लेवी 23:2 - Sunuwar Bible

² “गे इस्राएली आन कली ‘परमप्रभु यावे आ देंशो पचा माल्‍शो चाड परमप्रभु यावे के बाक्‍नीम। मिनु गे मेको पचा माल्‍नीनी।

लेवी 23:2 ပူးပေါင်းရင်းမြစ်များ

२ राजा 10:20

मिनु येहूम “बाल आ पर्बम चाड का मानेचा माल्‍ब” देंमाक्‍त। मोपतीके मेकोपुकीम मेको लोव़ नेल्‍ल आन कली नेंपदमे बाक्‍त।

१ इतिहास 23:31

नाइक्‍तीक नाक्‍त परमप्रभु यावे कली चोशो चढ़ेतीक चढ़ेचा कली, औंसी नाक्‍त नु नेल्‍ल पचा ङा चाड ङा चढ़ेतीके गेय परमप्रभु यावे आ ङोंइती वारच पचा माल्‍बाक्‍मा बाक्‍त।

२ इतिहास 2:3

मिनु सोलोमनम टायर ङा पिप हुराम कली “गे आं आफ दाऊद कली आ खिं सेल्‍चा कली लेबानोन ङा लाइश्‍शो रवा आ शी सोइश्‍शो बाक्‍‍तीनी। १इतिहास १४:१

२ इतिहास 30:5

मिनु मेकोपुकीम दक्‍खिन ङा बेयर-शेबा रे उत्तर ङा दान सम्‍म ङा इस्राएली नेल्‍ल आन कली परमप्रभु यावे, इस्राएली आन परमप्रभु आ पर्बम पास्‍सा चाड मानेचा कली यरूसलेमम जाक्‍चा माल्‍मा बाक्‍त। एको क्‍येङा ङोंइती इश्‍का मुर दुम्‍शा, एको चाड ममानेशो बाक्‍‍मा बाक्‍त।

एज्रा 3:5

मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।

भजन संग्रह 81:3

औंसी, पूर्ने नु इं ठेयब चाड नाक्‍त तुराही तापीन। लेवी २३:२४

प्रस्‍थान 32:5

मिनु हारूनमी मेको आन कली तशा, बाछा आ ङोंइती चढ़ेतीक का सेला बाक्‍त। मिनु ठेयब सेंदा पा “दीसा परमप्रभु यावे कली चाड का मानेचा माल्‍ब” दें‍माक्‍त।

यसैया 33:20

गो आंइ देंशो ना ङा चाड मानेतीक सहर सियोन कली कोव़ङीन। गे सिक्‍सी पा बाक्‍ब मुर आन सहर यरूसलेम कली ताइनीनी। यरूसलेम गेनायो मयाक्‍सीब ताम्‍बु खोदेंशो बाक्‍ब। मेको आ किला गेनायो मतुल्‍सीब। आ डोरी गेनायो मप्रोंइसीब।

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

इजीकीएल 44:24

मारेइ जितीक खेतीक दुम्‍मेनु, चढ़ेबपुकीमीन निसाफ पाइब आन गेय पचा माल्‍नीम। मिनु आं निसाफ पतीक लोव़ खोदेंशो पा मेकोपुकीम निसाफ पचा माल्‍नीम। मेकोपुकीम चाड मानेचा आ पर्बम आं अरेशो नु आं फुल्‍लुम मुशा ब्रेक्‍शो लोव़ खोदेंशो पा पचा माल्‍नीम। मेकोपुकीम आं नाइक्‍तीक नाक्‍ती मानेचा माल्‍नीम। ब्‍यवस्‍था १७:८-९

होसे 2:11

गो मेको आ चाड नेल्‍ले मानेचा मगेनुङ। मेको आ बर्स बर्स ङा चाडपुकी नु औंसी ङा चाड, मेको आ नाइक्‍तीक नाक्‍तपुकी नु मेको आ अरु चाड नेल्‍ल मानेचा मगे‍नुङ।

योएल 1:14

मिनु माइजा बाक्‍चा कली मुर आन कली खुप्‍तीन। परमप्रभु यावे आ खिंम रागीम बाक्‍ब मुर नेल्‍ल बुक्‍शा, खाल्‍पा आन कली ब्रेत्‍तीन। गे खाल्‍पा नु मुर आन कली परमप्रभु यावे, इन परमप्रभु आ खिंम पुक्‍कीन। मिनु परमप्रभु यावे कली ठेयब सेंदा पा ‘वारच पाइक्‍की’ दे पुनीन” देंत। भजन संग्रह १०४:१०,११; योएल २:१५

योएल 2:15

सियोनमी तुराही ताप्‍‍पीन। माइजा बाक्‍चा कली मुर आन कली खुप्‍तीन। मिनु चाड मानेचा कली मुर आन कली ब्रेत्‍तीन। योएल १:१४

लेवी 23:1

मिनु परमप्रभु यावेमी मोसा कली

लेवी 23:21

मेको नाक्‍त इन कली ठेयब ग्रुम्‍तीक नाक्‍त बाक्‍ब, दे गेपुकीमी नेल्‍ल आन कली नेंपाइक्‍चा माल्‍नीनी। गेपुकीमी मारेइ गेय मपने। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

लेवी 23:37

मिनु परमप्रभु यावे आ देंशो ठेयब ग्रुम्‍तीक ङा मानेचा माल्‍शो चाड तेको बाक्‍नीम देंशा हना, मेको नाक्‍ती गेपुकीमी परमप्रभु यावे कली मीम चोशा चढ़ेतीके, अन्‍न चढ़ेतीके, क्‍योरशा चढ़ेतीके नु तूचा थोव़क चढ़ेतीके ठीक नाक्‍ती चढ़ेचा माल्‍नीनी।

लेवी 23:4

मिनु परमप्रभु यावेमी लेंशा, मुर आन कली शेंचा, दे मोसा कली “परमप्रभु यावे आ देंशो पचा माल्‍शो चाड आ चाड बाक्‍नीम। आ देंशो नाक्‍ती मानेचा माल्‍नीनी। परमप्रभु यावे आ चाडपुकी मार बाक्‍नीम देंशा हना, प्रस्‍थान २३:१४-१९

लेवी 23:44

मिनु मोसामी परमप्रभु यावे कली मानेचा माल्‍शो चाड मुर नेल्‍ल आन कली नेंपाइक्‍तीमी।

नहुम 1:15

कोव़ङीन, रिम्‍शो लोव़ पाइब का पहाडम गाक्‍ब। मेकोम थुं नाइक्‍तीक लोव़ शेंब। यहूदा ङा मुरपुकी, इन चाड मानेन। इन कसम जशो खपीन। मारदे हना काइ मरिम्‍शो पाइब इन बाक्‍तीकेमी लेंशा मजाक्‍नीम। मेको नेल्‍ल क्‍याम्‍चा पुंइसाक्‍म।

गन्‍ती 10:10

मिनु गेपुकी ग्‍येरशा बाक्‍नीनु, गे इन पचा माल्‍शो चाड मानेनीनु, औंसी ङा चाड मानेनीनु, इन चोशा चढ़ेतीके नु इन दुशा बाक्‍चा आ पर्बम चढ़ेतीके चढ़ेनीनु, गेपुकीमी तुराही ताप्‍चा माल्‍नीनी। मिनु मेको ताप्‍नीनु, इन परमप्रभुमी इन कली मिम्‍ब। गो परमप्रभु यावे, इन परमप्रभु नङ” देंत। लेवी २३:२४; २राजा ११:१४; २इतिहास ७:६

गन्‍ती 29:39

मिनु गे मेको चढ़ेतीके नेल्‍ले इन कली ङोंइती देंशो नाक्‍तीम परमप्रभु यावे कली चढ़ेचा माल्‍नीनी। मेको नु इन नाक्‍त किंत किंत ङा चढ़ेतीके, इन ग्‍येरशा चढ़ेतीके, चोशा चढ़ेतीके, इन अन्‍न चढ़ेतीके, इन तूचा थोव़क चढ़ेतीके नु इन दुशा बाक्‍चा आ पर्बम चढ़ेतीके चढ़ेशा यो मेको चढ़ेचा माल्‍नीनी’ देनो” देंत।

यूहन्‍ना 5:1

यरूसलेममी यहूदी आन के चाड का बाक्‍त। मिनु येसु यरूसलेम लत। यूहन्‍ना २:१३

कलस्‍सी 2:1

गो इन पर्बम, लाओडीसीया सहर ङा थमा सुइक्‍ब आन पर्बम नु का निक्‍शी अरु आं कली गेनायो मताइब मुर आन पर्बम गिश श्‍येत जङा, मेको नेल्‍ल इन कली तुइक्‍पाइक्‍चा दाक्‍नुङ।

कलस्‍सी 2:16

मोदेंशो दुम्‍शा इन कली मार मार जचा तूचा दुम्‍बा, मार मार जचा तूचा मदुम्‍बा, मार मार चाड मानेचा, तेको औंसी ठेयब सेल्‍चा, तेक तेको नाइक्‍तीक नाक्‍ती ठेयब सेल्‍चा देंब मुर आन लोव़ मनेनीन। रोमी १४:१-१२