लेवी 26:40 - Sunuwar Bible

⁴⁰ तन्‍न मेकोपुकीमी आंम पाप नु आन किकी पिपी आन पाप आ पर्बम ‘मरिम्‍शो पाइतक नु दूली लां गाक्‍स ङा गाक्‍स पाइतक’ देंतेक्‍म हना, ब्‍यवस्‍था ४:३०

लेवी 26:40 ပူးပေါင်းရင်းမြစ်များ

१ राजा 8:47

मिनु मेकोपुकीम आन कली ग्‍याइश्‍शा लाइश्‍शो रागीम श्‍येत जशा ‘गो पाप पाइतक। दूली पा काइ मरिम्‍शो पाइतक’ देंतेक्‍म हना, नेहेम्‍याह ९:३३; दानीएल ९:५

१ राजा 8:48

मिनु मेको आन ग्‍याइश्‍शा लाइश्‍शो जोरी सत्रु आन रागीमी आन थुं नेल्‍लेम इन गे लेत्‍तेक्‍म हना, मेको आन किकी पिपी आन कली इन गेशो रागी नु इन योव़शो एको सहर नु इन नें कली मान पा आं सेल्‍शो खिं गे कोव़शा, इन कली पुंइतेक्‍म हना, दानीएल ६:११

एज्रा 10:11

मुल गे परमप्रभु यावे, इन किकी पिपी आन परमप्रभु आ ङोंइती इन मरिम्‍शो पशो शोव़ङीन। मिनु आ दाक्‍शो पने। गे मेको रागी ङा मुर नु अर्को जात ङा मीश रे ब्राङीन” दे मेको आन कली माइक्‍तीमी।

एज्रा 9:15

परमप्रभु यावे, इस्राएली आन परमप्रभु गे ठीक पाइब बाक्‍नीनी। मुल गो इच्‍का खोइ लीशो बाक्‍नीक। गो आंइ मरिम्‍शो पतीकेमी इन ङोंइती बाक्‍नीकी। मो हना यो गो इन ङोंइती पिया पोक्‍ने मचाप्‍नीकी” देंती।

एज्रा 9:6

“आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

येरमीया 14:20

परमप्रभु यावे, गोपुकीम इन अरेशो लोव़ मटिशो नु आंइ किकी पिपी आन मरिम्‍शो पशो शोव़नीकी। गोपुकीम थमा पा इन ङोंइती पाप पशो बाक्‍नीकी। येरमीया ३:२५; भजन संग्रह ५१:५-७; भजन संग्रह १०६:६

बिलाप 1:20

“परमप्रभु यावे कोव़ङीन, गो शुश श्‍येत जाता। गो इन देंशो मटीब दुम्‍‍तीके आं थुं चोती। आं थुं साप्‍पा सेक्‍बेर पाइब। लाङगाम तरवारमी साइक्‍ब। मिनु खिं आगाम बेक्‍तीक बाक्‍ब।

इजीकीएल 14:23

मेको आन मिम्‍शो नु आन पशो तशा, मेकोपुकीम इ थुं नाइक्‍पाइक्‍नीम। मिनु गो मेकेर मार मार पङा, मेको नेल्‍ल मोशीन मपङ, दे तुइक्‍नेवे” दे परमप्रभु, परमप्रभु यावेमी देंत।

इजीकीएल 36:31

मेना गे इन मरिम्‍शो पशो गेय नु मरिम्‍शो पशो आ पर्बम मिम्‍नीनी। मिनु गे इन मरिम्‍शो पशो नु मूर्ति पूजा पतीके आन आन पर्बम आंमान ग्रांग्रा दीसीनीनी। इजीकीएल २०:४३

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

लेवी 26:21

गेपुकी दूली लांम गाक्‍स ङा गाक्‍स पा, आं कली मटीतीनी हना, गो इन पाप ७ खेयप तेम्‍शा इन कली श्‍येत गेनन्‍नी

लेवी 26:24

गो इन कली यो मरिम्‍शो पस ङा पस पाइनुङ। मिनु गो इन पाप ७ खेयप तेम्‍शा, इन कली श्‍येत गेनुङ।

लेवी 5:5

मिनु मेको मुर आ पशो पाप तुइक्‍ता नोले, मेकोमी आ पशो पाप शोव़चा माल्‍ब। लेवी १६:२१; गन्‍ती ५:७; यहोसु ७:२०

गन्‍ती 5:7

मिनु मेकोमी आ मरिम्‍शो पशो शोव़चा माल्‍ब। मिनु मेको मुरुमी आ खुइ पशो नेल्‍ल लेश्‍शा गेशा, मेको क्‍येङा यो ५ भाग तेम्‍शा गेचा माल्‍ब।

यहोसु 22:15

मिनु मेकोपुकी रूबेन आ थर, गाद आ थर नु मनस्‍से आ उइक्‍थ थर बाक्‍तीक गिलाद रागी जाक्‍दीश्‍शा, मेको आन कली

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।