लेवी 24:22 - Sunuwar Bible

²² आंम रागी ङा मुर नु अर्को रागी ङा मुर आन पर्बम खाल का ङा ऐन कानुन दुम्‍चा माल्‍ब। मारदे हना गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:३४; प्रस्‍थान १२:४९

लेवी 24:22 ပူးပေါင်းရင်းမြစ်များ

प्रस्‍थान 12:49

मेको इन कली नु इन दातेम बाक्‍ब अर्को रागी ङा मुर आन कली अरेशो लोव़ का बाक्‍ब” दे परमप्रभुमी देंत। लेवी १९:३४; लेवी २४:२२

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 19:34

गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।

लेवी 24:23

मिनु मोसामी इस्राएली आन कली मेको लोव़ शेंदीमी नोले मेकोपुकीमी मेको सराप पाइब कली मुर आन बाक्‍तीक रे ग्रुंइशा, फुल्‍लु आप्‍शा साइक्‍तेक्‍म। मिनु परमप्रभु यावेमी मोसा कली अरेशो खोदेंशो पा इस्राएली नेल्‍लेमी पाम्‍तेक्‍म।

गन्‍ती 15:29

मतुइक्‍थु पाप पाइब इस्राएलीपुकी नु मेको नु बाक्‍ब अर्को रागी ङा मुर नेल्‍ल आन कली मतुइक्‍थु पाप पशो आ पर्बम पचा माल्‍शो गेय खाल का ङा बाक्‍ब।

गन्‍ती 9:14

मिनु इन दातेमी बाक्‍शो अर्को रागी ङा मुरुमी परमप्रभु यावे कली पास्‍सा चाड मानेचा दाक्‍ताक्‍व हना, मेकोमी मेको आ पर्बम ब्रेक्‍शो नेल्‍ल शेंशो पतीक खोदेंशो पा पचा माल्‍ब। मिनु अर्को रागी ङा मुर नु इन मुर नेल्‍ल आन कली पास्‍सा चाड आ पर्बम ब्रेक्‍शो लोव़ का दुम्‍चा माल्‍ब’ देनो” देंत।

ब्‍यवस्‍था 1:16

मेना गो इन कली निसाफ पाइब आन कली ‘इन लोक्‍ब आन दातेमी जिशो खेशो रिम्‍शो पा नेंशा, ठीक पा निसाफ पने। इस्राएली नु रागी ङा मुर जिशो यो नेल्‍ल आन कली ठीक पा निसाफ पने। लेवी १९:१५