लेवी 22:23 - Sunuwar Bible

²³ मिनु गेपुकीमी लाइश्‍शा खोइल पाइश्‍शो ब्‍यफ कि भेडा चहिं ग्‍येरशा चढ़ेतीके चढ़ेतीनी हना दुम्‍ब। तन्‍न कसम जशोनु, इन चढ़ेतीके मब्राइब दुम्‍ब।

लेवी 22:23 ပူးပေါင်းရင်းမြစ်များ

प्रस्‍थान 35:29

मोपा इस्राएली नेल्‍लेमी ग्‍येरशा, परमप्रभु यावे कली गेचा कली मारेइ मारेइ चाक्‍तेक्‍म। मीश मुर नु वोंइश मुरुमी मार मार माल्‍बा मेको नेल्‍ल चाक्‍तेक्‍म। परमप्रभु यावेमी मोसा कली अरेशो खोदेंशो पा ताम्‍बु सेल्‍तीक गेय पचा कली मार मार चाक्‍तेक्‍म।

लेवी 21:18

मारदे हना सुइ दूली मुर, मिक्‍च मताइब, खोइल मदुक्‍ब, आ कुल कि रां बिग्रेशो कि खोइल का लाइश्‍शो मुर परमप्रभु आ ङोंइती जाक्‍चा मदुम्‍ब।

लेवी 22:22

मिनु गेपुकीम परमप्रभु यावे कली मिक्‍च मताइब, गार दुम्‍शो, आन रां बिग्रेशो, ग्रांग्रा यितीके पाइब, कुशुल रोइ पाइब कि लुतो पाइब बस्‍तु भाव चढ़ेचा मदुम्‍ब। मोदेंशो मीम चोशा चढ़ेचा कली परमप्रभु यावे कली चढ़ेतीकेमी वोइक्‍चा मदुम्‍ब।

लेवी 22:24

तेको ब्‍यफ, क्‍यारश भेडा खसी पशो गार सेल्‍शो नु चेश्‍शो बाक्‍बा, मेको परमप्रभु यावे कली चढ़ेचा मदुम्‍ब। इन रागीम मो पचा मदुम्‍ब।

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०

ब्‍यवस्‍था 17:1

मोसामी “गेपुकीमी परमप्रभु यावे, इन परमप्रभु कली कोङटे बोङटे गाक्‍ब मिक्‍च मताइब, मारेइ दुम्‍शो ब्‍यफ भेडा चढ़ेचा मदुम्‍ब। मोदेंशो परमप्रभु यावे, इन परमप्रभु कली ग्रांग्रा बाक्‍ब। लेवी २२:२०; मलाकी १:६-९