लेवी 24:9 - Sunuwar Bible

⁹ मेको शोब्‍ले हारून नु आ तौ चच आन कली बाक्‍नीम। मेकोपुकीमी मेको शोब्‍ले चोव़खो बाक्‍तीकेमी बाक्‍शा जचा माल्‍नीम। मारदे हना मेको शोब्‍ले परमप्रभु यावे कली मीम चोशा चढ़ेशो रे नेल्‍ल क्‍येङा चोव़खो हारून नु आ तौ चच आन भाग बाक्‍ब’ दे अरेवो” देंत।

लेवी 24:9 ပူးပေါင်းရင်းမြစ်များ

प्रस्‍थान 27:21

मिनु ग्रुम्‍तीक ताम्‍बु आगामी, कबल ङा सन्‍दोस बाक्‍शो नेल्‍ल क्‍येङा चोव़खो कोठा फारतीक आ ङोंइती हारून नु आ तौपुकीमी नाक्‍दो रे सुनी सम्‍म मेको बत्ती दातीक परमप्रभु यावे आ ङोंइती ब्रशा बाक्‍ल, दे ठीक सेल्‍चा माल्‍नीम। मेको इस्राएली आन चच युइ आन कली गेना हना यो पतीके लीचा माल्‍ब। मेको गेना हना यो पचा माल्‍नीम।

लेवी 10:12

मिनु मोसामी हारून नु आ लीशो तौ एलाजर नु इथामार आन कली “परमप्रभु यावे कली मीम चोशा अन्‍न चढ़ेशो रे लीशो बोरब ओख्‍ती मसुप्‍थु चढ़ेतीके आ नेक्‍था बाक्‍शा जने। मारदे हना मेको थम चोव़खो बाक्‍ब। लेवी ९:१७,१८

लेवी 10:17

“गेपुकीमी मारदे पाप आ पर्बम चढ़ेशो कली चोव़खो बाक्‍तीकेम मब्‍वनी? मारदे हना मेको थम चोव़खो बाक्‍ब। मिनु परमप्रभु यावेमी मुर आन पर्बम पाप क्‍याम्‍तीक गेय पचा, दे मेको इन कली गेशो बाक्‍ब।

लेवी 21:22

मेकोमी आंम परमप्रभु कली चढ़ेशो नु चोव़खो नु थम चोव़खो जचा थोव़क चहिं जने ब्‍वने चाप्‍ब।

लेवी 24:10

मिनु इजीप्‍ती आफ नु इस्राएली ममा पाइश्‍शो मुर का बाक्‍माक्‍त। मेको मुर इस्राएली आन दातेमी जाक्‍शा, इस्राएली का नु तुम्‍मुसा बाक्‍त।

लेवी 3:17

मिनु गेपुकीमी बोंसो नु हुश मब्‍वने। इन नोले ङा पाला नेल्‍ल आन कली गेपुकी ते बाक्‍तीनी हना यो, गेना हना यो लीब अरेतीक बाक्‍ब’ दे इस्राएली आन कली देनो” दे परमप्रभु यावेमी मोसा कली देंत। लेवी ७:२३,२७; लेवी १७:१०-१४; उत्‍पत्ती ९:४; ब्‍यवस्‍था १२:१६,२३; प्रेरित १५:२०-२९

लेवी 6:11

मिनु नोले मेकोमी आ फेक्‍शो वा प्रुइश्‍शा, अर्को वा फेक्‍शा, मेको पुलु ताम्‍बु रे ग्रुंइशा चोव़खो पुलु ताइक्‍तीकेमी लाइश्‍शा ताइक्‍चा माल्‍ब।

लेवी 6:16

मिनु लीशो हारून नु आ तौपुकीम जचा माल्‍नीम। तन्‍न मेको चोव़खो बाक्‍तीकेमी बोरब ओख्‍ती मसुप्‍थु, चोशा जचा माल्‍नीम। मेकोपुकीमी ग्रुम्‍तीक ताम्‍बु आ लाङगाम बाक्‍शा, जचा माल्‍नीम।

लेवी 6:9

“गे हारून नु आ तौ आन कली चोशा चढ़ेचा आ पर्बम अरेमी। मेको चोशा चढ़ेतीक नाक्‍दो रे सुनी सम्‍म चढ़ेतीके शी तार बाक्‍चा माल्‍ब। मिनु चढ़ेतीक ङा मी यो ब्रस ङा ब्रस बाक्‍चा माल्‍ब।

लेवी 8:3

मुर नेल्‍ल आन कली ग्रुम्‍तीक ताम्‍बु आ ओव़तीकेम पुक्‍मी” देंत।

लेवी 8:31

मिनु मोसाम हारून नु आ तौ आन कली “गे मेको श्‍ये कली ग्रुम्‍तीक ताम्‍बु आ ओव़तीकेम लोपीन। मिनु गेय गोचा कली चढ़ेशो डालो ङा शोब्‍ले नु मेक उइ जने ब्‍वने। आं देंशो खोदेंशो पा जचा ब्‍वचा माल्‍नीनी।

मलाकी 1:12

मिनु “गेपुकीमी ‘परमप्रभु आ टेबल ग्रांग्रा दिचा ङा बाक्‍ब, मेक बाक्‍शो थोव़क यो ठीक दुम्‍चा ममाल्‍ब’ दे आं नें कली आइक्‍च सेल्‍नीनी।

मत्ती 12:4

दोपा दाऊदमी परमप्रभु यावे आ खिंमी ओव़शा, परमप्रभु यावे कली चढ़ेशो शोब्‍ले शोल्‍शा योक्‍शा जामे? मेको चढ़ेशो शोब्‍ले चढ़ेबपुकीमी ला जचा दुम्‍बाक्‍माक्‍त। अरु मुरपुकीमी जचा मदुम्‍ब बाक्‍माक्‍त। लेवी २४:९

मर्कूस 2:26

ठेयब चढ़ेब अबीयाथार आ पालामी दाऊद परमप्रभु यावे आ खिं ओव़शा, परमप्रभु यावे कली चढ़ेशो शोब्‍ले शोल्‍शा जशा, आ वारच आन कली यो जचा गेवा बाक्‍त, दे मपढेनी? मेको शोब्‍ले चढ़ेबपुकीमी ला जाइबाक्‍मा बाक्‍त। अर्को मुरपुकीमी जचा मदुम्‍ब बाक्‍माक्‍त। १सामुएल २१:७; लेवी २४:९

लूका 6:4

दोपा दाऊदमी परमप्रभु यावे आ खिंमी ओव़शा, परमप्रभु यावे आ ङोंइती कोंइतीक शोब्‍ले शोल्‍शा योक्‍शा जामे? मेको शोब्‍ले चढ़ेबपुकीम ला जाइनीमी, ममाइ? अरु मुरपुकीमी जचा मदुम्‍बा, ममाइ ङा?” दे माइक्‍मी बाक्‍त। लेवी २४:९

१ सामुएल 21:6

मोपतीके मेकेर अरु शोब्‍ले मबाक्‍तीके चढ़ेबमी मेको परमप्रभु यावे आ ङोंइती वोइश्‍शो कोंइतीक शोब्‍ले गेवा बाक्‍त। तेको नाक्‍ती कोंइतीक शोब्‍ले परमप्रभु यावे आ ङोंइती रे लदमे, मेको नाक्‍ती अर्को होश शोब्‍ले वोइक्‍चा माल्‍बाक्‍माक्‍त। मत्ती १२:३-४