लेवी 5:15 - Sunuwar Bible

¹⁵ “सुइ मुरुमी प्रेंशा, परमप्रभु यावे आ देंशो मटिथु, पाप पाप्‍तु हना, मेको आ बगाल रे मारेइ मदुम्‍शो थम रिम्‍शो ताम्‍बु ङा चांदी के शेकेलम फाइक्‍चा कली सांड का मेको पाप आ पर्बम चढ़ेचा कली परमप्रभु यावे आ ङोंइती चाक्‍चा माल्‍ब। मेको गारचा आ पर्बम चढ़ेतीक बाक्‍ब। शेकेल का ११.५ ग्राम बाक्‍ब। चांदी नु सुन के क्‍येट बाक्‍त।

लेवी 5:15 ပူးပေါင်းရင်းမြစ်များ

२ राजा 12:16

मिनु दोस आ पर्बम नु पाप आ पर्बम चढ़ेशो क्‍येट चहिं परमप्रभु यावे आ खिं ङा क्‍येट नु मब्वाइक्‍तमे बाक्‍त। मेको चहिं चढ़ेब आन के दुम्‍बाक्‍माक्‍त।

एज्रा 10:19

मेकोपुकी आन मीश रे ब्रातेक्‍म। मिनु आन दोस क्‍याम्‍चा कली आन बगाल रे सांड का का चढ़ेचा कली चाक्‍तेक्‍म।

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

इजीकीएल 40:39

आगा ओव़तीक लाप्‍चो आ पिंडीम का पटटी गे टेबल निक्‍शी बाक्‍ताक्‍स। अर्को पटटी गे यो टेबल निक्‍शी बाक्‍ताक्‍स। मेकेर चोशा चढ़ेतीके, पाप आ पर्बम चढ़ेतीके नु दोस आ पर्बम चढ़ेतीके क्‍योर‍चा माल्‍‍बाक्‍तेक्‍म।

लेवी 1:10

मेको आ चोशा चढ़ेतीक आ बगाल ङा क्‍यारश भेडा बाक्‍तेक्‍म हना, मेकोमी मारेइ मदुम्‍शो थम रिम्‍शो बोका, सांड चढ़ेचा माल्‍नीम।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 14:12

मिनु चढ़ेबमी सांड का नु मेको लोग का तेल गारचा आ पर्बम चढ़ेचा माल्‍ब। मिनु क्‍युक्‍शा हिम्‍शा चढ़ेतीक परमप्रभु यावे आ ङोंइती चढ़ेचा माल्‍ब। लोग आइक्‍च पुक्‍तीके बाक्‍ब। मेको ०.३ लिटर रिक्‍ब।

लेवी 27:3

मेकोमी २० बर्स रे ६० बर्स सम्‍म ङा वोंइश मुर आन पर्बम आं ताम्‍बु ङा चांदी के ५० शेकेल परमप्रभु यावे कली गेचा माल्‍नीम। शेकेल इस्राएली आन क्‍येट बाक्‍ब। शेकेल का ११.५ ग्राम चांदी बाक्‍ब। ताम्‍बु ङा शेकेल चहिं १२ ग्राम बाक्‍त। न्‍यायाधीस ११:३१; १सामुएल १:११

लेवी 4:2

“गे इस्राएली आन कली ‘परमप्रभु यावेमी मपचा, दे शेंशो सुइ मुरुमी मतुइक्‍थु पाप पाप्‍तु हना,

लेवी 5:14

मिनु लेंशा परमप्रभु यावेमी मोसा कली

लेवी 5:16

मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;

लेवी 5:18

मेकोमी चढ़ेब आन बाक्‍तीकेम मारेइ मदुम्‍शो थम रिम्‍शो ठीक क्‍येट लाइब सांड का आ बगाल रे गारचा आ पर्बम चढ़ेतीक चढ़ेचा कली चाक्‍चा माल्‍ब। मिनु चढ़ेबमी मेको आ मतुइक्‍थु पशो पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 6:6

मिनु मेकोमी परमप्रभु यावे आ ङोंइती ठीक पा हिक्‍शो क्‍येट कि आ बगाल रे मारेइ मदुम्‍शो थम रिम्‍शो सांड का आ मरिम्‍शो पशो आ पर्बम चढ़ेब आ नेक्‍था परमप्रभु यावे आ बाक्‍तीकेमी चढ़ेचा कली चाक्‍चा माल्‍ब।

लेवी 7:1

गारचा आ पर्बम चढ़ेतीक थम चोव़खो बाक्‍ब। एको दोपा पचा माल्‍ब देंशा हना, लेवी ५:१४-२६

लेवी 7:6

मेको चढ़ेब आन खिं ङा वोंइश मुर नेल्‍लेमी मेको ब्‍वचा माल्‍नीम। मेको चोव़खो बाक्‍तीके ब्‍वचा माल्‍नीम। मेको थम चोव़खो बाक्‍ब।

गन्‍ती 15:24

गे नु ग्रुम्‍तीक ङा मुरुमी मतुइक्‍थु पशो पाप आ पर्बम मेको ग्रुम्‍तीक ङा मुर नेल्‍लेमी ब्‍यफ का चोशा चढ़ेचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो बाक्‍ब। मेको आ शेंशो खोदेंशो पा अन्‍न चढ़ेतीक नु तूचा थोव़क चढ़ेतीक यो चढ़ेचा माल्‍नीम। मिनु पाप आ पर्बम बोका का यो चढ़ेचा माल्‍नीम।

गन्‍ती 5:5

मिनु लेंशा परमप्रभु यावेमी मोसा कली

गन्‍ती 5:8

तन्‍न मेको खुइ पचा पुंइसीशो मुर बेक्‍शा, मेको के सुइ मबाक्‍तेक्‍म हना, मेको पाप आ पर्बम थाप्‍शो परमप्रभु यावे के दुम्‍शा, चढ़ेब आन के दुम्‍ब। मिनु आ पाप क्‍याम्‍तीक गेय पचा कली सांड का गेचा माल्‍ब।

ब्‍यवस्‍था 12:26

तन्‍न गेपुकी इन परमप्रभु कली गेशो थोव़कपुकी नु इन गेचा माल्‍शो, इन दाक्‍शा गेशो कुरशा परमप्रभु यावे आ योव़शो बाक्‍तीकेम लचा माल्‍नीनी।

१ सामुएल 6:3

मिनु मेकोपुकीम “गेपुकीम इस्राएली आन परमप्रभु आ कबल पशो सन्‍दोस लेश्‍शा सोइक्‍नीनी हना, मोशा मसोइक्‍तीन। परमप्रभु कली दोस आ पर्बम चढ़ेतीक नु सोइक्‍तीन। मिनु नोले गे सा‍नीनी। मिनु मेकोमी लेंशा इन कली श्‍येत मगेब” देंमा बाक्‍त।