लेवी 27:3 - Sunuwar Bible

³ मेकोमी २० बर्स रे ६० बर्स सम्‍म ङा वोंइश मुर आन पर्बम आं ताम्‍बु ङा चांदी के ५० शेकेल परमप्रभु यावे कली गेचा माल्‍नीम। शेकेल इस्राएली आन क्‍येट बाक्‍ब। शेकेल का ११.५ ग्राम चांदी बाक्‍ब। ताम्‍बु ङा शेकेल चहिं १२ ग्राम बाक्‍त। न्‍यायाधीस ११:३१; १सामुएल १:११

लेवी 27:3 ပူးပေါင်းရင်းမြစ်များ

२ राजा 12:4

मिनु योआशमी चढ़ेब आन कली “परमप्रभु यावे आ खिंमी मुरपुकीमी आन दाक्‍शा गेशो क्‍येट, मुर आन कली हिक्‍शो नु बोक्‍शो क्‍येट नु मुरपुकीम ग्‍येरशा गेशो क्‍येट नेल्‍ले परमप्रभु यावे आ खिंम वो‍तीन। २राजा १४:४; १राजा २२:४४

प्रस्‍थान 30:13

गिश जना वोंइश मुर हिक्‍सीनीमी, मिश जना ताम्‍बु ङा नाक्‍तीके ङा आधा शेकेल गेचा माल्‍नीमी। शेकेल का २० गेराह चांदी बाक्‍नीम। मोपा परमप्रभु यावे कली गेशो क्‍येट आधा शेकेल गेचा माल्‍शो बाक्‍ब। शेकेल का ११.५ ग्राम खोदेंशो बाक्‍ब। गेरा का ०.६ ग्राम बाक्‍ब। मत्ती १७:२७

प्रस्‍थान 38:24

परमप्रभु यावे आ बाक्‍तीक नु मेकेर माल्‍शो मारेइ मारेइ सेल्‍चा कली मुर आन गेशो सुन गिश दुम्‍माक्‍त देंशा हना, २९ टलेन्‍ट नु ७ सहे ३० शेकेल दुम्‍त। नेल्‍ल नाक्‍शा, हजार का किलो खोदेंशो दुम्त। टलेन्‍ट का ३४ किलो बाक्‍ब। शेकेल का ११.५ ग्राम, तोला का खोदेंशो बाक्‍ब।

लेवी 27:14

मिनु सुइ मुरुमी परमप्रभु यावे कली खिं का चढ़ेप्‍तु हना, चढ़ेबमी मेको खिं कोव़शा रिम्‍शो बाक्‍म कों मरिम्‍शो बाक्‍मे ‘ओशो क्‍येट लाइक्‍ब’ देंचा माल्‍ब। मिनु चढ़ेबमी दोशो देंबा मेको ठीक दुम्‍ब।

लेवी 27:25

मिनु गिश क्‍येट लाइ‍बा, मेको नेल्‍ल परमप्रभु यावे आ ताम्‍बु ङा चांदी के शेकेलम थाप्‍चा माल्‍ब। शेकेल काम २० गेरा बाक्‍नीम। गेरा का ०.६ ग्राम बाक्‍ब।

लेवी 27:4

मीश मुर आ पर्बम बाक्‍त हना, मेकोम ३० शेकेल गेचा माल्‍ब। ३० शेकेल ३६० ग्राम चांदी बाक्‍ब।

लेवी 5:15

“सुइ मुरुमी प्रेंशा, परमप्रभु यावे आ देंशो मटिथु, पाप पाप्‍तु हना, मेको आ बगाल रे मारेइ मदुम्‍शो थम रिम्‍शो ताम्‍बु ङा चांदी के शेकेलम फाइक्‍चा कली सांड का मेको पाप आ पर्बम चढ़ेचा कली परमप्रभु यावे आ ङोंइती चाक्‍चा माल्‍ब। मेको गारचा आ पर्बम चढ़ेतीक बाक्‍ब। शेकेल का ११.५ ग्राम बाक्‍ब। चांदी नु सुन के क्‍येट बाक्‍त।

लेवी 6:6

मिनु मेकोमी परमप्रभु यावे आ ङोंइती ठीक पा हिक्‍शो क्‍येट कि आ बगाल रे मारेइ मदुम्‍शो थम रिम्‍शो सांड का आ मरिम्‍शो पशो आ पर्बम चढ़ेब आ नेक्‍था परमप्रभु यावे आ बाक्‍तीकेमी चढ़ेचा कली चाक्‍चा माल्‍ब।

गन्‍ती 18:16

मेको आन कली प्रोंइतीक क्‍येट महिना का गाप्‍शो कली चांदी के ५ शेकेल ताक्‍चा माल्‍नेवे। मेको ताम्‍बु ङा शेकेल बाक्‍चा माल्‍नीम। मेको ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ताम्‍बु ङा शेकेल का १२ ग्राम ङा क्‍येट बाक्‍ब। लेवी २७:६,२७

गन्‍ती 3:47

मेको आन कली प्रोंइचा कली का के ५ शेकेल ताक्‍को। ग्रुम्‍तीक ताम्‍बु ङा शेकेल का २० गेराह ङा बाक्‍ब। गेराह का ०.६ ग्राम बाक्‍ब। ग्रुम्‍तीके ताम्‍बु ङा शेकेल १२ ग्राम बाक्‍ब।