लेवी 4:4 - Sunuwar Bible

⁴ मेकोमी मेको ब्‍यफ कली ग्रुम्‍तीक ताम्‍बु आ ओव़तीक आ नेक्‍था परमप्रभु यावे आ ङोंइती चाक्‍चा माल्‍ब। मेकोमी आ गुइ मेको ब्‍यफ आ पिया तारी वोइक्‍चा माल्‍ब। मिनु मेको ब्‍यफ कली परमप्रभु यावे आ ङोंइती साइक्‍चा माल्‍ब।

लेवी 4:4 ပူးပေါင်းရင်းမြစ်များ

२ इतिहास 29:23

मिनु मेको नोले मेकोपुकीम पाप आ पर्बम चढ़ेतीक बोका आन कली पिप नु मुर आन ङोंइती चाक्‍गमे बाक्‍त। मिनु पिप नु मुरपुकीम मेको आन तार आन आन गुइ वोदमे बाक्‍त। लेवी १६:१५-२२

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

दानीएल 9:26

मिनु ६२ हप्‍ता नोले मेको तेल लुक्‍शो का मारेइ मदुम्‍थु यो तिल्‍चा पुंइसीब। मिनु मेको जाक्‍चा चिक्‍शो पिप आ लडाइ पाइब नु जाक्‍शा, मेको सहर नु परमप्रभु यावे आ बाक्‍तीक खतम पोक्‍ब। मिनु मेको आ नुप्‍ची ना ठेयब भोल यिशा, नोले सम्‍म लडाइ दुम्‍ब। ङोंइती मोदेंशो खतम दुम्‍तीक श्‍येत आ पर्बम देंशो बाक्‍ब। यसैया २८:२२; लूका २१:२३-२४

लेवी 16:21

मिनु नोले हारूनम आ गुइ निम्‍फा मेको सेस बोका आ पिया तार वोइक्‍चा माल्‍ब। मिनु इस्राएली आन मरिम्‍शो पशो नेल्‍ल नु आन पशो पाप नेल्‍ल शोव़शा, मोपा नेल्‍ल पाप बोका आ पियाम वोइक्‍चा माल्‍ब। मिनु नोले मुर काम मेको बोका कली गोरशो रागीम चोक्‍चा माल्‍ब।

लेवी 4:15

मिनु इस्राएल ङा खाल्‍पा नेल्‍लेमी परमप्रभु यावे आ ङोंइती मेको आन गुइ ब्‍यफ आ पिया तारी वोइक्‍चा माल्‍नीम। मिनु मेको ब्‍यफ परमप्रभु यावे आ ङोंइती साइक्‍चा माल्‍नीम।

लेवी 4:29

मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु मेको पाप आ पर्बम चढ़ेतीके कली मेको चोशा चढ़ेतीक आ नेक्‍था साइक्‍चा माल्‍ब।

लेवी 8:14

मिनु नोले मोसामी पाप आ पर्बम चढ़ेतीक ब्‍यफ चाक्‍तु। मिनु हारून नु आ तौपुकीम मेको पाप आ पर्बम चढ़ेतीक ब्‍यफ आ पिया तारी आन गुइ वोइक्‍तेक्‍म। लेवी ४:१-१२

गन्‍ती 8:12

मिनु लेवी आ मुरपुकीमी आन गुइ मेको ब्‍यफ आस पिया तार वोइक्‍चा माल्‍नीम। मिनु हारूनमी लेवी आ मुर आन पर्बम पाप क्‍याम्‍तीक गेय पचा कली ब्‍यफ का पाप आ पर्बम चढ़ेतीके नु अर्को चोशा चढ़ेतीके परमप्रभु यावे कली चढ़ेचा माल्‍ब।

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।