लेवी 3:1 - Sunuwar Bible

¹ सुइ आन चढ़ेतीके दुशा बाक्‍चा आ पर्बम बाक्‍त हना, मेकोमी बी ब्‍यफ रे का चढ़ेब हना, परमप्रभु यावे आ ङोंइती मारेइ मदुम्‍शो थम रिम्‍शो बी कि ब्‍यफ चढ़ेचा माल्‍ब।

लेवी 3:1 ပူးပေါင်းရင်းမြစ်များ

१ इतिहास 21:26

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीक चढ़ेवा बाक्‍त। मिनु परमप्रभु यावे आ नें थिशा पुना बाक्‍त। परमप्रभु यावेमी सरीङ रे चोशा चढ़ेतीके तारी मी तोक्‍शा लोव़ लेत्‍ता बाक्‍त। १राजा १८:२४

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

प्रस्‍थान 24:5

मिनु मोसामी इस्राएली ठिटा आन कली बोहोर क्‍योरशा, चोशा चढ़ेतीक नु परमप्रभु यावे नु दुशा बाक्‍चा आ पर्बम चढ़ेतीक चढ़ेपपाइक्‍तु। न्‍यायाधीस १७:७

प्रस्‍थान 29:28

मारदे हना इस्राएलीपुकीमी मेको हारून नु आ तौ आन कली गेना हना यो गेचा माल्‍शो भाग बाक्‍ब। मेको गेचा माल्‍शो चढ़ेतीके बाक्‍ब। इस्राएलीपुकीमी आन परमप्रभु यावे नु दुशा बाक्‍चा आ पर्बम चढ़ेतीके रे गेचा माल्‍शो मेकोन बाक्‍ब।

हितोपदेस 7:14

“गो मुलाक्‍ती दुशा बाक्‍चा आ पर्बम चढ़ेतीके चढ़ेचा माल्‍शो नङ। मेको आं कसम मुलाक्‍ती खाप्‍ता। लेवी ७:१५-१७

इजीकीएल 43:27

मिनु मेको नाक्‍त नुम्‍मेनु, ८ नाक्‍त रे चढ़ेबपुकीम इन चोशा चढ़ेतीक नु दुशा बाक्‍चा आ पर्बम चढ़ेतीक चढ़ेचा माल्‍नीम। मिनु गो इन कली ब्राइनुङ” दे परमप्रभु, परमप्रभु यावेमी देंत।

इजीकीएल 45:15

गेपुकीम सहे निक्‍शी भेडा रे का चढ़ेचा माल्‍नीनी। मेको इस्राएली आन योव़तीके रे चाक्‍चा माल्‍नीनी। मेको अन्‍न चढ़ेशो, चोशा चढ़ेशो नु दुशा बाक्‍चा आ पर्बम चढ़ेशो बाक्‍ब। मेको पाप क्‍याम्‍चा कली बाक्‍ब” दे परमप्रभु यावेमी देंत।

लेवी 1:10

मेको आ चोशा चढ़ेतीक आ बगाल ङा क्‍यारश भेडा बाक्‍तेक्‍म हना, मेकोमी मारेइ मदुम्‍शो थम रिम्‍शो बोका, सांड चढ़ेचा माल्‍नीम।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 17:5

मोपतीके इस्राएलीपुकीमी आन क्‍योरशा चढ़ेतीके आन बाक्‍तीके रे ग्रुंइशा, परमप्रभु यावे आ ङोंइती चाक्‍चा माल्‍नीम। मेकोपुकीमी आन क्‍योरतीक बस्‍तु भाव चढ़ेब आ बाक्‍तीकेम, ग्रुम्‍तीक ताम्‍बु आ ओव़तीके आ ङोंइती चाक्‍शा, दुशा बाक्‍तीक आ पर्बम चढ़ेचा माल्‍नीम।

लेवी 3:6

मेकोमी आ दुशा बाक्‍चा आ पर्बम परमप्रभु यावे कली चढ़ेतीके क्‍यारश भेडा रे का चढ़ेब हना, मेकोमी मारेइ मदुम्‍शो थम रिम्‍शो क्‍यारश भेडा बाक्‍त हना यो, बोका सांड बाक्‍त हना यो, चढ़ेचा माल्‍ब।

लेवी 9:18

मिनु हारूनमी मुर आन कली दुशा बाक्‍चा आ पर्बम चढ़ेतीके ब्‍यफ नु सांड क्‍योरतु। मिनु हारून आ तौपुकीम हुश चाक्‍शा, मेको कली गेम्‍तेक्‍म। मिनु मेकोमी चढ़ेतीक आ एर ओंथ ब्रुइक्‍ताक्‍व।

लेवी 9:4

मिनु परमप्रभु यावे आ ङोंइती दुशा बाक्‍चा आ पर्बम चढ़ेचा कली ब्‍यफ का, सांड का नु तेलम निशो अन्‍न चढ़ेतीक यो चाक्‍कीन। मारदे हना मुलाक्‍ती परमप्रभु यावेमी इन कली तपांइसीब’ माइक्‍मी” देंत।

आमोस 5:22

गे आं कली चोशा चढ़ेतीक नु अन्‍न चढ़ेतीक चढ़ेतीनी हना यो, गो मेको मब्राइनुङ। मिनु इन नेल्‍ल क्‍येङा दोम्‍शो बस्‍तु दुशा बाक्‍चा आ पर्बम चढ़ेशो यो मकोव़नुङ। मीका ६:६-७

मलाकी 1:14

“सु सुमी आंम बस्‍तु आन बगाल रे पा ‘रिम्‍शो बस्‍तु चढ़ेनुङ’ देंनीमी, तन्‍न नोले मरिम्‍शो चढ़ेनीमी, मेको जोल पाइब सराप राइनीम। मारदे हना गो ठेयब पिप नङ। आं नें रागी रागी नेल्‍ल ङा मुर आन दातेमी हिंचा ङा बाक्‍ब” दे मुर नेल्‍ल आन परमप्रभु यावेमी देंत। लेवी २२:१९

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

गन्‍ती 15:8

मिनु कसम जशो खाप्‍चा कली कि दुशा बाक्‍चा आ पर्बम परमप्रभु यावे कली चोशा चढ़ेचा कली कि क्‍योरशा चढ़ेचा कली ब्‍यफ का चढ़ेतीनी हना,

गन्‍ती 6:14

मिनु मेकोमी परमप्रभु यावे कली मारेइ मदुम्‍शो थम रिम्‍शो सांड का चोशा चढ़ेतीक चढ़ेचा माल्‍ब। मिनु मेकोमी बर्स का गाप्‍शो मारेइ मदुम्‍शो थम रिम्‍शो पाठी का पाप आ पर्बम चढ़ेचा माल्‍ब। मिनु मारेइ मदुम्‍शो थम रिम्‍शो बर्स का गाप्‍शो सांड का दुशा बाक्‍चा आ पर्बम चढ़ेचा माल्‍ब।

गन्‍ती 7:17

दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको अम्‍मीनादाब आ तौ नहशोन आ चढ़ेतीक बाक्‍त।

गन्‍ती 7:59

दुशा बाक्‍चा आ पर्बम चढ़ेचा कली ब्‍यफ निक्‍शी, ५ ओटा सांड, ५ ओटा बोका नु ५ ओटा बर्स का गाप्‍शो पाठा चाक्‍तु। मेको पेदा-सुर आ तौ गमालीएल आ चढ़ेतीक बाक्‍त।

ब्‍यवस्‍था 12:27

मिनु इन चोशा चढ़ेशो श्‍ये नु मेको आ हुश परमप्रभु यावे, इन परमप्रभु कली चढ़ेतीकेम चढ़ेचा माल्‍नीनी। इन क्‍योरशा चढ़ेशो आ हुश परमप्रभु यावे, इन परमप्रभु कली चढ़ेतीके आ पुंम जारचा माल्‍नीनी। मेको आ श्‍ये गे ब्‍वने चाप्‍नीनी। ब्‍यवस्‍था १२:६

कलस्‍सी 1:20

परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

१ यूहन्‍ना 1:3

मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।

न्‍यायाधीस 20:26

मिनु इस्राएली नेल्‍ले बेथेल सहर लमा बाक्‍त। मिनु मेकोपुकीमी नाक्‍दो सम्‍म परमप्रभु यावे आ ङोंइती ङाक्‍शा माइजा बाक्‍मा बाक्‍त। मेकोपुकीमी परमप्रभु यावे कली चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। न्‍यायाधीस २०:१८; यहोसु १८:२१-२२

न्‍यायाधीस 21:4

मिनु आ दीसा मुरपुकी सुनी कना बोक्‍शा, मेकेर चढ़ेतीके का सेल्‍शा, चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त।