लेवी 6:18 - Sunuwar Bible

¹⁸ हारून आ खिं ङा वोंइश मुर नेल्‍लेमी गेना हना यो परमप्रभु यावे कली मीम चोशा चढ़ेशो रे जचा माल्‍नीम। परमप्रभु यावे कली मीम चोशा चढ़ेशो रे मेको आ खिं ङा मुर नेल्‍ल आन कली गेशो आन भाग बाक्‍ब। मेको थीब नेल्‍ल चोव़खो दुम्‍नीम” देंत।

लेवी 6:18 ပူးပေါင်းရင်းမြစ်များ

प्रस्‍थान 29:37

गे ७ नाक्‍त सम्‍म चढ़ेतीकेमी मो पशा पाप क्‍याम्‍तीक गेय पचा माल्‍नेवे। मिनु मेको चढ़ेतीके परमप्रभु कली ला दुम्‍ब। मेको चढ़ेतीक कली मार मारम थीनीमी, मेको यो परमप्रभु केन दुम्‍नीम। प्रस्‍थान ३०:२९

लेवी 3:17

मिनु गेपुकीमी बोंसो नु हुश मब्‍वने। इन नोले ङा पाला नेल्‍ल आन कली गेपुकी ते बाक्‍तीनी हना यो, गेना हना यो लीब अरेतीक बाक्‍ब’ दे इस्राएली आन कली देनो” दे परमप्रभु यावेमी मोसा कली देंत। लेवी ७:२३,२७; लेवी १७:१०-१४; उत्‍पत्ती ९:४; ब्‍यवस्‍था १२:१६,२३; प्रेरित १५:२०-२९

लेवी 4:24

मिनु मेकोमी आ गुइ मेको बोका आ पिया तार वोइक्‍चा माल्‍ब। मिनु तेकेर परमप्रभु यावे आ ङोंइती चोशा चढ़ेतीक साइक्‍नीमी, मेकेर रेन मेको साइक्‍चा माल्‍ब। मेको पाप आ पर्बम चढ़ेतीके बाक्‍ब।

लेवी 4:3

मिनु तेल लुक्‍शो चढ़ेबमी पाप पा, मुर आन कली दोस ताइब सेल्‍तु हना, मेकोमी आ पशो पाप आ पर्बम मारेइ मदुम्‍शो थम रिम्‍शो ब्‍यफ का परमप्रभु यावे आ ङोंइती पाप पशो आ पर्बम चढ़ेचा माल्‍ब।

लेवी 4:33

मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु तेकेर चोशा चढ़ेतीक साइक्‍नीमी, मेकेर मेको पाप आ पर्बम चढ़ेतीके साइक्‍चा माल्‍ब।

लेवी 6:10

मिनु चढ़ेबमी आ सुती के आगा फेक्‍तीक वा नु सुती के फेक्‍तीके फेक्‍चा माल्‍ब। मिनु मेकोमी मीम दाक्‍शो चोशा चढ़ेशो आ पुलु हुइश्‍शा चढ़ेतीक आ नेक्‍था वोइक्‍चा माल्‍ब। प्रस्‍थान २८:४२

लेवी 6:19

मिनु परमप्रभु यावेमी लेंशा मोसा कली

लेवी 6:27

मेको श्‍ये मारम थीबा, मेको यो चोव़खो दुम्‍ब। मेको आ हुश वाम प्रेक्‍ताक्‍व हना, गेपुकीम मेको वा चोव़खो बाक्‍तीकेमी मुरचा माल्‍नीनी।

लेवी 6:29

मेको चढ़ेब आन दाते ङा वोंइश मुर नेल्‍लेमी मेको ब्‍वचा माल्‍नीम। मेको थम चोव़खो बाक्‍ब।

लेवी 7:6

मेको चढ़ेब आन खिं ङा वोंइश मुर नेल्‍लेमी मेको ब्‍वचा माल्‍नीम। मेको चोव़खो बाक्‍तीके ब्‍वचा माल्‍नीम। मेको थम चोव़खो बाक्‍ब।

गन्‍ती 18:10

मिनु मेको इन कली नेल्‍ल क्‍येङा चोव़खो जचा थोव़क बाक्‍ब। मेको इन दाते ङा वोंइश मुर नेल्‍लेमी जने चाप्‍नीम। मेको इन कली चोव़खो बाक्‍ब। लेवी ६:९; लेवी १०:१२,१४

गन्‍ती 18:8

मिनु परमप्रभु यावेमी हारून कली “गो आं कली चढ़ेशो इ कली गेतन। इस्राएलीपुकीमी आं कली चढ़ेशो नेल्‍ल गेतन। मेको इ कली नु इ तौ आन कली चढ़ेतीक गेय पशो ङा गेना हना यो इन भाग बाक्‍ब। लेवी ३:२,१०; लेवी ६:९-११,१९-२२; लेवी ७:६-१०

१ कोरिन्‍थी 9:13

परमप्रभु यावे आ खिंमी गेय पाइबपुकीमी मेक रे जाइनीम। चढ़ेतीकेम गेय पाइबपुकीमी मेक रे ब्‍वाइनीम, दे मतुइक्‍नीनी? गन्‍ती १८:१८-१९,३१; ब्‍यवस्‍था १८:१-३

१ पत्रुस 1:16

परमप्रभु यावे आ ब्रेक्‍पाइश्‍शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्‍शो बाक्‍ब। लेवी १९:२

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८