लेवी 3:17 - Sunuwar Bible

¹⁷ मिनु गेपुकीमी बोंसो नु हुश मब्‍वने। इन नोले ङा पाला नेल्‍ल आन कली गेपुकी ते बाक्‍तीनी हना यो, गेना हना यो लीब अरेतीक बाक्‍ब’ दे इस्राएली आन कली देनो” दे परमप्रभु यावेमी मोसा कली देंत। लेवी ७:२३,२७; लेवी १७:१०-१४; उत्‍पत्ती ९:४; ब्‍यवस्‍था १२:१६,२३; प्रेरित १५:२०-२९

लेवी 3:17 ပူးပေါင်းရင်းမြစ်များ

उत्पत्ती 9:4

क्‍योरशा हुश मचुइक्‍थु चहिं मब्‍वने। मारदे हना हुशेमी ब्रोंइतीक सोक्‍त बाक्‍ब।

२ इतिहास 29:35

चोशा चढ़ेतीक नेल्‍ल नु दुशा बाक्‍चा आ पर्बम चढ़ेशो आ बोंसो नु चोशा चढ़ेशो कली तूचा थोव़क चढ़ेतीक शुश बाक्‍मा बाक्‍त। मोपा परमप्रभु यावे आ खिं ङा पतीक गेय ङोंइती ङा खोदेंशो पा रिम्‍शो दुम्‍माक्‍त। लेवी ३:१६; गन्‍ती १५:४-१०

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

प्रस्‍थान 27:21

मिनु ग्रुम्‍तीक ताम्‍बु आगामी, कबल ङा सन्‍दोस बाक्‍शो नेल्‍ल क्‍येङा चोव़खो कोठा फारतीक आ ङोंइती हारून नु आ तौपुकीमी नाक्‍दो रे सुनी सम्‍म मेको बत्ती दातीक परमप्रभु यावे आ ङोंइती ब्रशा बाक्‍ल, दे ठीक सेल्‍चा माल्‍नीम। मेको इस्राएली आन चच युइ आन कली गेना हना यो पतीके लीचा माल्‍ब। मेको गेना हना यो पचा माल्‍नीम।

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

इजीकीएल 33:25

मोपतीके गे मेको आन कली ‘परमप्रभु, परमप्रभु यावेमी इन कली गेपुकी हुश सुन्‍दा श्‍ये ब्‍वाइनीनी। गे इन मूर्ति पूजा पाइनीनी। गेपुकीम हुश ख्राक्‍श पोक्‍‍नीनी। मिनु मार, एको रागी इन के दुम्‍बा ङा? १सामुएल १४:३२-३४

इजीकीएल 44:15

तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६

इजीकीएल 44:7

गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५

लेवी 10:15

मिनु हिम्‍शो फिला, क्‍युक्‍शो कुथ्रु नु मीम चोशा चढ़ेशो मार मार आन बोंसो परमप्रभु यावे आ ङोंइती हिम्‍शा चढ़ेचा कली चाक्‍चा माल्‍नीनी। मिनु परमप्रभु यावेमी अरेशो खोदेंशो पा गेना हना यो, गे नु इ तमी तौ इन भाग दुम्‍ब” देंत। लेवी ९:२०-२१

लेवी 10:9

“गे नु इ तौपुकी ग्रुम्‍तीक ताम्‍बुम ओव़नीनु, अङगुर शांबु नु अरु दुक्‍तीक थोव़क मतूङीन। तूतीनी हना, गेपुकी बेक्‍नीनी। मेको गेना हना यो इन पतीक दुम्‍ब। इजीकीएल ४४:२१; होसे ४:११; आमोस २:८

लेवी 16:29

एको नेल्‍ले इन कली गेना हना यो पतीके बाक्‍ब। ७ महिना ङा १० नाक्‍ती परमप्रभु यावे आ नेक्‍था जाक्‍चा माल्‍नीनी। मेको नाक्‍ती गे, इस्राएली नु अर्को रागी ङा मुर नेल्‍लेमी काइ गेय मपने। लेवी २३:२७-३२; गन्‍ती २९:७

लेवी 16:34

मिनु बर्सम खेयप का इस्राएली नेल्‍ल आन कली पाप क्‍याम्‍तीक गेय पचा माल्‍ब। मेको इन कली गेना हना यो पतीक बाक्‍त। बर्सम खेयप का इस्राएली नेल्‍ल आन पाप आ पर्बम माफ पुंइचा माल्‍ब’ दे हारून कली देनो” देंत। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान ३०:१०; हिब्रू १०:३

लेवी 17:7

मेकोपुकीमी मोपा वोल कली चढ़ेशा, आंम कली तेल्‍लेम खोदेंशो सेल्‍ने मचाप्‍नीम। एकोम परमप्रभु यावे आ अरेशो लोव़ नेल्‍ल आन पाला सम्‍म गेना हना यो कली अरेतीके बाक्‍ब’ दे‍‍नो” देंत। ब्‍यवस्‍था १७:१७

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 23:14

मेको नेल्‍ल परमप्रभु कली चढ़ेशो नोले ला शोब्‍ले, कारशो अन्‍न नु गिगी बाला मारेइ जने चाप्‍नीनी। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

लेवी 23:21

मेको नाक्‍त इन कली ठेयब ग्रुम्‍तीक नाक्‍त बाक्‍ब, दे गेपुकीमी नेल्‍ल आन कली नेंपाइक्‍चा माल्‍नीनी। गेपुकीमी मारेइ गेय मपने। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

लेवी 24:3

मिनु हारूनमी बत्ती कली ग्रुम्‍तीक ताम्‍बु आगा, फारशो वा आ ङोंइती वोइक्‍चा माल्‍ब। मेको परमप्रभु यावे आ ङोंइती नाक्‍दो रे सुनी सम्‍म गेना हना यो ब्रचा माल्‍ब। मेको इन कली गेना हना यो पतीके बाक्‍ब।

लेवी 24:9

मेको शोब्‍ले हारून नु आ तौ चच आन कली बाक्‍नीम। मेकोपुकीमी मेको शोब्‍ले चोव़खो बाक्‍तीकेमी बाक्‍शा जचा माल्‍नीम। मारदे हना मेको शोब्‍ले परमप्रभु यावे कली मीम चोशा चढ़ेशो रे नेल्‍ल क्‍येङा चोव़खो हारून नु आ तौ चच आन भाग बाक्‍ब’ दे अरेवो” देंत।

लेवी 3:16

मिनु चढ़ेबमी ब्रोव़शो रिना पाइश्‍शो जचा थोव़क मेको मीम चोशा चढ़ेतीकेमी चढ़ेचा माल्‍ब। बोंसो नेल्‍ले परमप्रभु यावे के बाक्‍ब।

लेवी 4:1

मिनु परमप्रभु यावेमी मोसा कली

लेवी 6:15

मिनु मेकोपुकीम अन्‍न चढ़ेतीके, तेल नु धूप आ तार वोइश्‍शो रिम्‍शो फस रे मुठी का लाइश्‍शा, मिम्‍चा कली परमप्रभु यावे कली आ दाक्‍शो ब्रोव़शो रिना पाइश्‍शो चढ़ेतीकेमी चोचा माल्‍नीम।

लेवी 6:18

हारून आ खिं ङा वोंइश मुर नेल्‍लेमी गेना हना यो परमप्रभु यावे कली मीम चोशा चढ़ेशो रे जचा माल्‍नीम। परमप्रभु यावे कली मीम चोशा चढ़ेशो रे मेको आ खिं ङा मुर नेल्‍ल आन कली गेशो आन भाग बाक्‍ब। मेको थीब नेल्‍ल चोव़खो दुम्‍नीम” देंत।

लेवी 6:22

मोपा हारून आ नोले आ तेल लुक्‍शो तौमी मोदेंशो पचा माल्‍ब। मेको गेना हना यो परमप्रभु यावे केन बाक्‍ब। मिनु मेको नेल्‍ल चोचा माल्‍ब।

लेवी 7:23

“गे इस्राएली आन कली ‘गेपुकीम ब्‍यफ, भेडा नु क्‍यारश आन बोंसो काइ मब्‍वने। लेवी ३:१७

लेवी 7:34

मारदे हना गो इस्राएली आन “गे रिम्‍शो पाइब बाक्‍नीनी” दे ठेयब सेल्‍शा चढ़ेशो कुथ्रु नु ग्‍युरा फिला गेपुकी रे ताक्‍शा चढ़ेब हारून नु मेको आ तौ आन कली गेना हना यो कली गेतामी’ दे माइक्‍मी।

लेवी 7:36

तेको नाक्‍ती रे मेकोमी मेको आन कली तेल लुक्‍ता, मेको नाक्‍त रेन मेको आन कली इस्राएलीपुकी रे ततीक भाग परमप्रभु यावेमी ‘मेको आन के बाक्‍ब’ देंशो बाक्‍ब। मेको आन कली गेना हना यो नेल्‍ल आन पाला सम्‍म आन भाग बाक्‍ब, देनो” देंत।

गन्‍ती 19:21

मिनु मेको, मेको कली गेना हना यो आ पतीक दुम्‍ब। मिनु मेको ब्‍वाक्‍कु ब्रुइक्‍ब मुरुम आ वा मुरचा माल्‍ब। मिनु सुमी चोव़खेतीक ब्‍वाक्‍कु थीबा, मेको नां मलाक्‍गा सम्‍म ग्रांग्रा दिशो दुम्‍शो बाक्‍ब।

मत्ती 16:24

मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१

मत्ती 26:28

एको आं हुश बाक्‍ब। आं हुशेमी परमप्रभु यावे आ नक कबल खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; येरमीया ३१:३१; हिब्रू ९:१५-१६

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

एफिसी 1:7

मोपा गोपुकी येसु ख्रीस्‍त आ हुशेम पतीके माफ तशा ब्रोंइशा बाक्‍नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्‍नय देंशा हना, मुरुमी मिम्‍ने मचाप्‍चा ङा आ शिशी रे पा माफ ताइनय। कलस्‍सी १:१४; एफिसी २:७; एफिसी ३:८,१६

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

ब्‍यवस्‍था 12:16

तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११

ब्‍यवस्‍था 12:23

होस पा हुश गेनायो ब्‍वचा मदुम्‍ब। मारदे हना हुशेमी ब्रोंइतीक सोक्‍त बाक्‍ब। श्‍ये नु ब्रोंइतीक सोक्‍त ब्‍वचा मदुम्‍ब। ब्‍यवस्‍था १२:१६

ब्‍यवस्‍था 12:24

मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।

ब्‍यवस्‍था 15:23

मेको आ हुश ला मब्‍वचा। मेको ब्‍वाक्‍कु खोदेंशो पा खपीम ताइक्‍चा माल्‍नीनी” देंत। ब्‍यवस्‍था १२:१६

ब्‍यवस्‍था 32:14

मिनु बी आन दूध के दहि, भेडा आन दूध नु पाठा नु सांड आन बोंसो ब्‍वचा गेप्‍तु। बाशान ङा ब्‍यफ नु क्‍यारश आन श्‍ये ब्‍वचा गेप्‍तु। नेल्‍ल क्‍येङा रिम्‍शो चेरब फस जशा, अङगुर शांबु तूशा बाक्‍ते।

१ तिमोथी 4:4

तन्‍न परमप्रभु यावे आ सेल्‍शो नेल्‍ल रिम्‍शो बाक्‍ब। मुरुमी परमप्रभु यावे कली “गे रिम्‍शो पाइतीनी” दे नेल्‍ल जचा ब्‍वचा दुम्‍ब। उत्‍पत्ती १:३१; मत्ती १५:११; प्रेरित १०:१५