लेवी 26:8 - Sunuwar Bible

⁸ इन मुर ५ जनामी सहे का मुर आन कली नु सहे का मुरुमी १० हजार मुर आन कली खेदा पाइनीम। इन जोरी सत्रु इन तरवारम शोल्‍मो पा बेक्‍नीम। ब्‍यवस्‍था ३२:३०; यहोसु २३:१०

लेवी 26:8 ပူးပေါင်းရင်းမြစ်များ

१ इतिहास 11:11

दाऊद आ बोल्‍यो लडाइ पाइब सु सु बाक्‍मा बाक्‍त देंशा हना, हाकमोनी आ तौ याशोबाम कप्‍तान सां आन ठेयब कप्‍तान बाक्‍माक्‍त। मेकोमी आ तूतीकेमी कालेमी सहे सां मुर आन कली सदा बाक्‍त।

१ इतिहास 11:20

योआब आ लोक्‍ब अबीशै मेको ३० जना आन कप्‍तान बाक्‍माक्‍त। मेकोमी आ तूतीकेमी कालेम सहे सां मुर आन कली लडाइ पा साइक्‍मी बाक्‍त। मिनु मोपा मेको सां आन दातेमी हिक्‍चा पुंइसे बाक्‍त।

एस्‍तर 9:16

मिनु पिप आ रागी ङा यहूदीपुकी आंम कली आन जोरी सत्रु रे प्रोंइचा कली बुक्‍तेक्‍म। मिनु मेकोपुकीमी आंम कली काइ मदाक्‍ब ७५ हजार जना मुर आन कली साइक्‍तेक्‍म। मोपा मेकोपुकीमी आन जोरी सत्रु रे थुं नाइक्‍चा ताम्‍तेक्‍म। तन्‍न मेको आन शोंप नु आन थेरशो रू चहिं मारेइ मरोइक्‍तेम।

लेवी 26:7

मिनु गेपुकीमी इन जोरी सत्रु आन कली खेदा पा तरवारम साइक्‍नीनी।

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

गन्‍ती 31:4

गे इस्राएली आन थर थर नेल्‍ल रे हजार का का मुर लडाइ पचा कली सोइक्‍तीने” देंत।

ब्‍यवस्‍था 28:7

मिनु परमप्रभु यावेमी इन कली लडाइ पाइब इन जोरी सत्रु आन कली इन ङोंइती ब्रुपाइक्‍ब। मेको लां कामी इन कली लडाइ पथ जाक्‍नीम। मिनु ब्रुशा, शाउ शिउ ब्रशा ७ ओटा लां रे प्रोक्‍नीम।

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

यहोसु 23:10

इन मुर कामी मेको आन के हजार का मुर आन कली खेरने चाप्‍ब। मारदे हना आ देंशो खोदेंशो पा इन लडाइ पचा ङा परमप्रभु यावे, इन परमप्रभुमी पाइब।

न्‍यायाधीस 15:15

मिनु गधा आ पिया ङा रुश खप रे गुप्‍शा, मेकोमी हजार का मुर आन कली तुप्‍शा सदा बाक्‍त।