लेवी 22:20 - Sunuwar Bible

²⁰ गार पाइश्‍शो बस्‍तु चढ़ेचा मदुम्‍ब। मारदे हना मेको मब्रचा ङा बाक्‍नीम। ब्‍यवस्‍था १५:२१; ब्‍यवस्‍था १७:१; मलाकी १:८

लेवी 22:20 ပူးပေါင်းရင်းမြစ်များ

इजीकीएल 45:18

मिनु परमप्रभु, परमप्रभु यावेमी “ङोंइती ङा महिना नु ङोंइती ङा नाक्‍त, गेपुकीम मारेइ मदुम्‍शो बोहोर का चाक्‍शा, परमप्रभु यावे आ बाक्‍तीक ग्रांग्रा मदिशो सेल्‍चा माल्‍नीनी।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 22:24

तेको ब्‍यफ, क्‍यारश भेडा खसी पशो गार सेल्‍शो नु चेश्‍शो बाक्‍बा, मेको परमप्रभु यावे कली चढ़ेचा मदुम्‍ब। इन रागीम मो पचा मदुम्‍ब।

लेवी 22:25

गेपुकीमी मोदेंशो बस्‍तु भाव अर्को रागी ङा मुर रे ग्‍याप्‍शा ताक्‍शा इन परमप्रभु कली जचा थोव़क चढ़ेचा मदुम्‍ब। मेको आन रां बिग्रेशो नु गारम पतीके इन पर्बम मब्रतीक दुम्‍ब’ दे शेंदो” दे परमप्रभु यावेमी मोसा कली देंत।

लेवी 3:1

सुइ आन चढ़ेतीके दुशा बाक्‍चा आ पर्बम बाक्‍त हना, मेकोमी बी ब्‍यफ रे का चढ़ेब हना, परमप्रभु यावे आ ङोंइती मारेइ मदुम्‍शो थम रिम्‍शो बी कि ब्‍यफ चढ़ेचा माल्‍ब।

लेवी 3:6

मेकोमी आ दुशा बाक्‍चा आ पर्बम परमप्रभु यावे कली चढ़ेतीके क्‍यारश भेडा रे का चढ़ेब हना, मेकोमी मारेइ मदुम्‍शो थम रिम्‍शो क्‍यारश भेडा बाक्‍त हना यो, बोका सांड बाक्‍त हना यो, चढ़ेचा माल्‍ब।

मलाकी 1:8

गेपुकीमी मिक्‍च मताइब बस्‍तु चढ़ेथ चाक्‍नीनी। मिनु मेको दूली मबाक्‍ब देंनीनी। खोइल मदुक्‍ब नु रोइ पशो बस्‍तु चढ़ेचा दूली मबाक्‍ब देंनीनी। मिनु इन रागी ङा ठेयब मुर कली मोदेंशो गेनीनु, मार, मेको ग्‍येरशा ताक्‍शा, इन कली दाक्‍बा ङा?” दे मुर नेल्‍ल आन परमप्रभु यावेमी देंत। लेवी २२:२०,२३

गन्‍ती 19:2

“गे इस्राएली आन कली ‘परमप्रभु यावेमी ब्रेक्‍शा अरेशो पचा माल्‍शो लोव़ का एको बाक्‍ब। गेपुकी थम रिम्‍शो मारेइ मदुम्‍शो गेनायो जवा मलाप्‍शो लल बी का आंस बाक्‍तीक चाक्‍कीन’ देनीस। हिब्रू ९:१३; लेवी २२:२०; ब्‍यवस्‍था २१:३

गन्‍ती 29:8

गे परमप्रभु यावे कली चोशा चढ़ेतीके चढ़ेचा माल्‍नीनी। मेको आ दाक्‍शो ब्रोव़शो रिना पाइश्‍शो चढ़ेतीके बाक्‍ब। मिनु गे ब्‍यफ का, सांड का नु बर्स का का गाप्‍शो ७ ओटा पाठा चढ़ेचा माल्‍नीनी। मेको थम रिम्‍शो मारेइ मदुम्‍शो दुम्‍चा माल्‍नीम।

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०

ब्‍यवस्‍था 17:1

मोसामी “गेपुकीमी परमप्रभु यावे, इन परमप्रभु कली कोङटे बोङटे गाक्‍ब मिक्‍च मताइब, मारेइ दुम्‍शो ब्‍यफ भेडा चढ़ेचा मदुम्‍ब। मोदेंशो परमप्रभु यावे, इन परमप्रभु कली ग्रांग्रा बाक्‍ब। लेवी २२:२०; मलाकी १:६-९

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९