लेवी 26:4 - Sunuwar Bible

⁴ गो रेउ यिची ना रेउ यिपाइक्‍नुङ। मिनु इन रूम शुश अन्‍न ग्रेल्‍नीम। मिनु रवाम शुश फल फुल सित्‍नीम।

लेवी 26:4 ပူးပေါင်းရင်းမြစ်များ

१ राजा 17:1

मिनु गिलाद ङा तिश्‍बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, गो मेको आ ङोंइती राप्‍शा गेय पाइनुङ। इस्राएलम रेउ नु सीत मारेइ मयीब” देंमाक्‍त। १राजा ८:३५; लूका ४:२५; याकूब ५:१७; प्रकाश ११:६

अय्‍युब 5:10

मेकोम खप कली रेउ यिपाइक्‍ब। मिनु रू कली ब्‍वाक्‍कु सोइक्‍ब।

भजन संग्रह 104:13

इन इर ङा बाक्‍तीक रे रेउ यिपाइश्‍शा डांडा आन कली जिप्‍पाइक्‍नीनी। इन गेय पशोमी रागी नेल्‍ल ग्‍येरसीनीम।

भजन संग्रह 67:6

मिनु रूम अन्‍न ख्रेल्‍ब। इं परमप्रभुमी इं कली आसीक गेब। भजन संग्रह ६५:१०

भजन संग्रह 67:7

परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम।

भजन संग्रह 68:9

परमप्रभु, गे ठेयब रेउ यिपाइक्‍तीनी। इन सोव़ने थुम्‍शो रागी जिप्‍पाइक्‍तीनी।

भजन संग्रह 85:12

परमप्रभु यावेमी मार रिम्‍शो बाक्‍मे, मेको गेब। मिनु आंइ रागीम बाली नाली ग्रेल्‍पाइक्‍ब।

भजन संग्रह 85:13

ठीक पतीकेमी मेको आ ङोंइती गाक्‍शा, आन लां सेल्‍ब।

यसैया 30:23

मिनु परमप्रभुमी इन शोक्‍शो रू कली रेउ यिपाइश्‍शा, अन्‍न सिप्‍पाइक्‍ब। मिनु अन्‍न ग्रेल्‍शा, शुश जचा ताइनीनी। मेना इन बी ब्‍यफ ठेयब दिंममी जोइनीम।

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

इजीकीएल 36:30

गो रवा आन फल नु रू ङा मारेइ मारेइ आन कली शुश सेल्‍नुङ। मोपा गेपुकी गेनायो रागी रागी ङा मुर आन दातेम अन्‍काल पा मुने मदोक्‍नीनी। इजीकीएल ३४:२९; योएल २:१९

योएल 2:22

गे ब्‍वाकी ङा जन्‍तु महिनीन। मारदे हना गोरशो रागी ङा योव़तीक गिगी दुम्‍शो बाक्‍ब। रवाम फल सित्‍नीम। फोव़शी रवा नु अङगुर आ बोटमी शुश फल सित्‍नीम।

लेवी 25:19

मिनु रागीमी अन्‍न ग्रेल्‍ब। गेपुकी जचा तूचाम श्‍येत मजाइनीनी। मिनु मेको रागीमी महिंथु थुं नाइश्‍शा बाक्‍चा ताइनीनी।

लेवी 25:21

गो ६ बर्सम इन कली आं आसीक गेनन्‍नी। मिनु रागीम बर्स सां सम्‍म शुश अन्‍न ग्रेल्‍पाइक्‍नुङ। ब्‍यवस्‍था २८:८

जकरिया 8:12

मेकोमी “मुल थुं नाइक्‍तीक दुम्‍शो बाक्‍ब। अङगुर आ बोटमी रिम्‍शो फल सिप्‍ब। रूमी अन्‍न ख्रेल्‍ब। सरीङ रे सीत यीब। गो मेको नेल्‍ल लीशो आं मुर आन कली गे‍नुङमी।

मत्ती 5:45

मो पाइतीनी हना, इन स्‍वर्ग ङा आफ आ तमी तौ नकी, दे कोंइनीनी। स्‍वर्गम बाक्‍ब आफोमी रिम्‍शो मरिम्‍शो पाइब नेल्‍ल आन कली नां दाप्‍पाइक्‍ब। नेल्‍ल आन कली रेउ यिपाइक्‍ब। एफिसी ५:१

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

ब्‍यवस्‍था 11:13

मिनु मुलाक्‍ती गो इन कली दें‍शो आं शें‍शो नेंतीनी, गे परमप्रभु यावे, इन परमप्रभु कली इन थुं सोक्‍त नेल्‍लेमी दाक्‍शा नु मेको कली गेय पाइतीनी हना, लेवी २६:३-५; येरमीया ५:२४

ब्‍यवस्‍था 11:14

मेना परमप्रभु यावेमी इन कली ‘गो इन रू कली गारचा ङा रेउ गेनुङ। ङोंइती नु नोले ङा रेउ ठीक पा गेनुङ। मोपा इन अन्‍न, इन अङगुर नु तेल रवा आन फल खुप्‍ने चाप्‍नीनी।

ब्‍यवस्‍था 28:12

मिनु परमप्रभु यावेमी नेल्‍ल सरीङ ङा शोंप वोइक्‍तीक रोक्‍शा, इन रू कली माल्‍ची ना रेउ यिपाइक्‍ब। मिनु गे मार मार पाइनीनी, मेको कली आसीक गेब। मिनु गेपुकीमी शुश रागी रागी ङा मुर आन कली जेर गेनीनी, गे चहिं सुइ आन जेर मताक्‍नीनी। ब्‍यवस्‍था १५:६

याकूब 5:7

मिनु आं दाक्‍शो लोक्‍बपुकी, नेनीने, रूमी गेय पाइब मुरुमी मेको आ ख्रुम्‍शो बाली नाली मीब, दे आ थुं नाइश्‍शा, हिंउद नु बर्खा रिम्‍शो खोदेंशो पा प्रभु आ जाक्‍चा रिम्‍दीन। लूका २१:१९; हिब्रू १०:३६

प्रकाश 11:6

मेको निक्‍शीमी परमप्रभु यावे आ लोव़ पाम्‍सेनु, रेउ मयिपाइक्‍ने चाप्‍नीस। मेकोमी ब्‍वाक्‍कु के हुश सेल्‍ने चाप्‍नीस। मिनु रागी कली मार श्‍येत गेचा दाक्‍तसे, मेकोन पने चाप्‍नीस। गिश खेयप मो पचा दाक्‍तसे, मिश खेयप यो पने चाप्‍नीस। १राजा १७:१; प्रस्‍थान ७:१९-२०