लेवी 4:6 - Sunuwar Bible

⁶ मिनु चढ़ेबमी आ ब्रेप्‍चो हुशेम ख्रुम्‍शा, मेको हुश परमप्रभु यावे आ ताम्‍बु आ आगा ङा चोव़खो कोठा आ बारेशो वाम आ नेक्‍था परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ९:९

लेवी 4:6 ပူးပေါင်းရင်းမြစ်များ

प्रस्‍थान 40:21

मेको कबल पशो सन्‍दोस परमप्रभु यावे आ बाक्‍तीके ओंइशा, फारतीक वामी फारताक्व। परमप्रभु यावेमी मोसा कली दोपा अरेवा, मोपा पाप्‍तु।

प्रस्‍थान 40:26

मिनु मोसामी सुन के सेल्‍शो धूप चोशा चढ़ेतीके कली ग्रुम्‍तीक ताम्‍बु ङा फारतीक वा आ ङोंइती वोइक्‍तु।

लेवी 14:16

मिनु चढ़ेबमी आ ग्‍युरा गुइ ङा ब्रेप्‍चोम आ पेरा गुइम बाक्‍शो तेलम ख्रुम्‍शा, परमप्रभु यावे आ ङोंइती ७ खेयप ब्रुइक्‍चा माल्‍ब। लेवी ४:६,१७

लेवी 14:18

मिनु चढ़ेबमी आ गुइम लीशो तेल मेको चोव़खो सेल्‍चा पुंइसीशो मुर आ पियाम ख्रेक्‍चा माल्‍ब। मिनु चढ़ेबमी परमप्रभु यावे आ ङोंइती मेको मुर आ पर्बम पाप क्‍याम्‍तीक गेय पचा माल्‍ब।

लेवी 14:27

मिनु आ ग्‍युरा गुइ ङा ब्रेप्‍चोम पेरा गुइम बाक्‍शो तेल परमप्रभु यावे आ ङोंइती ७ खेयप ब्रुइक्‍चा माल्‍ब।

लेवी 14:7

मिनु मेकोमी रोइ रे साशो चोव़खो सेल्‍चा पुंइसीब मुर कली ७ खेयप ब्रुइश्‍शा ‘चोव़खो बाक्‍ब’ देंचा माल्‍ब। मिनु मेकोमी मेको सेस चिक्‍ब कली प्रोंइशा बेरपाइक्‍चा माल्‍ब। लेवी १६:२२

लेवी 16:14

मेको नोले मेकोम ब्‍यफ आ हुश इच्‍का ब्रेक्‍शा पिश्‍शा, परमप्रभु यावे आ बाक्‍तीक तारी पूर्ब गे ब्रुइक्‍चा माल्‍ब। मेकेर मेकोमी आ ब्रेप्‍चोमी मेको हुश कली ७ खेयप ब्रुइक्‍चा माल्‍ब।

लेवी 16:19

मिनु इच्‍का हुश लाइश्‍शा, आ ब्रेप्‍चोम ७ खेयप मेको चढ़ेतीक तार ब्रुइक्‍चा माल्‍ब। मोपा मेको चढ़ेतीके इस्राएली आन ग्रांग्रा दिशो रे चोव़खो सेल्‍चा माल्‍ब।

लेवी 25:8

मिनु गेपुकीमी ७ नाइक्‍तीक बर्स मानेनी नोले, मिनु ४९ बर्स दुम्‍बा,

लेवी 26:18

मेको नेल्‍ल तुइश्‍शा यो, आं कली मटीतीनी हना, गो इन पाप ७ खेयप तेम्‍शा सजाइ गेनन्‍नी।

लेवी 26:24

गो इन कली यो मरिम्‍शो पस ङा पस पाइनुङ। मिनु गो इन पाप ७ खेयप तेम्‍शा, इन कली श्‍येत गेनुङ।

लेवी 26:28

गो इन कली मरिम्‍शो पस ङा पस ग्रुम्‍नुङ। मिनु इन पाप ७ खेयप तेम्‍शा, सजाइ गेनन्‍नी। ब्‍यवस्‍था २८:५३; येरमीया १९:९

लेवी 4:17

मिनु चढ़ेबमी मेको आ ब्रेप्‍चो हुशेमी ख्रुम्‍शा, परमप्रभु यावे आ ङोंइती बारेशो वा आ पुंमी ७ खेयप ब्रुइक्‍चा माल्‍ब।

लेवी 4:25

मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।

लेवी 4:30

मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।

लेवी 4:34

मिनु चढ़ेबमी आ ब्रेप्‍चो हुशेमी ख्रुम्‍शा, चोशा चढ़ेतीक आ ग्रोव़पुकीम ख्रेक्‍चा माल्‍ब। मेको लीशो हुश चोशा चढ़ेतीक आ पुंम मोइक्‍चा माल्‍ब।

लेवी 8:11

मिनु मेकोमी तेल इच्‍का चढ़ेतीकेम ७ खेयप ब्रुइक्‍ताक्‍व। मोपा चढ़ेतीके, मेकेर बाक्‍शो चढ़ेचा कली माल्‍तीक नेल्‍ले नु चिक्‍तीक ठेयब ग्‍योंब नु आ नाइक्‍तीके, नेल्‍ल आन कली परमप्रभु यावे के सेल्‍चा कली तेल ब्रुइक्‍ताक्‍मी।

लेवी 8:15

मिनु मोसामी मेको ब्‍यफ कली साइक्‍तु। मिनु मेकोमी मेको इच्‍का हुश लाइश्‍शा आ ब्रेप्‍चोमी चढ़ेतीक एर ओंथ ङा ग्रोव़म ख्रेक्‍शा, चढ़ेतीक कली परमप्रभु यावे कली ला, चोव़खो सेल्‍तु। मिनु लीशो हुश चहिं चढ़ेतीक आ पुंम मोइक्‍तु। मोपा मेको चढ़ेतीक कली पाप क्‍याम्‍तीक गेय पचा, दे चोव़खो सेल्‍तु।

लेवी 9:9

मिनु हारून आ तौपुकीमी मेको आ हुश चाक्‍तेक्‍म। मिनु मेकोमी आ ब्रेप्‍चो हुशेम ख्रुम्‍शा चढ़ेतीक आ ग्रोव़पुकीम ख्रेक्‍ताक्‍व। मिनु लीशो हुश कली चढ़ेतीक आ पुंम मोइक्‍तु।

गन्‍ती 19:4

मिनु चढ़ेब एलाजरमी आ ब्रेप्‍चोमी आ हुश ख्रुम्‍शा, ग्रुम्‍तीक ताम्‍बु आ ङोंइती ७ खेयप ब्रुइक्‍चा माल्‍ब। लेवी ४:६,१७

यहोसु 6:4

मिनु ७ जना चढ़ेब ७ ओटा ताप्‍तीक ग्रोव़ कुरशा, परमप्रभु यावे आ सल्‍ला पतीक सन्‍दोस कुरशो चढ़ेब आन ङोंइङोंइती गाक्‍चा माल्‍नीम। मिनु ७ नाक्‍तीमी गे ७ खेयप मेको सहर एर ओंथ हिरचा माल्‍नीनी। मेना मेको ७ जना चढ़ेबपुकीमी आन ग्रोव़ ताम्‍ना ताम्‍न गाक्‍चा माल्‍नीम।

यहोसु 6:8

मिनु यहोसुमी देंशो खोदेंशो पा मेको ७ जना चढ़ेब परमप्रभु यावे आ ङोंइती ताप्‍तीक ग्रोव़ कुरशा, ताम्‍ना ताम्‍न गाक्‍तेक्‍म। मिनु परमप्रभु यावे आ कबल पशो सन्‍दोस कुरबपुकी मेको आन नोले खोइक्‍तेक्‍म।