लेवी 6:27 - Sunuwar Bible

²⁷ मेको श्‍ये मारम थीबा, मेको यो चोव़खो दुम्‍ब। मेको आ हुश वाम प्रेक्‍ताक्‍व हना, गेपुकीम मेको वा चोव़खो बाक्‍तीकेमी मुरचा माल्‍नीनी।

लेवी 6:27 ပူးပေါင်းရင်းမြစ်များ

प्रस्‍थान 29:37

गे ७ नाक्‍त सम्‍म चढ़ेतीकेमी मो पशा पाप क्‍याम्‍तीक गेय पचा माल्‍नेवे। मिनु मेको चढ़ेतीके परमप्रभु कली ला दुम्‍ब। मेको चढ़ेतीक कली मार मारम थीनीमी, मेको यो परमप्रभु केन दुम्‍नीम। प्रस्‍थान ३०:२९

प्रस्‍थान 30:29

मोपा मेको मारेइ मारेइ नेल्‍ल ख्रेक्‍तीनु, मेको ताम्‍बु ङा गेय कली ला दुम्‍नीम। मेको कली मार मारम थीनीमी, मेको यो परमप्रभु कली दुम्‍नीम।

इजीकीएल 44:19

मेकोपुकी लाङगा गे ङा लाङगा, मुर आन बाक्‍तीक लमानु, आगाम गेय पामेनु, फेक्‍शो वा प्रुइक्‍चा माल्‍नीम। मिनु मेको चोव़खो कोठाम वोइश्‍शा, अर्को वा फेक्‍चा माल्‍नीम। मोपा परमप्रभु आ थोव़क नु मुर आ थोव़क मखाल्‍दमेक्‍ल। इजीकीएल ४२:१४

लेवी 11:32

मोदेंशो जन्‍तु बेक्‍शा, मार तारी दोक्‍बा, मेको थोव़क ग्रांग्रा दिशो दुम्‍ब। शी के सेल्‍शो, वा, कुशुल, भाङग्रा नु मारेइ के बाक्‍ल, मेको थोव़क ब्‍वाक्‍कुम नुप्‍चा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। मिनु नोले ठीक दुम्‍ब।

लेवी 6:18

हारून आ खिं ङा वोंइश मुर नेल्‍लेमी गेना हना यो परमप्रभु यावे कली मीम चोशा चढ़ेशो रे जचा माल्‍नीम। परमप्रभु यावे कली मीम चोशा चढ़ेशो रे मेको आ खिं ङा मुर नेल्‍ल आन कली गेशो आन भाग बाक्‍ब। मेको थीब नेल्‍ल चोव़खो दुम्‍नीम” देंत।

लेवी 7:19

मारेइ ग्रांग्रा दिशो थोव़कम थिशो श्‍ये ब्‍वचा मदुम्‍ब। मेको चोचा माल्‍ब। तन्‍न सुइ चोव़खो दुम्‍शो बाक्‍तेक्‍म हना, अरु श्‍ये ब्‍वने चाप्‍नीम।

हाग्‍गै 2:12

मिनु हग्‍गाइम “सुइ मुरुमी किप्‍शुरम पोल्‍टो पा चढ़ेशो श्‍ये कुरशो बाक्‍त हना नु मेको आ किप्‍शुर आ सुरमी शोब्‍ले, खाइ, अङगुर शांबु, तेल नु अरु मारेइ जचा थोव़क थिप्‍तु हना, मेको चोव़खो दुम्‍नीमी?” दे हिल्‍लो पाप्‍तु। मिनु चढ़ेबपुकीम “मदुम्‍नीम” देंतेक्‍म।

मत्ती 14:36

मिनु रोइ पाइब आन कली चाक्‍गमेनु, मेकोपुकीमी “प्रभु, इन फेक्‍शो वा थिचा गेकी” दे पुंइतेक्‍म। मिनु सु सुमी थीमे, मेकोपुकी सातेक्‍म। मत्ती ९:२१; लूका ६:१९

मत्ती 9:21

मारदे हना “आ फेक्‍शो वा थिचा ताता हना, सानुङ” दे थमा सुइश्‍शो बाक्‍माक्‍त। मत्ती १४:३६

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।