लेवी 22:22 - Sunuwar Bible

²² मिनु गेपुकीम परमप्रभु यावे कली मिक्‍च मताइब, गार दुम्‍शो, आन रां बिग्रेशो, ग्रांग्रा यितीके पाइब, कुशुल रोइ पाइब कि लुतो पाइब बस्‍तु भाव चढ़ेचा मदुम्‍ब। मोदेंशो मीम चोशा चढ़ेचा कली परमप्रभु यावे कली चढ़ेतीकेमी वोइक्‍चा मदुम्‍ब।

लेवी 22:22 ပူးပေါင်းရင်းမြစ်များ

लेवी 1:13

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 1:9

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। उत्‍पत्ती ८:२१; प्रस्‍थान २९:१८

लेवी 22:20

गार पाइश्‍शो बस्‍तु चढ़ेचा मदुम्‍ब। मारदे हना मेको मब्रचा ङा बाक्‍नीम। ब्‍यवस्‍था १५:२१; ब्‍यवस्‍था १७:१; मलाकी १:८

लेवी 22:21

मिनु मुर कामी दुशा बाक्‍चा आ पर्बम चढ़ेतीके परमप्रभु यावे कली चढ़ेशा, आ पशो कसम खबानु, ग्‍येरशा परमप्रभु यावे कली चढ़ेतीके, खोदेंशो पा, मेको ब्रचा ङा दुम्‍पाइक्‍चा कली आ हुल रे मारेइ मदुम्‍शो थम रिम्‍शो बस्‍तु चढ़ेचा माल्‍ब।

लेवी 22:23

मिनु गेपुकीमी लाइश्‍शा खोइल पाइश्‍शो ब्‍यफ कि भेडा चहिं ग्‍येरशा चढ़ेतीके चढ़ेतीनी हना दुम्‍ब। तन्‍न कसम जशोनु, इन चढ़ेतीके मब्राइब दुम्‍ब।

लेवी 3:3

मेकोमी दुशा बाक्‍चा आ पर्बम परमप्रभु यावे कली मीम चोशा चढ़ेतीक चढ़ेचा माल्‍ब। गा क्‍यी आ तार ङा नु मेको कली गिल्‍शो बोंसो नेल्‍ल चढ़ेचा माल्‍ब।

लेवी 3:5

मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३