लेवी 4:33 - Sunuwar Bible

³³ मिनु मेकोमी आ गुइ मेको पाप आ पर्बम चढ़ेतीक तार वोइक्‍चा माल्‍ब। मिनु तेकेर चोशा चढ़ेतीक साइक्‍नीमी, मेकेर मेको पाप आ पर्बम चढ़ेतीके साइक्‍चा माल्‍ब।

लेवी 4:33 ပူးပေါင်းရင်းမြစ်များ

२ इतिहास 29:23

मिनु मेको नोले मेकोपुकीम पाप आ पर्बम चढ़ेतीक बोका आन कली पिप नु मुर आन ङोंइती चाक्‍गमे बाक्‍त। मिनु पिप नु मुरपुकीम मेको आन तार आन आन गुइ वोदमे बाक्‍त। लेवी १६:१५-२२

लेवी 1:4

मेकोमी आ गुइ चोशा चढ़ेतीक बस्‍तु आ पिया तारी वोइक्‍चा माल्‍ब। मिनु मेको परमप्रभु यावे आ ङोंइती ब्रशा मेको मुर आ पर्बम पाप क्‍याम्‍तीक गेय बाक्‍ब।

लेवी 1:5

मेकोमी मेको बाछा कली परमप्रभु यावे आ ङोंइती क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको हुश चढ़ेतीक आ एर ओंथ ब्रुइक्‍चा माल्‍नीम। मेको चढ़ेतीक ग्रुम्‍तीक ताम्‍बु आ ओव़तीकेम बाक्‍ब।

लेवी 4:4

मेकोमी मेको ब्‍यफ कली ग्रुम्‍तीक ताम्‍बु आ ओव़तीक आ नेक्‍था परमप्रभु यावे आ ङोंइती चाक्‍चा माल्‍ब। मेकोमी आ गुइ मेको ब्‍यफ आ पिया तारी वोइक्‍चा माल्‍ब। मिनु मेको ब्‍यफ कली परमप्रभु यावे आ ङोंइती साइक्‍चा माल्‍ब।

लेवी 6:18

हारून आ खिं ङा वोंइश मुर नेल्‍लेमी गेना हना यो परमप्रभु यावे कली मीम चोशा चढ़ेशो रे जचा माल्‍नीम। परमप्रभु यावे कली मीम चोशा चढ़ेशो रे मेको आ खिं ङा मुर नेल्‍ल आन कली गेशो आन भाग बाक्‍ब। मेको थीब नेल्‍ल चोव़खो दुम्‍नीम” देंत।

लेवी 7:2

चोशा चढ़ेतीक तेकेर साइक्‍नीमी, मेकेरेन गारचा आ पर्बम चढ़ेतीक साइक्‍चा माल्‍ब। मेको आ हुश, चढ़ेतीक आ एर ओंथ ब्रुइक्‍चा माल्‍ब।