लेवी 3:13 - Sunuwar Bible

¹³ मेकोमी आ गुइ मेको क्‍यारश आ पिया तारी वोइक्‍चा माल्‍ब। मिनु मेको कली ग्रुम्‍तीक ताम्‍बु आ ङोंइती क्‍योरशा साइक्‍चा माल्‍ब। मिनु हारून आ तौपुकीमी मेको आ हुश चढ़ेतीक आ एर ओंथ ब्रुइक्‍चा माल्‍नीम।

लेवी 3:13 ပူးပေါင်းရင်းမြစ်များ

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

लेवी 1:4

मेकोमी आ गुइ चोशा चढ़ेतीक बस्‍तु आ पिया तारी वोइक्‍चा माल्‍ब। मिनु मेको परमप्रभु यावे आ ङोंइती ब्रशा मेको मुर आ पर्बम पाप क्‍याम्‍तीक गेय बाक्‍ब।

लेवी 3:12

मिनु दुशा बाक्‍चा आ पर्बम परमप्रभु यावे कली चढ़ेतीक क्‍यारश का बाक्‍त हना, मेकोमी मेको परमप्रभु यावे आ ङोंइती चाक्‍चा माल्‍ब।

लेवी 3:14

मिनु मेकोमी मेको आ चढ़ेतीके परमप्रभु यावे कली मीम चोशा चढ़ेचा माल्‍ब। गा क्‍यी सुम्‍शो नु गिल्‍शो बोंसो नेल्‍ले,

लेवी 3:8

मेकोमी आ गुइ आ चढ़ेतीक भेडा आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।