लेवी 6:3 - Sunuwar Bible

³ आ नेक्‍था ङा मुर आन मार मार रोइक्‍ताक्‍व हना, जाम्‍शो थोव़क थिश्‍शा यो, मथिदु, दे जोल पाप्‍तु हना, जोल पा कसम जाप्‍तु हना, मेकोमी पाप पशो बाक्‍ब।

लेवी 6:3 ပူးပေါင်းရင်းမြစ်များ

प्रस्‍थान 23:4

मिनु गे इन जोरी सत्रु आन ब्‍यफ, गधा लां जाम्‍शा, हिरशो ताइतीनी हना, मेको कली वारच पा, लेश्‍शा आ खिं चोव़दीत्‍चा माल्‍नीनी। अय्‍युब ३१:२९; हितोपदेस २५:२१-२२; लूका ६:२७

प्रस्‍थान 28:42

गे मेको आन शिश्रा रां सुम्‍पाइक्‍चा कली सुती वा के कटटु फेरपाइक्‍चा माल्‍नेवे। मेको कम्‍बर रे पोक्‍च सम्‍म दुम्‍चा माल्‍ब।

हितोपदेस 24:28

गे इ नेक्‍था ङा मुरुम मारेइ मपथु, मेको आ पर्बम सांकछी मबाक्‍को। गे जोल मपावो। प्रस्‍थान २०:१६

हितोपदेस 30:9

मारदे हना गो नु मारेइ मारेइ बाक्‍त हना, गो इन कली प्रेंनुङ। मिनु ‘परमप्रभु यावे सु बाक्‍बा?’ देंनुङा कों? मिनु गो प्रुङग दुम्‍ती हना, खुइ पा आं परमप्रभु आ नें आइक्‍च सेल्‍शा मुने तोक्‍नुङा कों?” देंती। प्रस्‍थान ५:२

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

येरमीया 7:9

गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२

इजीकीएल 44:19

मेकोपुकी लाङगा गे ङा लाङगा, मुर आन बाक्‍तीक लमानु, आगाम गेय पामेनु, फेक्‍शो वा प्रुइक्‍चा माल्‍नीम। मिनु मेको चोव़खो कोठाम वोइश्‍शा, अर्को वा फेक्‍चा माल्‍नीम। मोपा परमप्रभु आ थोव़क नु मुर आ थोव़क मखाल्‍दमेक्‍ल। इजीकीएल ४२:१४

लेवी 1:16

मेकोमी मेको आ सोके फेश्‍शा चढ़ेतीक आ पूर्ब गे ङा पुलु ताइक्‍तीकेम ताइक्‍चा माल्‍नीम।

लेवी 16:4

सुती के आं गेय पचा कली ला आगा फेक्‍तीक वा फेक्‍शा, सुती के आ तार फेक्‍तीक फेक्‍शा, सुती के किप्‍शुर किप्‍शा नु सुती वा के पियाम गुप्‍तीक गुक्‍शा ओव़चा माल्‍ब। मेको वा आ गेय पचा कली ला बाक्‍त। मेकोमी चिक्‍सीशा ला मेको वा फेक्‍सीचा माल्‍ब। प्रस्‍थान २८:३९,४२; प्रस्‍थान २९:४; प्रस्‍थान ३०:१९-२०

लेवी 19:12

गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्‍च सेल्‍नीनी। गो परमप्रभु यावे नङ। प्रस्‍थान २०:७; मत्ती ५:३३

जकरिया 5:4

मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।