लेवी 24:19 - Sunuwar Bible

¹⁹ सुइमी आ नेक्‍था ङा मुर कली आ खोइल जिक्‍ताक्‍व हना, मेको यो आ खोइल जिक्‍चा पुंइसीब।

लेवी 24:19 ပူးပေါင်းရင်းမြစ်များ

प्रस्‍थान 21:23

तन्‍न मेको मीश मुर नोले बेक्‍त हना, चुशा चिप्‍ब मुर साइक्‍चा पुंइसीब। लेवी २४:१९-२०; ब्‍यवस्‍था १९:२१; मत्ती ५:३८

प्रस्‍थान 21:24

सुइमी अरु आ मिक्‍ची का पुक्‍ताक्‍व हना, मेको यो आ मिक्‍च पुक्‍चा पुंइसीब। सुइमी अरु आ ख्रुइ का जिक्‍ताक्‍व हना, मेको यो आ ख्रुइ जिक्‍चा पुंइसीब। सुइमी अरु आ गुइ जिक्‍ताक्‍व हना, मेको यो आ गुइ जिक्‍चा पुंइसीब। सुइमी अरु आ खोइली का जिक्‍ताक्‍व हना, मेको यो आ खोइली जिक्‍चा पुंइसीब।

प्रस्‍थान 21:25

सुइमी अरु कली मीम चोशा, गार सेल्‍तु हना, मेको कली यो मीम चोशा गार सेल्‍चा माल्‍ब। सुइमी अरु कली तुप्‍तु हना, मेको तुप्‍ब यो तुप्‍चा पुंइसीब। सुइमी अरु कली क्‍योरशा गार सेल्‍तु हना, मेको यो क्‍योरशा गार सेल्‍चा पुंइसीब।

लेवी 24:18

सुइमी बस्‍तु भाव कली तुप्‍शा साइक्‍तु हना, मेको आ पा ङा अरु गेचा माल्‍ब। ब्रोंइशो बस्‍तु आ पा ङा ब्रोंइशो बस्‍तु गेचा माल्‍ब। प्रस्‍थान २१:३३-३७

लेवी 24:20

जिक्‍तीके आ पा ङा जिक्‍तीके, मिक्‍च आ पा ङा मिक्‍च, ख्रुइ आ पा ङा ख्रुइ, सुमी सु कली मार पाइबा, मेको यो मो पाइक्‍चा पुंइसीब। मेको कली यो मो पाइक्‍चा माल्‍ब। प्रस्‍थान २१:२३-२५

मत्ती 5:38

‘सुइमी इन मिक्‍च पुक्‍ताक्‍म हना, मेको आन कली यो मिक्‍च पुक्‍तीने। सुइमी इन ख्रुइ जिक्‍ताक्‍म हना, मेको आन कली यो ख्रुइ जिक्‍तीने’ देंशो बाक्‍ब, दे तुइक्‍नीनी। प्रस्‍थान २१:२४

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

ब्‍यवस्‍था 19:21

मिनु गेपुकीमी शिशी मपने। साइक्‍ब कली साइक्‍चा माल्‍ब। मिक्‍च पुक्‍ब कली आ मिक्‍च पुक्‍चा माल्‍ब। ख्रुइ जिक्‍ब कली आ ख्रुइ जिक्‍चा माल्‍ब। गुइ खोइल जिक्‍ब कली आ गुइ खोइल जिक्‍चा प्रस्‍थान २१:२३-२५

न्‍यायाधीस 1:7

मिनु अदोनी-बेसेकमी “गुइ खोइल ङा बोंग्‍ये ख्रोइश्‍शो ७० जना पिपमी आं निश्‍शा जतीक रे दोक्‍शो जचा थोव़क जाम्‍तेक्‍म। ङोंइती गो दोदेंशो पङा, मुल परमप्रभुमी आं कली यो मोदेंशोन पाप्‍तु” देंमाक्‍त। मिनु यहूदा ङा मुरपुकीमी मेको पिप कली यरूसलेम चाक्‍गमे बाक्‍त। मिनु मेको मेकेर बेक्‍माक्‍त।