लेवी 22:9 - Sunuwar Bible

⁹ चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

लेवी 22:9 ပူးပေါင်းရင်းမြစ်များ

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

लेवी 16:13

मिनु मेकोमी परमप्रभु यावे आ ङोंइती बाक्‍शा, धूप चोचा माल्‍ब। मिनु धूप आ कुनम कबल पशो सन्‍दोस आ तार बाक्‍शो शिशी बाक्‍तीक कली सुम्‍चा माल्‍ब। मोदेंशो मपाप्‍तु हना, मेको बेक्‍ब। प्रस्‍थान २५:१७-२२

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

लेवी 22:16

मोदेंशो परमप्रभु कली चढ़ेशो जशो मुर दोस ताइनीम। मिनु मेकोमी गारशा आ पर्बम चढ़ेतीक चाक्‍चा माल्‍ब। मारदे हना मेकोमी परमप्रभु यावे कली चढ़ेशो जाप्‍तु ब्‍वाप्‍तु। गो परमप्रभु यावे नङ। मिनु गो मेको कली आंम आं मुर सेल्ता’ दे शेंदो” देंत।

गन्‍ती 18:22

मुल रे इस्राएलीपुकी ग्रुम्‍तीक ताम्‍बु आ नेक्‍था जाक्‍ने मचाप्‍नीम। जाक्‍तेक्‍म हना, पापम पतीकेमी बेक्‍नीम।

गन्‍ती 18:32

मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।

मत्ती 23:17

मिक्‍च मपाइश्‍शो मूर्खपुकी, सुन ठेयब मिम्‍सीबा, दे सुनमी ग्‍योम्‍सीशो खिं ठेयब मिम्‍सीबा?

ब्‍यवस्‍था 11:1

मिनु मोसामी “गे परमप्रभु यावे, इन परमप्रभु कली दाक्‍चा माल्‍नीनी। गे नाक्‍त किंत किंत मेको आ ब्रेक्‍शा अरेशो लोव़, आ फुल्‍लुम मुशा ब्रेक्‍शो लोव़, आ निसाफ पतीक लोव़ नु आ शेंशो नेल्‍ल टिने।