लेवी 4:26 - Sunuwar Bible

²⁶ मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 4:26 ပူးပေါင်းရင်းမြစ်များ

२ इतिहास 29:24

मिनु चढ़ेबपुकीम मेको बोका क्‍योरशा, आन हुश पाप आ पर्बम चढ़ेतीकेम चढ़ेमे बाक्‍त। इस्राएली नेल्‍ल आन पर्बम पाप क्‍याम्‍तीक गेय पामे बाक्‍त। मारदे हना पिपम चोशा चढ़ेतीक नु पाप आ पर्बम चढ़ेतीक इस्राएली नेल्‍ल आन पर्बम चढ़ेचा माल्‍ब, दे अरेशो बाक्‍माक्‍त।

इजीकीएल 43:22

मिनु गेपुकीम आ दीसा नाक्‍ती मारेइ मदुम्‍शो बोका का पाप आ पर्बम चढ़ेने। गेपुकीम बोहोर चढ़ेशोम चढ़ेतीक ग्रांग्रा मदिशो सेल्‍शो खोदेंशो पा मेकोम यो चढ़ेतीक कली ग्रांग्रा मदिशो सेलल।

लेवी 1:4

मेकोमी आ गुइ चोशा चढ़ेतीक बस्‍तु आ पिया तारी वोइक्‍चा माल्‍ब। मिनु मेको परमप्रभु यावे आ ङोंइती ब्रशा मेको मुर आ पर्बम पाप क्‍याम्‍तीक गेय बाक्‍ब।

लेवी 12:8

मिनु मेकोमी भेडा चाक्‍ने मचाप्‍बाक्‍त हना, ढुकुर निक्‍शी कि परवा निक्‍शी चाक्‍चा माल्‍ब। मेको का चोशा चढ़ेतीक नु का पाप आ पर्बम चढ़ेतीक बाक्‍ब। मिनु चढ़ेबमी मेको चढ़ेशा मेको आ पर्बम पाप क्‍याम्‍तीक गेय पचा माल्‍ब। मिनु मेको ग्रांग्रा मदिशो दुम्‍ब’ माइक्‍मी” देंत। लेवी ५:७; लूका २:२४

लेवी 14:18

मिनु चढ़ेबमी आ गुइम लीशो तेल मेको चोव़खो सेल्‍चा पुंइसीशो मुर आ पियाम ख्रेक्‍चा माल्‍ब। मिनु चढ़ेबमी परमप्रभु यावे आ ङोंइती मेको मुर आ पर्बम पाप क्‍याम्‍तीक गेय पचा माल्‍ब।

लेवी 15:15

मिनु चढ़ेबमी मेको का पाप आ पर्बम नु का चोशा चढ़ेतीक चढ़ेचा माल्‍ब। मोपा चढ़ेबमी मेको ग्रांग्रा दिशो यिशो मुर आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब।

लेवी 17:11

मारदे हना मेको बस्‍तु भाव आन हुशेम ब्रोंइतीक सोक्‍त बाक्‍ब। मिनु गो मेको हुश इन कली चढ़ेतीकेमी इन पाप क्‍याम्‍तीक गेय पचा कली गेता। मारदे हना हुशेम पाप क्‍याम्‍तीके बाक्‍ब। हिब्रू ९:२२

लेवी 19:22

मिनु चढ़ेबमी मेको आ दोस आ पर्बम सांड चढ़ेशा परमप्रभु यावे आ ङोंइती पाप क्‍याम्‍तीक गेय पचा माल्‍ब। मोपा मेको आ पाप क्‍याम्‍सीशा माफ ताइब दुम्‍ब। लेवी ५:१७-१८

लेवी 3:5

मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।

लेवी 4:19

मेकोमी मेको आ बोंसो नेल्‍ल शोल्‍शा, चढ़ेतीकेम चोचा माल्‍ब।

लेवी 4:20

मेकोमी पाप आ पर्बम चढ़ेशो ब्‍यफ कली दोदेंशो पामे, मेको ब्‍यफ कली यो मोदेंशोन पचा माल्‍ब। मोपा चढ़ेबमी मेको आन पर्बम पाप क्‍याम्‍तीक गेय पाइब। मिनु मेकोपुकीम माफ ताइनीम।

लेवी 4:31

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी चोशा परमप्रभु यावे आ दाक्‍शो ब्रोव़शो रिना पाइक्‍चा कली चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब। लेवी ३:१४-१५

लेवी 4:35

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी अरु चोशा चढ़ेतीक नु परमप्रभु यावे कली चोचा माल्‍ब। मोपा चढ़ेबमी मेको आ पशो पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 5:10

मिनु चढ़ेबमी अर्को परवा चहिं परमप्रभु यावेमी ङोंइती देंशो खोदेंशो पा चोशा चढ़ेतीक चढ़ेचा माल्‍ब। मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 5:13

मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेकोमी माफ ताइब। मेको रे लीशो चहिं अन्‍न चढ़ेशो खोदेंशो पा चढ़ेब आन के दुम्‍ब’ दे इस्राएली आन कली देनो” दे परमप्रभु यावेमी देंत। लेवी २:३

लेवी 5:16

मेकोमी गारचा कली प्रेंशो बाक्‍त हना, परमप्रभु यावे कली गेतीकेम ५ भाग तेम्‍चा माल्‍ब। मिनु मेको चढ़ेब कली गेचा माल्‍ब। मिनु चढ़ेबम मेको पाप गारचा आ पर्बम चढ़ेशो सांड लाइश्‍शा पाप क्‍याम्‍तीक गेय पचा माल्‍ब। मिनु मेको माफ ताइब दुम्‍ब। लेवी ५:२३-२४; लेवी २२:१४; लेवी २७:१३;

लेवी 5:18

मेकोमी चढ़ेब आन बाक्‍तीकेम मारेइ मदुम्‍शो थम रिम्‍शो ठीक क्‍येट लाइब सांड का आ बगाल रे गारचा आ पर्बम चढ़ेतीक चढ़ेचा कली चाक्‍चा माल्‍ब। मिनु चढ़ेबमी मेको आ मतुइक्‍थु पशो पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 6:7

मिनु मेको चढ़ेबमी मेको आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु मेकोमी मार आ पर्बम दोस तशो बाक्‍मे, मेकोम माफ ताइब” देंत।

गन्‍ती 15:25

मिनु चढ़ेबमी इस्राएली नेल्‍ल आन पर्बम पाप क्‍याम्‍तीक गेय पचा माल्‍ब। मिनु मेकोपुकी आन पाप क्‍याम्‍चा ताइनीम। मारदे हना मेकोम मतुइक्‍थु पाप पशो बाक्‍नीम। मिनु मेकोपुकीमी परमप्रभु यावे कली मीम चोशा चढ़ेतीक चढ़ेचा माल्‍नीम। मेको आन मतुइश्‍शो पाप आ पर्बम परमप्रभु यावे कली चढ़ेचा माल्‍नीम।

गन्‍ती 15:28

मिनु चढ़ेबमी मेको मुर आ पशो पाप मतुइक्‍तीके, परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु नोले मेको मुरुम माफ ताइब।