लेवी 5:2 - Sunuwar Bible

² मिनु सुइमी ग्रांग्रा दिशो थोव़क, बेक्‍शो ब्‍वाकी ङा जन्‍तु, बेक्‍शो बस्‍तु भाव, बेक्‍शो ग्रांग्रा दिशो आइक्‍च ग्रेक्‍शा गाक्‍ब जन्‍तु थिप्‍तु हना, मेकोमी मतुइक्‍ताक्‍व हना यो, मेको ग्रांग्रा दिशो दुम्‍शो बाक्‍ब। मिनु दोस ताइब दुम्‍शो बाक्‍ब।

लेवी 5:2 ပူးပေါင်းရင်းမြစ်များ

भजन संग्रह 19:12

आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

लेवी 11:11

मेको इन कली ग्रांग्रा बाक्‍तीके, मेको आन श्‍ये मब्‍वने। मिनु मेको आन सिनु इन कली ग्रांग्रा बाक्‍नीम।

लेवी 11:8

गेपुकीमी मेको आन श्‍ये मब्‍वने। आन सिनु यो मथिने। मेको इन कली ग्रांग्रा बाक्‍ब।

लेवी 4:13

इस्राएल ङा मुर नेल्‍लेमी मतुइक्‍थु पाप पशो बाक्‍तेक्‍म हना, परमप्रभु यावेमी मपचा दे शेंशो मारेइ पशो बाक्‍तेक्‍म हना, मेको पाप मेको मुर आन दातेमी ख्रुइश्‍शो बाक्‍त हना यो, मेकोपुकी दोस ताइब दुम्‍नीम। गन्‍ती १५:२२-२६

लेवी 5:17

सुइ मुरुमी परमप्रभु यावेमी मपचा, दे शेंशो पाप्‍तु हना, मेकोमी मेको मतुइक्‍ताक्‍व हना यो, मेको दोस ताइब दुम्‍शो बाक्‍ब। मिनु मेको सजाइ ताइब दुम्‍ब।

लेवी 5:3

मिनु मेकोमी मुर आन ग्रांग्रा दिशो थोव़क थिप्‍तु हना, तेकोइ मुर आन ग्रांग्रा दिशो सेल्‍शो थोव़क थिप्‍तु हना, मेकोम मेको मतुइक्‍ताक्‍व हना यो, मेको दोस ताइब दुम्‍ब। गन्‍ती १९:१३,२०

लेवी 5:4

मिनु सुमी मारेइ रिम्‍शो मरिम्‍शो ममिम्‍थु कसम जाप्‍तु हना, मारेइ मतुइक्‍थु कसम जाप्‍तु हना, मिनु मेको रे मेको लोव़ ख्रुइश्‍शो बाक्‍त हना यो, मेकोमी तुइक्‍ता नोले मेको दोस ताइब दुम्‍ब।

लेवी 7:21

मिनु इन दातेमी सुमी मारेइ मारेइ ग्रांग्रा दिशो थोव़क थिशा, मुर आन ग्रांग्रा दिशो, ग्रांग्रा दिशो जन्‍तु कि मारेइ ग्रांग्रा दिशो थिप्‍तु हना, नोले परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब’ दे माइक्‍मी” दे परमप्रभु यावेमी मोसा कली देंत।

हाग्‍गै 2:13

मिनु हाग्‍गैमी “बेक्‍शो मुर थिशा, ग्रांग्रा दिशो दुम्‍शो मुरुम मारेइ थोव़क थिप्‍तु हना, मेको थोव़क ग्रांग्रा दिशो दुम्‍बा?” दे हिल्‍लो पाप्‍तु। मिनु चढ़ेबपुकीमी “मेको ग्रांग्रा दिशो दुम्‍ब” देंतेक्‍म। लेवी ५:२; गन्‍ती १९:२२

गन्‍ती 19:22

ग्रांग्रा दिशो दुम्‍शो मुरुमी मार थिवा, मेको नेल्‍ल ग्रांग्रा दिशो दुम्‍नीम। मिनु सुमी मेको ग्रांग्रा दिशो थोव़क थीबा, मेको यो नां मलाक्‍गा सम्‍म ग्रांग्रा दिशो दुम्‍ब” देंत।

लूका 11:44

आबी, फरिसीपुकी, गे खतम बाक्‍नीनी। मारदे हना गे मततीक तुरस खोदेंशो बाक्‍नीनी। मुरपुकीमी मेको कली मतुइक्‍थु, दिम्‍‍शा गाक्‍नीमी” देंत।

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

ब्‍यवस्‍था 14:8

मिनु पोव़ आन गेंच जेश्‍शो बाक्‍नीम हना यो, शोकोल महेक्‍नीम। मेको इन कली ग्रांग्रा बाक्‍ब। मेको आन श्‍ये मब्‍वचा, आन सिनु यो थिचा मदुम्‍ब।