लेवी 26:28 - Sunuwar Bible

²⁸ गो इन कली मरिम्‍शो पस ङा पस ग्रुम्‍नुङ। मिनु इन पाप ७ खेयप तेम्‍शा, सजाइ गेनन्‍नी। ब्‍यवस्‍था २८:५३; येरमीया १९:९

लेवी 26:28 ပူးပေါင်းရင်းမြစ်များ

भजन संग्रह 79:12

परमप्रभु आ पर्बम शुक्‍शी पा मुरपुकीमी मुने तोक्‍चा माल्‍शो बाक्‍नीमी। मेको मो पशो ङा आंइ नेक्‍था ङा मुर आन कली ७ खेयप क्‍येक्‍क लेत्‍तीन। भजन संग्रह १३७:७-९

यसैया 27:4

गो मगाइक्‍नुङ। चू चोंक वाम हना, गो मेको आन कली लडाइ तोशो खोदेंशो पा, तुल्‍शा चोङमी वा।

यसैया 59:18

परमप्रभुमी मेको आन पशो खोदेंशो पा मेको आन कली क्‍येक्‍क लेप्‍ब। आ जोरी आन कली आ गाइश्‍शो कोंइब। आ सत्रु आन कली क्‍येक्‍क लेप्‍ब। समुन्‍द्र आ नेक्‍था बाक्‍ब आन कली क्‍येक्‍क लेप्‍ब।

यसैया 63:3

मिनु मेकोमी “गो आं कान अङगुर ख्राक्‍ता। गो नु जात जात ङा मुर सुइ मबाक्‍म। मिनु गो गाइश्‍शा, मेको आन कली ख्राक्‍ता। चुरशा मेको आन कली दिम्‍ताक्‍ङमी। मेको आन रस आं वाम ब्रुंइसाक्‍व। मिनु आं वा नेल्‍ल लल दुम्‍त। योएल ४:१३; प्रकाश १४:२०

यसैया 66:15

परमप्रभु यावे मी नु जाक्‍ब। आ बग्‍गीपुकी फश गिवार खोदेंशो पा गाक्‍नीम। आ गाइश्‍शो चुरशोमी क्‍येक्‍क लेप्‍ब। आ हुइक्‍तीके हुरुर पा ब्रशो मी खोदेंशो बाक्‍ब। बजन संग्रह ५०:३; प्रकाश १९:११-१५

येरमीया 21:5

गो आं दिंशो गुइ, सक्ति नु आं थाम्‍पा गाइश्‍शा, चुरशा नु ग्‍युश्रा बोक्‍शा, गे नु लडाइ पाइनुङ।

येरमीया 7:20

मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।

बिलाप 4:11

परमप्रभु यावेमी आ चुरशो नेल्‍ल कोंइताक्‍व। मेकोमी आ हिंचा ङा पा गाइश्‍शो नेल्‍ल कोंइताक्‍व। मोपा सियोनम मी सुइक्‍ताक्‍व। मिनु मेकेर ङा जग नेल्‍ल दाक्‍तु।

इजीकीएल 5:13

मिनु गो गाइक्‍ना गाइक्‍न, मेको आन कली आं चुरशो कोंइशा, आं थुं नाइक्‍पाइक्‍नुङ। मिनु गो, परमप्रभु यावेमी आं रुश पतीकेमी मेको आन कली लोव़ पाता, दे तुइक्‍नीम। इजीकीएल १६:४२

इजीकीएल 5:15

गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

लेवी 26:24

गो इन कली यो मरिम्‍शो पस ङा पस पाइनुङ। मिनु गो इन पाप ७ खेयप तेम्‍शा, इन कली श्‍येत गेनुङ।

लेवी 26:27

मिनु मेको मो दुम्‍शा यो, गे आं कली मटिथु, दूली लां गाक्‍स ङा गाक्‍स पाइतीनी हना,

लेवी 26:41

मिनु गो मेको आन कली मरिम्‍शो पस ङा पस बाक्‍शा, आन जोरी सत्रु आन रागीम सोइक्‍ताक्‍ङमी। मिनु मेको आन खकटा थुं ब्रेम्‍शो दुम्‍शा, आन पाप आ पर्बम पाप क्‍याम्‍तीक गेय पाम्‍तेक्‍म हना, ब्‍यवस्‍था १०:१६; येरमीया ९:२५

नहुम 1:2

परमप्रभु यावे रुश पाइब नु क्‍येक्‍क लेप्‍ब परमप्रभु बाक्‍ब। परमप्रभु यावेमी आ जोरी सत्रु आन कली क्‍येक्‍क लेप्‍ब। मेको आन कली तशा गाइक्‍ब। परमप्रभु यावेमी आ जोरी सत्रु आन कली क्‍येक्‍क लेश्‍शा, मेको आन कली तशा शुश चुरब। प्रस्‍थान २०:५; ब्‍यवस्‍था ४:२४

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।