लेवी 26:22 - Sunuwar Bible

²² गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

लेवी 26:22 ပူးပေါင်းရင်းမြစ်များ

२ राजा 17:25

मिनु ङोंइती मेकोपुकी मेकेर बाक्‍मानु, परमप्रभु यावे कली ममानेमे बाक्‍त। मोपतीके परमप्रभु यावेमी मेको आन दातेमी गुप्‍स सोइक्‍तीमी बाक्‍त। मिनु मेको गुप्‍सपुकीम कोइ कोइ आन कली सदमे बाक्‍त। होसे १३:८

२ राजा 2:24

मिनु मेकोम लेश्‍शा कोव़शा, मेको आन कली परमप्रभु यावे आ नेंमी सराप पाइक्‍मी बाक्‍त। मिनु ब्‍वाकी रे छाउरी वां निक्‍शी ग्रूशा, मेको आन दाते ङा ४२ जना आन कली क्राइ‍श्‍शा साइक्‍मी बाक्‍त।

२ इतिहास 15:5

मेना सुइ लाङगा लशा, रिम्‍शो पा जाक्‍ने मचाप्‍शो बाक्‍‍तेक्‍म। मारदे हना मेकेर शोर गाक्‍शो शुश मुर बाक्‍मा बाक्‍त। मिनु रागीम बाक्‍ब नेल्‍लेमी श्‍येत जाम्‍तेक्‍म।

यसैया 24:6

मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।

यसैया 33:8

ठेयब लां श्‍येत्‍थ दुम्‍शो बाक्‍नीम। मुर मेको लांम मगाक्‍नीम। गारपाइक्‍तीक लोव़ क्‍याम्‍सीशो बाक्‍ब। सांकछीपुकी महिक्‍सीब दुम्‍शो बाक्‍नीम। आन कसम जशो जाम्‍त। आन पचा माल्‍शो गेय मपाइनीम।

येरमीया 15:3

गो मेको आन कली ४ ओटा साइक्‍तीक श्‍येत सोइक्‍नुङमी। गो साइक्‍चा कली तरवार, कीशा लाइक्‍चा कली कुचुम, दाक्‍पाइक्‍चा कली नु खतम सेल्‍चा कली सरीङ ङा चिक्‍ब नु रागी ङा जन्‍तु सोइक्‍नुङमी। इजीकीएल १४:२१; येरमीया ७:३३

येरमीया 42:2

परमप्रभु यावे आ लोव़ पाइब येरमीया आ बाक्‍तीके जाक्‍तेक्‍म। मिनु मेको कली “गो आंइ पुंइशो नेनीन। मिनु परमप्रभु यावे, इन परमप्रभु कली आंइ पर्बम नु लीशो मुर नेल्‍ल आन पर्बम पुनीन। मारदे हना शुश मुर रे का निक्‍शी ला लीतक। मेको गे आंमा ताइतीनी। येरमीया ३७:३

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

इजीकीएल 14:15

गो मोदेंशो रागी कली खतम सेल्‍चा कली ब्‍वाकी ङा जन्‍तु सोइक्‍ताक्‍ङमी हना, जन्‍तुपुकीम पतीके मेको रागी रे सुइ एर ओंथ पने मचाप्‍तेक्‍म हना,

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

इजीकीएल 5:17

गो इ दातेमी अन्‍काल नु ब्‍वाकी ङा जन्‍तुपुकी सोइक्‍ताक्‍ङ हना, मेकोपुकीम इ आल रोइक्‍नीम। इ दातेम मुर बेक्‍तीक रोइ नु हुश ख्राक्‍श पोक्‍तीक दुम्‍शा बाक्‍ब। मिनु गो इ कली तरवारम साइक्‍नुङ’ गो परमप्रभु यावेमी, एको देंती” देंत।

लेवी 26:6

मिनु गो रागी ङा मुर आन कली थुं नाइश्‍शा बाक्‍चा गेनुङ। मिनु गेपुकी गोल्‍शा निन्‍द्रा पाइनीनी। सुइमी इन कली हिंच मकोंइब। गो इन रागी रे हिंचा ङा जन्‍तु आन कली खेरनुङमी। इन रागीमी लडाइ मदुम्‍ब। इजीकीएल ३४:२५

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

ब्‍यवस्‍था 32:24

बेक्‍चा ङा शोव़लु, शुश नाप्‍शो जोरो, मुर कली साइक्‍ब रोइ नु मेको आन कली ब्रुप्‍शा ब्‍वाइब जन्‍तुपुकी नु खपीम ग्रे‍शा गाक्‍ब बीस पाइश्‍शो बुस्‍सपुकी सोइक्‍नुङ।

न्‍यायाधीस 5:6

अनाथ आ तौ शाम्‍गार आ पालामी, याएल बाक्‍म सम्‍म ग्‍याप्‍ब लेयब आन हुल ठेयब लां मगाक्‍ब दुम्‍तेक्‍म। मुरपुकी ख्रुइश्‍शो लांमी गाक्‍चा गोम्‍तेक्‍म। न्‍यायाधीस ३:३१