लेवी 6:16 - Sunuwar Bible

¹⁶ मिनु लीशो हारून नु आ तौपुकीम जचा माल्‍नीम। तन्‍न मेको चोव़खो बाक्‍तीकेमी बोरब ओख्‍ती मसुप्‍थु, चोशा जचा माल्‍नीम। मेकोपुकीमी ग्रुम्‍तीक ताम्‍बु आ लाङगाम बाक्‍शा, जचा माल्‍नीम।

लेवी 6:16 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

प्रस्‍थान 12:8

मेको नाक्‍दो मेको बोका आ श्‍ये ब्‍वचा माल्‍नीनी। दोपा ब्‍वचा माल्‍नीनी देंशा हना, मीम चोशा, बोरब ओख्‍ती मसुप्‍शो शोब्‍ले, कशो खाइ नु ब्‍वचा माल्‍नीनी।

इजीकीएल 44:29

मेकोपुकीम अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो जचा माल्‍नीम। इस्राएलम परमप्रभु यावे कली गेचा माल्‍शो थोव़क नेल्‍ल मेको आन के दुम्‍ब। गन्‍ती १८:१४

लेवी 2:3

मेको अन्‍न चढ़ेशो रे लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब। लेवी ६:२२

लेवी 5:13

मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेकोमी माफ ताइब। मेको रे लीशो चहिं अन्‍न चढ़ेशो खोदेंशो पा चढ़ेब आन के दुम्‍ब’ दे इस्राएली आन कली देनो” दे परमप्रभु यावेमी देंत। लेवी २:३

लेवी 6:23

मिनु चढ़ेब आन अन्‍न चढ़ेतीक नेल्‍ल चोचा माल्‍नीम। मेको जचा मदुम्‍ब” देंत।

लेवी 6:26

मेको पाप क्‍याम्‍चा कली चढ़ेशो चढ़ेबमी मेको रे ब्‍वचा माल्‍ब। मेकोपुकीमी ग्रुम्‍तीक ताम्‍बु ङा लाङगाम बाक्‍शा, ब्‍वचा माल्‍नीम।

गन्‍ती 18:8

मिनु परमप्रभु यावेमी हारून कली “गो आं कली चढ़ेशो इ कली गेतन। इस्राएलीपुकीमी आं कली चढ़ेशो नेल्‍ल गेतन। मेको इ कली नु इ तौ आन कली चढ़ेतीक गेय पशो ङा गेना हना यो इन भाग बाक्‍ब। लेवी ३:२,१०; लेवी ६:९-११,१९-२२; लेवी ७:६-१०

१ कोरिन्‍थी 5:8

मोपतीके माइत बोरब ओख्‍ती मसुप्‍शो फस खोदेंशो दुम्‍शा, मरिम्‍शो थुं पाइश्‍शो गेय पचा प्रोंइशा, नक मुर दुम्‍शा, पास्‍सा मानेय।