍शो बाक्‍ब। मत्ती १५:११; रोमी १४:२०