लेवी 25:10 - Sunuwar Bible

¹⁰ मिनु ५० ङा बर्स परमप्रभु यावे आ बर्स बाक्‍ब। मिनु गे रागी ङा मुर नेल्‍ल आन कली आन ङोंइती ङा अधिकार लेंशा ताइनीम, दे नेंपाइक्‍चा माल्‍नीनी। मेको इन कली प्रोंइतीक बर्स बाक्‍ब। मिनु मुर नेल्‍ल आन आन खिं नु आन आन बाक्‍तीक लेन्‍ने चाप्‍नीम। यसैया ६१:२; लूका ४:१९

लेवी 25:10 ပူးပေါင်းရင်းမြစ်များ

एज्रा 1:3

मिनु इन दातेमी सु सु परमप्रभु आ मुर बाक्‍नीमी, मेको नु परमप्रभु बाक्‍ल। मिनु मेको मुरपुकी इर लशा, यहूदा रागी ङा यरूसलेममी बाक्‍ब परमप्रभु यावे, इस्राएली आन परमप्रभु आ खिं सेलीन।

भजन संग्रह 146:7

मेकोमी दिप्‍चा पुंइसीब आन कली ठीक निसाफ पाइब। शोव़लु बेक्‍शो आन कली जचा गेब। परमप्रभु यावेमी चोक्‍चा पुंइसीशो आन कली प्रोंइब।

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

यसैया 49:9

गो जेल्‍खानम बाक्‍ब आन कली ‘ग्रूङीन’, छिङछिङम बाक्‍ब आन कली ‘छेङछेङम ग्रूङीन’ देंचा कली ब्रेत्‍ताक्‍न। मेकोपुकी आं भेडा बाक्‍नीम। लांमी जोचा ताइनीम। गोरशो डांडा मेको आन रिम्‍शो पा जोतीके बाक्‍तीके दुम्‍ब।

यसैया 63:4

मारदे हना आं थुंम क्‍येक्‍क लेत्‍तीक नाक्‍त बाक्‍त। मिनु आं मुर आन कली प्रोंइतीके बर्स जाक्‍शो बाक्‍ब। यसैया १३:९; यसैया ३४:८; यसैया ६१:२

येरमीया 34:10

मिनु मेको लोव़ टीब ठेयब मुर नु कबल टीब मुर नेल्‍लेमी आंम आन वाइलीम वाइल आन कली प्रोंइचा नु लेंशा अर्को वाइलीम वाइल मवोइक्‍चा नम, देंशो बिस्‍साक्‍म। मिनु मेकोपुकी गारशा, मेको आन कली प्रोंइतेक्‍म।

येरमीया 34:8

मेना परमप्रभु यावेम येरमीया कली लोव़ पाप्‍तु। मेना यहूदा ङा पिप सिदकीयाहम यरूसलेम ङा मुर नेल्‍ल नु वाइलीम वाइल नेल्‍ल आन कली प्रोंइचा माल्‍नीम, दे कबल पशो बाक्‍त। येरमीया ३४:१४

इजीकीएल 46:17

तन्‍न मेकोम आ थेरशो रू रे आ गेय पाइब कली गेप्‍तु हना, मेको प्रोंइतीक बर्स सम्‍म ला मेको गेय पाइब आ शोंप दुम्‍ब। नोले मेको लेंशा सासन पाइब केन दुम्‍ब। आ तौ कली गेशो रू चहिं मेको केन दुम्‍शा लीब। लेवी २५:१०; येरमीया ३४:८

लेवी 25:11

मेको ५० बर्स इन कली ङोंइती ङा खोदेंशो पा लेंशा सेल्‍तीक बर्स बाक्‍ब। मेको बर्स गेपुकीमी मारेइ मशोक्‍कीन, मख्रुमीन। आंमा वाशो बाली नाली मरुप्‍चा। अङगुर बोट आन ममुंइशो राशीम सिश्शो अङगुर मखुप्‍चा।

लेवी 25:13

मेको प्रोंइतीक बर्समी मुर नेल्‍ल आन आन रू नु खिं लेत्‍चा माल्‍नीम।

लेवी 25:41

मिनु नोले मेकोपुकी नु आन तमी तौ गे इन बाक्‍तीक रे लशा, आन खिं ङा मुर नु आन बाक्‍तीक लेम्‍मल।

लेवी 25:54

मोपा यो मेको मुर प्रोंइचा मपुंइसाक्‍व हना, रिम्‍शा। मेको नु आ खिं ङा मुर प्रोंइतीक बर्सम ला लचा ताइनीम।

लूका 1:74

‘गो इं जोरी सत्रु आन गुइ रे प्रोंइचा पुंइसीनय। मिनु गो महिंथु परमप्रभु यावे कली ठेयब सेल्‍ने चाप्‍नय।

२ कोरिन्‍थी 3:17

मारदे हना प्रभु सोक्‍त बाक्‍ब। प्रभु आ सोक्‍ती ते बाक्‍बा, मेकेर पाप आ सजाइ रे ब्रोंइतीके बाक्‍ब।

गलाती 4:25

हागार देंशो मार रुम्‍सीब देंशा हना, अराब रागी ङा सीनै डांडा रुम्‍सीब। सिनाक्‍त मुलाक्‍त यरूसलेममी बाक्‍बपुकीमी हागार आ लां खोइश्‍शा, रिती थिती पा वाइलीम वाइल दुम्‍शो बाक्‍नीम।

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

१ पत्रुस 2:16

पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। गलाती ५:१३; २पत्रुस २:१९