लेवी 5:16 - Sunuwar Bible

¹⁶ मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;

लेवी 5:16 ပူးပေါင်းရင်းမြစ်များ

भजन संग्रह 69:4

आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५

प्रस्‍थान 22:1

सुइमी ब्‍यफ, भेडा खुइ पशा, क्‍योरशा ब्‍वाप्‍तु हना यो, लेयतु हना यो, मेको मुरुमी ब्‍यफ का के ५ ओटा ब्‍यफ थाप्‍चा माल्‍ब। भेडा का के ४ ओटा भेडा थाप्‍चा माल्‍ब। २सामुएल १२:६; हितोपदेस ६:३१; लूका १९:८

लेवी 22:14

मिनु मरुम मतुइक्‍थु परमप्रभु कली चढ़ेशो रे जाप्‍तु हना, मेकोमी चढ़ेब कली मेको आ जशो क्‍येङा ५ भाग तेम्‍शा, परमप्रभु कली चढ़ेशो खोदेंशो पा चढ़ेब कली लेत्‍चा माल्‍ब। लेवी ५:१६

लेवी 27:13

मेको मुरुम क्‍येट थाप्‍शा, मेको बस्‍तु कली प्रोंइचा दाक्‍ब हना, चढ़ेब आ देंशो क्‍येङा यो ५ भाग ङा भाग का क्‍येट तेम्‍शा गेचा माल्‍ब। लेवी ५:१६

लेवी 27:15

मिनु मेको मुरुमी क्‍येट थाप्‍शा लेत्‍चा थुं पाप्‍तु हना, चढ़ेबमी देंशो क्‍येङा यो ५ भाग ङा भाग का क्‍येट तेम्‍शा गेचा माल्‍ब। मिनु मेको खिं मेको केन दुम्‍ब।

लेवी 27:27

मेको ग्रांग्रा दिशो बस्‍तु भाव बाक्‍त हना, आ देंशो क्‍येट क्‍येङा ५ भाग ङा भाग का तेम्‍शा, लेत्‍चा माल्‍ब। तन्‍न मलेत्‍ताक्‍म हना, आ देंशो क्‍येटीम लेयचा माल्‍ब।

लेवी 27:31

मुरुमी आंमा आ गेशो १० भाग लेत्‍चा दाक्‍ताक्‍व हना, ५ भाग तेम्‍शा, लेन्‍ने चाप्‍ब।

लेवी 4:20

मेकोमी पाप आ पर्बम चढ़ेशो ब्‍यफ कली दोदेंशो पामे, मेको ब्‍यफ कली यो मोदेंशोन पचा माल्‍ब। मोपा चढ़ेबमी मेको आन पर्बम पाप क्‍याम्‍तीक गेय पाइब। मिनु मेकोपुकीम माफ ताइनीम।

लेवी 4:26

मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 5:10

मिनु चढ़ेबमी अर्को परवा चहिं परमप्रभु यावेमी ङोंइती देंशो खोदेंशो पा चोशा चढ़ेतीक चढ़ेचा माल्‍ब। मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 5:13

मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेकोमी माफ ताइब। मेको रे लीशो चहिं अन्‍न चढ़ेशो खोदेंशो पा चढ़ेब आन के दुम्‍ब’ दे इस्राएली आन कली देनो” दे परमप्रभु यावेमी देंत। लेवी २:३

लेवी 5:6

मेकोमी परमप्रभु यावे आ ङोंइती आ पशो पाप आ पर्बम चढ़ेचा कली आ बगाल रे भेडा बाक्‍त हना यो, क्‍यारश बाक्‍त हना यो, का चाक्‍चा माल्‍ब। मिनु चढ़ेबमी मेको आ पशो पाप आ पर्बम पाप क्‍याम्‍तीक गेय पचा माल्‍ब।

लेवी 7:2

चोशा चढ़ेतीक तेकेर साइक्‍नीमी, मेकेरेन गारचा आ पर्बम चढ़ेतीक साइक्‍चा माल्‍ब। मेको आ हुश, चढ़ेतीक आ एर ओंथ ब्रुइक्‍चा माल्‍ब।

गन्‍ती 5:7

मिनु मेकोमी आ मरिम्‍शो पशो शोव़चा माल्‍ब। मिनु मेको मुरुमी आ खुइ पशो नेल्‍ल लेश्‍शा गेशा, मेको क्‍येङा यो ५ भाग तेम्‍शा गेचा माल्‍ब।

गन्‍ती 5:8

तन्‍न मेको खुइ पचा पुंइसीशो मुर बेक्‍शा, मेको के सुइ मबाक्‍तेक्‍म हना, मेको पाप आ पर्बम थाप्‍शो परमप्रभु यावे के दुम्‍शा, चढ़ेब आन के दुम्‍ब। मिनु आ पाप क्‍याम्‍तीक गेय पचा कली सांड का गेचा माल्‍ब।

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।

१ सामुएल 6:3

मिनु मेकोपुकीम “गेपुकीम इस्राएली आन परमप्रभु आ कबल पशो सन्‍दोस लेश्‍शा सोइक्‍नीनी हना, मोशा मसोइक्‍तीन। परमप्रभु कली दोस आ पर्बम चढ़ेतीक नु सोइक्‍तीन। मिनु नोले गे सा‍नीनी। मिनु मेकोमी लेंशा इन कली श्‍येत मगेब” देंमा बाक्‍त।