लेवी 23:19 - Sunuwar Bible

¹⁹ मिनु गेपुकीमी पाप आ पर्बम चढ़ेचा कली बोका का नु दुशा बाक्‍चा आ पर्बम चढ़ेचा कली बर्स का गाप्‍शो सांड निक्‍शी यो चढ़ेचा माल्‍नीनी।

लेवी 23:19 ပူးပေါင်းရင်းမြစ်များ

लेवी 16:15

मिनु मेकोमी मुर आन पाप आ पर्बम चढ़ेतीक बोका क्‍योरचा माल्‍ब। मिनु मेको आ हुश फारशो वा आ आगा ङा कोठा चाक्‍शा, ब्‍यफ आ हुश खोदेंशो पा, शिशी बाक्‍तीक तार नु आ ङोंइती ब्रुइक्‍चा माल्‍ब। हिब्रू ४:१६; हिब्रू ९:५

लेवी 23:18

मेको शोब्‍ले नु बर्स का गाप्‍शो ७ ओटा मारेइ मदुम्‍शो थम रिम्‍शो पाठा नु ब्‍यफ का नु सांड निक्‍शी चढ़ेचा माल्‍नीनी। मेको अन्‍न चढ़ेतीक नु तूचा थोव़क चढ़ेतीके परमप्रभु यावे कली आ दाक्‍शो ब्रोव़शो रिना पाइश्‍शो मीम चोशो चढ़ेतीक बाक्‍ब।

लेवी 23:20

मिनु चढ़ेबमी परमप्रभु यावे कली ङोंइती नक मीशो अन्‍न के शोब्‍ले नु सांड निक्‍शी क्‍युक्‍शा हिम्‍शा चढ़ेचा माल्‍ब। मेको चढ़ेब आ भाग दुम्‍चा कली परमप्रभु यावे कली गेशो बाक्‍नीम।

गन्‍ती 15:24

गे नु ग्रुम्‍तीक ङा मुरुमी मतुइक्‍थु पशो पाप आ पर्बम मेको ग्रुम्‍तीक ङा मुर नेल्‍लेमी ब्‍यफ का चोशा चढ़ेचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो बाक्‍ब। मेको आ शेंशो खोदेंशो पा अन्‍न चढ़ेतीक नु तूचा थोव़क चढ़ेतीक यो चढ़ेचा माल्‍नीम। मिनु पाप आ पर्बम बोका का यो चढ़ेचा माल्‍नीम।

गन्‍ती 28:30

मिनु इन पाप आ पर्बम पाप क्‍याम्‍तीक गेय पचा कली बोका का चढ़ेचा माल्‍नीनी।

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०