लेवी 23:38 - Sunuwar Bible

³⁸ मेको क्‍येङा परमप्रभु यावे आ नाइक्‍तीक नाक्‍ती ङा, इन दाक्‍शा गेतीक थोव़क, इन कबल पशो गेतीक थोव़क नु इन ग्‍येरशा गेशो थोव़क परमप्रभु यावे कली चढ़ेचा माल्‍नीनी।

लेवी 23:38 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

भजन संग्रह 56:13

मारदे हना गे आं कली बेक्‍चा रे प्रोंइतीनी। मिनु आं कली गोल्‍चा रे प्रोंइतीनी। परमप्रभु, गो ब्रोंइशो आन छेङछेङम गाक्‍चा तङल। अय्‍युब ३३:३०

भजन संग्रह 76:12

मेकोमी सासन पाइब आन ठेयब लेत्‍तीके फस पोक्‍ब। मेको रागी ङा पिप आन कली हिंपाइक्‍ब बाक्‍ब।

इजीकीएल 46:12

मिनु सासन पाइबमी परमप्रभु यावे कली आ थुंम ग्‍येरशा चढ़ेतीक चढ़ेचा दाक्‍ताक्‍व हना, चोशा चढ़ेतीक कि दुशा बाक्‍तीक आ पर्बम चढ़ेतीक चढ़ेचा दाक्‍ताक्‍व हना, मेको ओव़चा कली पूर्ब ङा ठेयब लाप्‍चो रोक्‍शा गेचा माल्‍नीम। मिनु मेकोमी आ चोशा चढ़ेतीक नु दुशा बाक्‍चा आ पर्बम चढ़ेतीक, नाइक्‍तीक नाक्‍ती चढ़ेशो खोदेंशो पा चढ़ेचा माल्‍ब। मिनु नोले मेको लाङगा लचा माल्‍ब। मिनु लम नोले मेको ठेयब लाप्‍चो चोक्‍चा माल्‍नीम।

लेवी 19:3

गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८

लेवी 23:3

गे ६ नाक्‍ती सम्‍म गेय पचा माल्‍नीनी। तन्‍न ७ नाक्‍त चहिं थमा पा नाइक्‍तीक नाक्‍ती बाक्‍शा, परमप्रभु यावे केन बाक्‍ब। गे मारेइ गेय मपने। इन बाक्‍तीक नेल्‍लेमी परमप्रभु यावे आ नाइक्‍तीक नाक्‍ती बाक्‍ब’ ” देंत। प्रस्‍थान २०:८-११

लेवी 23:37

मिनु परमप्रभु यावे आ देंशो ठेयब ग्रुम्‍तीक ङा मानेचा माल्‍शो चाड तेको बाक्‍नीम देंशा हना, मेको नाक्‍ती गेपुकीमी परमप्रभु यावे कली मीम चोशा चढ़ेतीके, अन्‍न चढ़ेतीके, क्‍योरशा चढ़ेतीके नु तूचा थोव़क चढ़ेतीके ठीक नाक्‍ती चढ़ेचा माल्‍नीनी।

लेवी 23:39

मिनु ७ महिना ङा १५ नाक्‍ती आंम रू ङा अन्‍न खुप्‍शो नोले गेपुकीमी ७ नाक्‍त सम्‍म परमप्रभु यावे आ चाड मानेचा माल्‍नीनी। ङोंइती ङा नाक्‍त नु ८ नाक्‍ती थमा पा नाइक्‍चा माल्‍नीनी।

गन्‍ती 29:39

मिनु गे मेको चढ़ेतीके नेल्‍ले इन कली ङोंइती देंशो नाक्‍तीम परमप्रभु यावे कली चढ़ेचा माल्‍नीनी। मेको नु इन नाक्‍त किंत किंत ङा चढ़ेतीके, इन ग्‍येरशा चढ़ेतीके, चोशा चढ़ेतीके, इन अन्‍न चढ़ेतीके, इन तूचा थोव़क चढ़ेतीके नु इन दुशा बाक्‍चा आ पर्बम चढ़ेतीके चढ़ेशा यो मेको चढ़ेचा माल्‍नीनी’ देनो” देंत।

ब्‍यवस्‍था 12:6

मिनु इन चोशा चढ़ेशो, क्‍योरशा चढ़ेशो, इन १० भाग ङा भाग का, इन गेचा ङा चढ़ेशो, इन देंशो चढ़ेशो नु इन आंम दाक्‍शो चढ़ेशो, इन बी ब्‍यफ आन ङोंइती जरमेशो नु इन क्‍यारश भेडा आन ङोंइती जरमेशो मेकेर लाइक्‍चा माल्‍नीनी।