लेवी 23:13 - Sunuwar Bible

¹³ मेको नु अन्‍न चढ़ेतीक चढ़ेचा माल्‍नीनी। मेको अन्‍न चढ़ेतीक चहिं तेलम निशो एफाह के २० भाग थम रिम्‍शो फस दुम्‍चा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। मेको नु तूचा थोव़क चढ़ेतीके हिन का ङा ४ भाग सेल्‍शो रे भाग का अङगुर शांबु चढ़ेचा माल्‍नीनी। एफाह पुक्‍तीके का बाक्‍ब। एफाह का २२ लिटर रिक्‍ब। मेको के २० भाग ४.४ लिटर बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब। हिन अर्को पुक्‍तीक का बाक्‍ब। हिन का ४ लिटर खोदेंशो रिक्‍ब। हिन का ४ भाग सेल्‍शो रे भाग का लिटर का खोदेंशो बाक्‍ब।

लेवी 23:13 ပူးပေါင်းရင်းမြစ်များ

प्रस्‍थान 30:24

नु कस्‍सीया माइश्‍शो ब्रोव़शो रिना पाइब फू ५ सहे शेकेल, ताम्‍बु ङा नाक्‍तीकेमी नाक्‍शा, चाक्‍चा माल्‍नेवे। रिम्‍शो तेल हिन का यो चाक्‍चा माल्‍नेवे। हिन का ४ लिटर खोदेंशो बाक्ब।

प्रस्‍थान 30:9

मेको धूप चोतीकेमी अरु धूप चोचा मदुम्‍ब। चोशा चढ़ेतीके नु जचा थोव़क चढ़ेतीके मेकेर चढ़ेचा मदुम्‍ब। तूचा थोव़क चढ़ेतीके यो मेकेर मोइक्‍चा मदुम्‍ब। लेवी १०:१-२

इजीकीएल 4:11

गे तूचा कली ब्‍वाक्‍कु यो पुक्‍चा माल्‍नेवे। हिन का ६ भाग ङा भाग का तूचा माल्‍नेवे। मेको गेना तूचा माल्‍नेवे, इ कली देंनुङ। हिन का ४ लिटर खोदेंशो बाक्‍ब।

इजीकीएल 45:24

मेको बोहोर का नु एफाह का अन्‍न चढ़ेचा माल्‍ब। सांड का नु एफाह का अन्‍न चढ़ेचा माल्‍ब। मिनु मेको का का पा, एफाह का कली हिन का तेल चढ़ेचा माल्‍ब। एफाह का २२ लिटर पुक्‍तीके बाक्‍ब। हिन का ४ लिटर बाक्‍ब। इजीकीएल ४६:५; गन्‍ती १५:४-१२

इजीकीएल 46:14

मेको नु सुनी कुस कुस चढ़ेतीक नु एफाह ङा ६ भाग ङा भाग का अन्‍न, हिन का ङा ३ भाग ङा भाग का तेल रिम्‍शो फस ब्‍वाइक्‍चा कली चढ़ेचा माल्‍ब। एको परमप्रभु यावे कली अन्‍न चढ़ेतीक बाक्‍ब। मिनु मेको गेना हना यो परमप्रभु यावे कली अन्‍न चढ़ेतीक बाक्‍ब। एफाह का २२ लिटर पुक्‍तीक बाक्‍ब। हिन का ४ लिटर खोदेंशो बाक्‍ब।

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 1:9

अन्‍न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्‍शो बाक्‍ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। योएल २:१४

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

लेवी 14:10

मिनु ८ नाक्‍त नोले मेकोमी मारेइ मदुम्‍शो थम रिम्‍शो सांड निक्‍शी नु बर्स का दुम्‍शो मारेइ मदुम्‍शो थम रिम्‍शो पाठी का, अन्‍न चढ़ेचा कली तेलम निशो थम रिम्‍शो फस एफाह का के ३० भाग नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा ३० भाग ६.५ लिटर खोदेंशो बाक्‍ब। नेल्‍ल १२ माना खोदेंशो बाक्‍ब। लोग का पुक्‍तीके का बाक्‍ब। मेको ०.३ लिटर रिक्‍ब।

लेवी 23:12

मेको क्‍युक्‍शा हिम्‍शो नाक्‍ती गेपुकीमी परमप्रभु यावे कली बर्स का दुम्‍शो मारेइ मदुम्‍शो थम रिम्‍शो सांड चोशा चढ़ेचा माल्‍नीनी।

लेवी 6:20

“हारून नु आ तौपुकीम तेल लुक्‍चा पुंइसे नाक्‍ती परमप्रभु यावे कली मार नु दोपा चढ़ेचा माल्‍नीम देंशा हना, एफाह का ङा १० भाग थम रिम्‍शो फस नाक्‍दो आधा नु सुनी आधा गेना हना यो चढ़ेचा माल्‍नीम। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ ४ माना खोदेंशो बाक्‍ब। लेवी ७:३७; प्रस्‍थान २९:-

गन्‍ती 28:10

मेको नाइक्‍तीक नाक्‍ती ङा चोशा चढ़ेतीके बाक्‍ब। मेको नाक्‍त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।