लेवी 24:10 - Sunuwar Bible

¹⁰ मिनु इजीप्‍ती आफ नु इस्राएली ममा पाइश्‍शो मुर का बाक्‍माक्‍त। मेको मुर इस्राएली आन दातेमी जाक्‍शा, इस्राएली का नु तुम्‍मुसा बाक्‍त।

लेवी 24:10 ပူးပေါင်းရင်းမြစ်များ

प्रस्‍थान 12:38

मिनु हिक्‍ने मचाप्‍चा ङा पा इस्राएली खोदेंशो पा परमप्रभु यावे कली टीबपुकी यो, आन बी ब्‍यफ, क्‍यारश भेडा, शुश बस्‍तु भाव खुल्‍शा गाक्‍तेक्‍म।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

लेवी 24:9

मेको शोब्‍ले हारून नु आ तौ चच आन कली बाक्‍नीम। मेकोपुकीमी मेको शोब्‍ले चोव़खो बाक्‍तीकेमी बाक्‍शा जचा माल्‍नीम। मारदे हना मेको शोब्‍ले परमप्रभु यावे कली मीम चोशा चढ़ेशो रे नेल्‍ल क्‍येङा चोव़खो हारून नु आ तौ चच आन भाग बाक्‍ब’ दे अरेवो” देंत।

गन्‍ती 11:4

मिनु मेको आन दातेमी बाक्‍शो अर्को रागी ङा मुरपुकीमी मार मार जचा थोव़क जचा ब्‍वचा दाक्‍तेक्‍म। मिनु इस्राएली यो लेंशा ङाक्‍शा “गोपुकीमी श्‍ये ब्‍वचा तक हना, दुम वा। प्रस्‍थान १२:३८; प्रस्‍थान १६:३; १कोरिन्‍थी १०:६