लेवी 24:16 - Sunuwar Bible

¹⁶ परमप्रभु यावे आ नें आ पर्बम मरिम्‍शो लोव़ पाइब साइक्‍चा पुंइसीब। इस्राएल ङा मुर बाक्‍त हना यो, अर्को रागी ङा मुर बाक्‍त हना यो, सुम परमप्रभु यावे आ नें आ पर्बम मरिम्‍शो लोव़ पाइबा, मेको साइक्‍चा पुंइसीब। प्रस्‍थान २०:७; मत्ती २६:६५-६६

लेवी 24:16 ပူးပေါင်းရင်းမြစ်များ

२ सामुएल 6:2

मिनु दाऊद नु मेको मुर नेल्‍ल परमप्रभु आ सन्‍दोस चाक्‍चा कली यहूदा ङा बाले सहर रे लमा बाक्‍त। मेको सन्‍दोस तार आ नें बाक्‍त। मुर नेल्‍ल आन परमप्रभु यावे आ नें मेकेर बाक्‍ब। मेको करूब आस दातेम बाक्‍ब। बाले सहर आ अर्को नें किरयथ-यारीम बाक्‍त। यहोसु १५:९ प्रस्‍थान २५:२२

भजन संग्रह 139:20

मेकोपुकीमी इन पर्बम मरिम्‍शो लोव़ पाइनीमी। मिनु ठेयब लेश्‍शा, शुश मरिम्‍शो पाइब बाक्‍नीमी।

भजन संग्रह 74:10

परमप्रभु, इन जोरी सत्रुमी इन कली गेना सम्‍म शाक्‍नीमी? मार, जोरी सत्रुमी इन नें आ पर्बम गेना हना यो शुक्‍शी पस ङा पस बाक्‍नीमी?

भजन संग्रह 74:18

परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।

प्रस्‍थान 20:7

गे परमप्रभु यावे, इन परमप्रभु आं नें, मो मथिने। मारदे हना सुम परमप्रभु यावे आं नें मो थीबा, मेको कली सजाइ मगेथु, मप्रोंइब। लेवी १९:१२; लेवी २४:१६

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

लेवी 20:2

“गे लेंशा इस्राएली आन कली ‘इस्राएलीपुकी, मेको नु बाक्‍ब अर्को रागी ङा मुरपुकी सुम आन आल मोलेक कली चढ़ेनीमी, मेको आन कली साइक्‍चा माल्‍नीम। ग्रुम्‍तीक ङा मुरपुकीम मेको कली फुल्‍लु आप्‍शा साइक्‍चा माल्‍नीम।

मत्ती 12:31

मोपतीके गो इन कली मार देंनुङ देंशा हना, मुरपुकीमी पाप पा, परमप्रभु यावे कली शुक्‍शी लोव़ पाम्‍तेक्‍म हना, माफ गेचा पुंइसीनीम। परमप्रभु यावे आ सोक्‍त आ पर्बम शुक्‍शी लोव़ पशो पाप चहिं मक्‍याम्‍सीब, दे इन कली देंनुङ। मर्कूस ३:२८-३०; लूका १२:१०; १यूहन्‍ना ५:१६; हिब्रू ६:४-६; हिब्रू १०:२६

मत्ती 26:66

मार पय, मिनु?” देंमेनु “साइक्‍चा पुंइसीब” देंमा बाक्‍त।

मर्कूस 14:64

मार सांकछी माल्‍दा ङा? आ शुक्‍शी पशो लोव़ गे नेल्‍लेमी नेंशा, सांकछी दुम्‍तीनी। एको कली मार पाइक्‍चा? मार देंनीनी?” दे माइक्‍मीनु, नेल्‍लेमी “साइक्‍चा माल्‍ब” देंमा बाक्‍त। यूहन्‍ना १९:७

यूहन्‍ना 19:7

यहूदीपुकीमी “आंइ ऐन कानुन बाक्‍ब। मिनु मेको ऐन कानुनमी ब्रेक्‍शो खोदेंशो पा एको मुर बेक्‍चा माल्‍ब। मारदे हना एकोमी आंमा कली परमप्रभु यावे आ तौ सेल्‍सीशो बाक्‍त” देंतेक्‍म। यूहन्‍ना १०:३३; लेवी २४:१६

प्रेरित 26:11

थमा सुइक्‍ब आन कली आंइ ग्रुम्‍तीक खिं खिंमी कीशा चाक्‍शा तुप्‍शा, येसु आ नें मरिम्‍शो सेल्‍पाइश्‍शा, मुल ङा मेरे मेको लां मखोइक्‍नीकी देंपाइक्‍तामी। नेल्‍ल आन कली साइक्‍पाइक्‍नुङमी, दे जोंब बोक्‍शा गाक्‍ती। यरूसलेममी ला ममाइ, ङोन ङोन रागी लशा, खेदा पा श्‍येत गेतामी।

प्रेरित 7:58

मिनु कीशा लाइश्‍शा, सहर रे ग्रुंइशा, फुल्‍लु क्रोम्‍चा गोव़मे बाक्‍त। सांकछीपुकीमी आन वा प्रुइश्‍शा, सावल नें पाइश्‍शो ठिटा का आ ङोंइती वोदमे बाक्‍त। लेवी २४:१६; प्रेरित २२:२०

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

याकूब 2:7

येसु ख्रीस्‍त आ नें आ पर्बम शुक्‍शी लोव़ मपाइनीमी ङा? १पत्रुस ४:१४