लेवी 26:25 - Sunuwar Bible

²⁵ गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

लेवी 26:25 ပူးပေါင်းရင်းမြစ်များ

२ सामुएल 24:15

मोपतीके परमप्रभु यावेमी आ देंशो नाक्‍त रे इस्राएल नेल्‍लेम मुर बेक्‍तीक रोइ जाक्‍पदा बाक्‍त। मिनु दान रे बेयर-शेबा सम्‍म ७० हजार मुर बेक्‍मा बाक्‍त।

१ राजा 8:33

मिनु इन मुर, इस्राएलीपुकीमी पाप पशा आन जोरी सत्रु नु ब्रुशा, इन गे लेश्‍शा ‘गे आंइ परमप्रभु यावे बाक्‍नीनी’ दे एको इन खिं गे कोव़शा पुंइतेक्‍म हना,

१ राजा 8:37

मेको रागीम अन्‍काल दुम्‍‍त हना, मुर बेक्‍तीक रोइ जाक्‍त हना, बाली नाली सोव़तीक नु बुक्‍खी ङाइक्‍तीक रोइ जाक्‍त हना, सल्‍हा माले नु बुस्‍स जाक्‍तेक्‍म हना, मेको आन तेकोइ सहरम जोरी सत्रुम पुम्‍ताक्‍म हना, मारेइ श्‍येत नु मारेइ रोइ जाक्‍त हना,

२ राजा 17:3

मिनु अस्‍सुर ङा पिप शाल्‍मानेसेर होशेआ कली लडाइ तोथ जाक्‍माक्‍त। मिनु होशेआमी मेको कली तिरो थाप्‍चा माल्‍दा बाक्‍त।

२ इतिहास 24:24

अराम ङा लडाइ पाइब इच्‍का ला बाक्‍‍तेक्‍म हना यो, परमप्रभु यावेमी इस्राएल ङा शुश लडाइ पाइब आन कली मेको आन गुइमी गेमी बाक्‍त। मारदे हना यहूदा ङा मुरपुकीम परमप्रभु यावे, आन किकी पिपी आन परमप्रभु कली प्रोंइशो बाक्‍मा बाक्‍त। मोदेंशो पा योआशमी निसाफ नु सजाइ तवा बाक्‍त।

भजन संग्रह 94:1

परमप्रभुमी क्‍येक्‍क लेप्‍ब। परमप्रभु यावे, परमप्रभु, इन छेङछेङ कोंइदीन। ब्‍यवस्‍था ३२:३५

प्रस्‍थान 5:3

मिनु मेको निक्‍शीमी “हिब्रू मुर आन परमप्रभुमी आंस कली ग्रुम्‍तु। आंइ कली लचा गेने, दे पुंइनस्‍कु। गोपुकी रोइमी, लडाइमी मबेक्‍कल, दे परमप्रभु यावे, आंइ परमप्रभु कली चढ़ेथ नाक्‍त सां सम्‍म गोरशो रागीम लचा गेने” दे माइक्‍ताक्‍स।

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

यसैया 65:12

गो इन कली तरवारम साइक्‍पाइक्‍चा कली जिम्‍मा गेनन्‍नी। गे क्‍योरपांइसीचा कली गुर ब्‍वेनीनी। मारदे हना गो इन कली ब्रेत्‍तुनु, गे आं लोव़ मलेत्‍तीनी। गो लोव़ पङानु, गे मनेंनी। गो आं ङोंइती मरिम्‍शो नु आं मदाक्‍शो गेय ला योव़शा, पाइतीनी” देंत। यसैया ६६:४; येरमीया ७:१३

येरमीया 19:7

गो एको रागीमी यहूदा नु यरूसलेम आस मिम्‍शो मदुम्‍पाइक्‍नुङ। गो मेको आन कली आन जोरी सत्रु आन ङोंइती तरवारम साइक्‍पाइक्‍नुङमी। सु सुम मेको आन कली साइक्‍चा दाक्‍नीमी, मेको आन गुइम गेनुङमी। आन बेक्‍शो रां चहिं सरीङ ङा चिक्‍ब नु रागीम बाक्‍ब ब्‍वाकी ङा जन्‍तु आन कली ब्‍वचा गेनुङमी।

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 50:28

मिनु परमप्रभुमी “नेनीन, बेबीलोन रे प्रोक्‍ब मुर नु मेकेर बाक्‍ब अर्को रागी रे प्रोक्‍शो मुरुम सियोनम ‘परमप्रभु यावे, आंइ परमप्रभुमी क्‍येक्‍क लेप्‍ब। आ खिं आ पर्बम क्‍येक्‍क लेप्‍ब’ दे नेल्‍लेम नेंचा ङा पा शेंनीम।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 9:16

गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

इजीकीएल 14:17

मिनु परमप्रभु, परमप्रभु यावेमी “गो रागी आ पर्बम तरवार सोइश्‍‍शा, मेको तरवार कली ‘मुर नु बी ब्‍यफ, क्‍यारश भेडा नेल्‍ल साइक्‍मी’ देंती हना,

इजीकीएल 20:37

गो इन कली हिक्‍शा आं कबल पपाइक्‍नन्‍नी। लेवी २७:३२; येरमीया ३३:१३

इजीकीएल 29:8

मोपतीके परमप्रभु, परमप्रभु यावेमी “गो इ पर्बम तरवार सोइक्‍नुङ। गो इ मुर नु इ बी ब्‍यफ, क्‍यारश भेडा नेल्‍ल आन कली साइक्‍नुङमी।

इजीकीएल 33:2

मार लोव़ पाप्‍तु देंशा हना “ए मुर, इ मुर आन कली ‘गो रागी का कली तरवार चाक्‍ता हना, मेको रागी ङा मुरपुकीम आन रागी ङा मुर का कली आन कली खाल पाइब का योव़शा वोइक्‍नीम,

इजीकीएल 5:17

गो इ दातेमी अन्‍काल नु ब्‍वाकी ङा जन्‍तुपुकी सोइक्‍ताक्‍ङ हना, मेकोपुकीम इ आल रोइक्‍नीम। इ दातेम मुर बेक्‍तीक रोइ नु हुश ख्राक्‍श पोक्‍तीक दुम्‍शा बाक्‍ब। मिनु गो इ कली तरवारम साइक्‍नुङ’ गो परमप्रभु यावेमी, एको देंती” देंत।

इजीकीएल 6:3

गे ‘ए इस्राएल ङा पहाड परमप्रभु, परमप्रभु यावे आ लोव़ नेनीन। पहाड नु डांडा खोल्‍सा नु बेंसी आन कली परमप्रभु यावेमी, गो इन तार तरवार का चाक्‍नुङ। मिनु गो इन डांडा ङा थान आन कली खतम पोक्‍‍नुङमी।

होसे 11:6

मेको आन सहरपुकीमी लडाइ दुम्‍नीम। मिनु मेको आन लाप्‍चो ङा थाम मीम दुप्‍नीम। मेको आन मिम्‍शो नेल्‍ल खतम दुम्‍नीम।

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

आमोस 4:10

गो इन दातेम इजीप्‍त रागी कली खोदेंशो पा बेक्‍चा ङा रोइ सोइक्‍ताक्‍ङ। गो इन ठिटा आन कली तरवारमी क्‍योरशा साइक्‍पाइक्‍तामी। इन शारा रोइक्‍पाइक्‍तामी। इन बाक्‍तीक ङा मरिम्‍शो रिना इन नें आगाम प्रिंताक्‍ङ। मो हना यो गेपुकी आं गे मलेन्‍नी” दे परमप्रभु यावेमी देंत। प्रस्‍थान ९:३

हबकुक 3:5

आ ङोंइती मुर आन कली साइक्‍तीक रोइ लत। आ नोले मुर बेक्‍तीक रोइम खोइक्‍तु।

गन्‍ती 14:12

गो मेको आन कली बेक्‍तीक रोइमी साइक्‍नुङमी। मेको आं मुर खोदेंशो मबाक्‍नीम। मिनु गो इ रे मेको आन क्‍येङा शुश नु बोल्‍यो जात का सेल्‍नुङमी” देंत। प्रस्‍थान ३२:१०-१४

गन्‍ती 16:49

कोराह बेक्‍तीकेम बेक्‍शो प्रोंइशा, मेको मुर बेक्‍तीक रोइम बेक्‍शो मुर १४ हजार ७ सहे बाक्‍तेक्‍म।

गन्‍ती 31:3

मिनु मोसामी मुर आन कली “इन लडाइ पाइब आन दाते ङा मिदयान नु लडाइ पचा कली नु परमप्रभु यावेमी मेको आन कली क्‍येक्‍क लेत्‍चा कली इन मुर आन कली ठीक पने।

लूका 21:11

ठेयब ख्रिनु कुइब। रागी रागीमी ठेयब अन्‍काल दुम्‍ब। शुश मुर रोइ पा बेक्‍नीम। हिंचा ङा श्‍येत जाक्‍नीम। सरीङम ठेयब चिन्‍ड तांइसीनीम।

ब्‍यवस्‍था 28:21

मिनु परमप्रभु यावेमी इन कली गेशो नु इन के सेल्‍शो रागी रे ग्रुंइचा सम्‍म इन कली मुर बेक्‍तीक रोइ पपाइक्‍ब।

ब्‍यवस्‍था 32:25

लां लांमी तरवारम मेको आन कली रोम रोइक्‍च सेल्‍नुङ। खिं खिंम राम्‍शी पोक्‍नुङ। ठिटा ठिटी, दूध तूब आल, चां बोइश्‍शो नेल्‍ल आन कली खाल का ङा पाइ‍नुङ। इजीकीएल ५:१७; इजीकीएल १४:२१

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

ब्‍यवस्‍था 32:41

गो आं टल्‍केशो या शेप्‍ता हना, आं गुइमी निसाफ पचा कली ग्‍याइक्‍ताक्‍ङ हना, आं जोरी सत्रु आन कली क्‍येक्‍क लेत्‍नुङ। आं कली काइ मदाक्‍ब आन कली क्‍येक्‍क लेत्‍नुङ। येरमीया ४६:१०

न्‍यायाधीस 15:11

मिनु यहूदा ङा हजार सां मुर एताम ङा रोंगु ङा पुक्‍खीमी यिमा बाक्‍त। मिनु मेकोपुकीमी सिम्‍सोन कली “पलिस्‍तीपुकी आंइ सासन पाइब बाक्‍नीम, दे गे तुइक्‍नीनी। गे मारदे आंइ कली मोदेंशो पा मरिम्‍शो पनी?” देंमा बाक्‍त। मिनु सिम्‍सोनमी “मेकोपुकीमी आं कली दोदेंशो पामे, गो यो में मोदेंशो ला पाता” देंमाक्‍त।