लेवी 23:17 - Sunuwar Bible

¹⁷ गेपुकीमी आंम इन खिं रे शोब्‍ले निक्‍शी क्‍युक्‍शा हिम्‍शा चढ़ेचा कली माल्‍नीनी। मेको शोब्‍ले का एफाह का के २० भाग थम रिम्‍शो फस रे बोरब ओख्‍ती सुप्‍थु चोशा सेल्‍शो दुम्‍चा माल्‍ब। मेको ङोंइती मीशो अन्‍न के परमप्रभु यावे कली चढ़ेतीक बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर खोदेंशो बाक्‍ब।

लेवी 23:17 ပူးပေါင်းရင်းမြစ်များ

नेहेम्‍याह 10:37

मिनु आंइ नि‍शो फस ङा नेल्‍ल क्‍येङा ङोंइती ङा भाग, अन्‍न चढ़ेतीके, मार मार रवा आन फल, अङगुर शांबु नु तेल चढ़ेब आन कली गेचा, दे परमप्रभु आ खिं ङा वोइक्‍तीक कोठाम चाक्‍नीकी। मोदेंशो पा लेवी नेल्‍लेम रागी ङा १० भाग ङा भाग का ताइनीम। मेको लेवीपुकीमी आंइ गेय पतीक सहर जाक्‍शा, १० भाग ङा भाग का पोक्‍चा माल्‍नीम। गन्‍ती १५:२०-२१; गन्‍ती १८:२१

प्रस्‍थान 22:29

गे इन रू ङा ङोंइती मीशो मारेइ मारेइ नु अङगुर रस चढ़ेचा मरिम्‍दीन। मिनु इन ङोंइती जरमेशो तौपुकी आं कली गेचा माल्‍नीनी। प्रस्‍थान २३:१९; ब्‍यवस्‍था १८:४; हितोपदेस ३:९-१०; प्रेरित १३:२,१३

प्रस्‍थान 23:16

मिनु इन रूम ख्रुम्‍शो ङोंइती ङा मीशो मारेइ मारेइ ङा चाड मानेचा माल्‍नीनी। बर्स नुप्‍ची ना नेल्‍ल रिक्‍शा, खुप्‍शा, ओंइने थुम्‍शो ङा चाड मानेचा माल्‍नीनी। प्रस्‍थान ३४:२२

प्रस्‍थान 23:19

मिनु इन रू ङा ङोंइती मीशो नेल्‍ल क्‍येङा रिम्‍शो फल फुल नु अन्‍न परमप्रभु यावे, इन परमप्रभु आ बाक्‍तीकेम चाक्‍चा माल्‍नीनी। गेपुकीमी पाठा कली आ ममा आ दूधम लोप्‍शा मक्‍येने, देनो” दे परमप्रभु मोसा कली देंत। उत्‍पत्ती ४:४; ब्‍यवस्‍था २६:१-११; नेहेन्‍याह १०:३६; ब्‍यवस्‍था १४:२१

प्रस्‍थान 34:22

गेपुकीमी हप्‍ता ङा चाड मानेचा माल्‍नीनी। मेको ङोंइती मीशो चेरब आ चाड बाक्‍ब। बाली नाली रुप्‍शा ओंइतीक ङा चाड यो मानेचा माल्‍नीनी। मेको बर्स नुप्‍ची ना ङा चाड बाक्‍ब। लेवी २३:१५-१६; ब्‍यवस्‍था १६:९-१०

प्रस्‍थान 34:26

इन रू ङा ङोंइती मीशो नेल्‍ल क्‍येङा रिम्‍शो थोव़क परमप्रभु यावे, इन परमप्रभु आ खिंम चाक्‍चा माल्‍नीनी। क्‍यारश आ पाठा आ ममा आ दूधमी लोप्‍शा क्‍येचा मदुम्‍ब” दे मोसा कली दें‍त। प्रस्‍थान २३:१९

लेवी 2:12

खुदो नु बोरब ओख्‍ती सुप्‍शो चढ़ेतीक लाइश्‍शा परमप्रभु यावे कली चढ़ेने चाप्‍नीनी। तन्‍न मेको कली चढ़ेतीक मीम हुम्‍चा मदुम्‍ब। गन्‍ती १८:१२-१३; २इतिहास ३१:५

लेवी 23:10

“गे इस्राएली आन कली ‘इन कली गेशो रागीम जाक्‍दीश्‍शा, मेकेर ङा बाली नाली खुप्‍तीनीनु, गेपुकीमी ङोंइती ङा रिक्‍शो बाली मुठा का चढ़ेब आन कली चाक्‍कीन।

लेवी 23:18

मेको शोब्‍ले नु बर्स का गाप्‍शो ७ ओटा मारेइ मदुम्‍शो थम रिम्‍शो पाठा नु ब्‍यफ का नु सांड निक्‍शी चढ़ेचा माल्‍नीनी। मेको अन्‍न चढ़ेतीक नु तूचा थोव़क चढ़ेतीके परमप्रभु यावे कली आ दाक्‍शो ब्रोव़शो रिना पाइश्‍शो मीम चोशो चढ़ेतीक बाक्‍ब।

लेवी 7:13

मेकोमी “गे रिम्‍शो पाइब बाक्‍नीनी” दे ठेयब सेल्‍शा नु दुशा बाक्‍चा आ पर्बम चढ़ेशो नु बोरब ओख्‍ती सुप्‍शो शोब्‍ले यो चढ़ेचा माल्‍ब।

गन्‍ती 15:17

परमप्रभु यावेमी मोसा कली

गन्‍ती 18:12

मिनु मेकोपुकीमी परमप्रभु यावे कली गेशो नेल्‍ल क्‍येङा रिम्‍शो तेल, नेल्‍ल क्‍येङा रिम्‍शो अङगुर शांबु, अन्‍न नु रिम्‍शो मारेइ मारेइ गो इ कली गेतन।

गन्‍ती 18:13

मेकोपुकीमी परमप्रभु यावे कली चढ़ेथ चाक्‍शो आन ङोंइती मीशो फल फुल नेल्‍ल इं केन दुम्‍ब। इ खिंमी ग्रांग्रा मदिशो बाक्‍शो मुर नेल्‍लेमी मेको जने चाप्‍नीम। प्रस्‍थान २३:१९; ब्‍यवस्‍था १८:३-४

गन्‍ती 28:26

ङोंइती मीशो अन्‍न नु फल फुल ङा चाड नाक्‍त गे परमप्रभु यावे कली नक अन्‍न रे अन्‍न चढ़ेतीक चढ़ेनीनी। मेको हप्‍ता ङा चाड बाक्‍ब। मेना परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे काइ गेय मपने। लेवी २३:१५-२१; ब्‍यवस्‍था १६:१०

मत्ती 13:33

मिनु येसुमी “स्‍वर्ग ङा राज्‍य ओदेंशो बाक्‍ब, मीश मुर कामी पाथी सां फसमी बोरपाइक्‍ब ओख्‍ती सुप्‍शा, फस नेल्‍ल मबोरम सम्‍म सुम्‍शा वोदा बाक्‍त” दे अर्को कथा का शेंताक्‍मी। लूका १३:२०-२१

रोमी 8:23

मेको सेल्‍शोमी ला ममाइ। गो नेल्‍ल क्‍येङा ङोंइती परमप्रभु यावे आ सोक्‍त ताइबपुकीमी यो हिंमा क्‍येम्‍स पा “आंइ रां बेक्‍चा रे प्रोनीन” दे पुंइना पुंइन आस पा बाक्‍नय। २कोरिन्‍थी ५:२

१ कोरिन्‍थी 15:20

तन्‍न ख्रीस्‍त बेक्‍शो रे सेंसीशो बाक्‍ब। बेक्‍शो आन दातेमी नेल्‍ल क्‍येङा ङोंइती सेंसीब ख्रीस्‍त बाक्‍त। १कोरिन्‍थी ६:१४; कलस्‍सी १:१८

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८