लेवी 23:40 - Sunuwar Bible

⁴⁰ ङोंइती ङा नाक्‍ती गेपुकीमी रवा आन रिम्‍शो फल फुल, खजूर रवा आन राशी, शुश सफा पाइश्‍शो रवा आन राशी नु अरु खोलामी बाक्‍शो रवा आन राशी चाक्‍शा, गे परमप्रभु यावे, इन परमप्रभु आ ङोंइती ७ नाक्‍त सम्‍म ग्‍येरसीन। नेहेम्‍याह ८:१४-१६

लेवी 23:40 ပူးပေါင်းရင်းမြစ်များ

भजन संग्रह 137:2

गोपुकीमी आंइ तार पाइश्‍शो ताप्‍तीके मेकेर ङा रवामी क्‍युक्‍तक।

भजन संग्रह 92:12

ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। भजन संग्रह १:३; भजन संग्रह ५२:१०

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 44:4

मेकोपुकी घांस खोदेंशो पा शुश बारनीम। ब्‍वाक्‍कु आ नेक्‍था वाशो रवा खोदेंशो दुम्‍नीम।

यसैया 66:10

मिनु गे यरूसलेम कली दाक्‍ब नेल्‍लेमी मेको नु ग्‍येरसीन। गे मेको आ पर्बम रोंका पाइब नेल्‍ल ग्‍येरसीन।

लेवी 23:39

मिनु ७ महिना ङा १५ नाक्‍ती आंम रू ङा अन्‍न खुप्‍शो नोले गेपुकीमी ७ नाक्‍त सम्‍म परमप्रभु यावे आ चाड मानेचा माल्‍नीनी। ङोंइती ङा नाक्‍त नु ८ नाक्‍ती थमा पा नाइक्‍चा माल्‍नीनी।

लेवी 23:41

गेपुकीमी बर्सम ७ नाक्‍त सम्‍म एको चाड मानेशा, परमप्रभु यावे कली ठेयब सेल्‍चा माल्‍नीनी। गेपुकी ७ महिनामी एको चाड मानेचा माल्‍नीनी। एको इन कली गेना हना यो पतीक बाक्‍ब।

मत्ती 21:8

मिनु येसु आ नोले खोइक्‍बपुकीमी आन फेक्‍तीक वा लांमी ब्राम्‍तेक्‍म। खजूर रवा आ राशी जिक्‍शा, लांमी ब्रशा दारशो सेल्‍तेक्‍म। २राजा ९:१३

यूहन्‍ना 12:13

मिनु खजूर रवा आ सफा शेशा, येसु कली ग्रुम्‍थ जाक्‍तेक्‍म। मेकोपुकीमी “होसन्‍ना, परमप्रभु आ नेंमी जाक्‍ब इस्राएली आन पिप आसीक रशो बाक्‍ब” दे ग्‍येरशा, ग्रीना ग्रीन येसु कली ग्रुम्‍थ जाक्‍तेक्‍म। होसन्‍ना आ देंशो “परमप्रभु वारच पने” बाक्‍ब। भजन संग्रह ११८:२५-२६

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

रोमी 5:11

मेको ला ममाइ, इं प्रभु येसु ख्रीस्‍तम इं पशो पाप रे प्रोंइतीके आ पर्बम परमप्रभु यावे आ मुर दुम्‍शा ग्‍येरनय।

ब्‍यवस्‍था 12:12

मिनु गेपुकी, इन तमी तौ, वाइलीम वाइल, इन सहरम बाक्‍शो आंम कली शोंप मतशो लेवी नेल्‍ल परमप्रभु यावे, इन परमप्रभु आ ङोंइती ग्‍येरसीचा माल्‍नीनी। ब्‍यवस्‍था १०:९

ब्‍यवस्‍था 12:7

मिनु गे नु इन खिं ङा मुर नेल्‍लेमी परमप्रभु यावे, इन परमप्रभुमी इन कली आसीक गेशो गेय मिम्‍चा, दे मेकेर परमप्रभु यावे, इन परमप्रभु आ ङोंइती जशा तूशा, ग्‍येरसीचा माल्‍नीनी।

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

फिलिप्‍पी 4:4

प्रभु नु बाक्‍शा गेना हना यो ग्‍येरसीन। गो लेंशा “ग्‍येरसीने” देंनुङ। फिलिप्‍पी ३:१; २कोरिन्‍थी १३:११; १थिस्‍सलोनिकी ५:१६

१ पत्रुस 1:8

गे मेको कली मताइतीनी हना यो, दाक्‍नीनी। मेको कली मुल सम्‍म मतथु यो, थमा सुइक्‍तीनी। गे गिश ग्‍येरना ग्‍येरन बाक्‍शो बाक्‍नीनी, देंने मचाप्‍नीनी। यूहन्‍ना २०:२९; २कोरिन्‍थी ५:७

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।